ရန်ကုန်၊ နိုဝင်ဘာ ၂၃

 

ဒီဇင်ဘာလ ၁ ရက်နေ့တွင် ဖွင့်လှစ်မည့် (၉) ကြိမ်မြောက် ကျပ် ၅ဝဝ တန် အောင်ဘာလေသိန်းဆုဖွင့်ပွဲအတွက် ထီလက်မှတ်အားလုံးကုန်စင် အောင် ရောင်းချခဲ့ရသဖြင့် ထီဆုမဲပေါင်း ၁၂၃၂ဝ၆ ဆုကို ဖွင့်လှစ်ပေးသွားမည်ဖြစ် ကြောင်း အောင်ဘာလေသိန်းဆုဌာနခွဲမှ သိရသည်။

စစ်ကိုင်း၊ နိုဝင်ဘာ ၂၃

 

စစ်ကိုင်း တိုင်းဒေသကြီး စစ်ကိုင်းမြို့ အမှတ် (၁)အထကမြောက်ဘက်ဥပစာရှိ ဆိုင်ခန်း ၁၆ ခန်းတွင် ဖွင့်လှစ်ထားသည့်လူနေဈေးဆိုင်များကို အိမ်ဥပစာ(နှင်ထုတ်ခြင်း) အက်ဥပဒေအရ နိုဝင်ဘာ ၂၁ ရက်က ဖယ်ရှားခဲ့ပြီးဖြစ်သဖြင့် အဆိုပါဆိုင်ခန်းများအား လေလံရောင်းချ ရေးအဖွဲ့မှ ဈေးပြိုင်စနစ်ဖြင့် လေလံတင်ရောင်းချမည်ဖြစ်ကြောင်း သိရသည်။

ကလေး၊ နိုဝင်ဘာ ၂၃

 

မြန်မာ- အိန္ဒိယနယ်စပ်ရောင်းဝယ်ရေးတွင် ဒုတိယအကြီးမားဆုံး အရောင်းအဝယ်ဖြစ်သည့် ရိဒ်နယ်စပ်တွင် ယခုနိုဝင်ဘာလဆန်းမှအစပြု၍ အိန္ဒိယနိုင်ငံကုန်သည်များမှ ကွမ်းသီးဝယ်ယူမှု ရပ်ဆိုင်းထားသောကြောင့် မြန်မာနိုင်ငံဘက်မှ ကွမ်းသီးကုန်သည်များ အခက်ကြုံလျက်ရှိကြောင်း ကွမ်းသီးကုန်သည်များထံမှ သိရသည်။

တာချီလိတ်၊ နိုဝင်ဘာ ၂၃

 

ရှမ်းပြည်နယ်(အရှေ့ပိုင်း) တာချီလိတ်မြို့ ရန်အောင်မြေရပ်ကွက် ဗိုလ်ချုပ်လမ်းမပေါ်၌ မော်တော်ယာဉ်တစ်စီး ဆီတိုင်ကီပေါက်ကာ မီးလောင်ကျွမ်းမှု နိုဝင်ဘာ ၂၃ရက် နံနက် ၅ နာရီ မိနစ် ၅ဝက ဖြစ်ပွားခဲ့ကြောင်း မြို့မရဲစခန်းမှ သိရသည်။

စစ်တွေ၊ နိုဝင်ဘာ ၂၃

 

အကြမ်းဖက်တိုက်ခိုက်မှုများ ဖြစ်ပွားခဲ့သည့် မောင်တော၊ ဘူးသီးတောင်နှင့် ရသေ့တောင်ဒေသများအား ပြန်လည်ထူထောင်ရေးဆောင်ရွက်ရာတွင် ပြည်နယ်အစိုးရက ပြည်နယ်လွှတ်တော်သို့ ပွင့်လင်းမြင်သာစွာ တင်ပြပေးရေးအဆိုကို ဆက်လက် ဆွေးနွေးရန် ပြည်နယ်လွှတ်တော် ကိုယ်စားလှယ်များက သဘောတူ ဆုံးဖြတ်လိုက်ကြကြောင်းသိရသည်။ ယင်းအဆိုကို မောင်တောမြို့ နယ် မဲဆန္ဒနယ်အမှတ် (၂)မှ ပြည် နယ်လွှတ်တော်ကိုယ်စားလှယ် ဦး မောင်အုန်းက နိုဝင်ဘာ ၂၂ ရက် က ပြုလုပ်သည့် ပြည်နယ်လွှတ် တော်အစည်းအဝေးတွင် တင်သွင်းခဲ့ခြင်းဖြစ်သည်။

ကော့ကရိတ်၊ နိုဝင်ဘာ ၂၃

 

ကရင်ပြည်နယ် ကော့ကရိတ်မြို့ နယ် ကော့နွဲကျေးရွာ အာရှလမ်းမကြီးကော့ကရိတ်-မြဝတီသွား အမြန်လမ်းမကီလိုမီတာ ၁၃၉နှင့် ၁၄ဝ ကြားနေရာတွင် နိုဝင်ဘာ ၂၂ရက် ညနေ ၅နာရီ ၄၅မိနစ်က ယာဉ်တိုက်မှုတစ်ခုဖြစ်ပွားခဲ့ကြောင်းသိရသည်။

ချဲလ်ဆီးနည်းပြကွန်တီက ပွဲဆက်များသည့်အနေအထား ကြောင့် ကွာရာဘတ်နှင့် ချန်ပီယံလိဂ်ပွဲစဉ်ကစားပြီးနောက် လေယာဉ်ဖြင့် အပြန်ခရီးစဉ်မှာကတည်းက လီဗာပူးနှင့်ပွဲအတွက် ပြင်ဆင်ခဲ့ရကြောင်း ဝန်ခံပြောဆိုခဲ့သည်။ ချဲလ်ဆီးသည် အဇာဘိုင်ဂျန် ကလပ်ကွာရာဘတ်နှင့်ကစားရန် ၎င်းတို့အသင်း၏သမိုင်းတွင် အရှည်လျားဆုံးခရီးထွက်ခဲ့ရပြီး ကြာသပတေးနေ့နံနက်ပိုင်းတွင် လန်ဒန်သို့ရောက်ရှိပြီးနောက် သောကြာနေ့တွင် လေ့ကျင့်ခန်းဆင်းကာ စနေနေ့တွင် လီဗာပူးနှင့် ကစားရမည်ဖြစ်သည့်အတွက် အဇာဘိုင်ဂျန်မြို့တော်၊ ဘာကူမှပြန်လာခဲ့သော လေယာဉ် ပေါ်မှာကတည်းက လီဗာပူးနှင့်ပွဲအတွက် ကြိုတင် ပြင်ဆင်ခဲ့ရကြောင်း ကွန်တီကဆိုခဲ့သည်။

ပီအက်စ်ဂျီအသင်းသည် ပြီးခဲ့သောပွဲစဉ်တွင် ဆဲလ်တစ်ကို ၇-၁ဖြင့် ဂိုးပြတ်အနိုင်ရခဲ့အပြီးတွင် ချန်ပီယံလိဂ်အုပ်စုအဆင့်တွင် စံချိန်တင်ဂိုးသွင်းနိုင်သည့်အသင်းဖြစ်လာကြောင်းသိရသည်။ ကာဗာနီနှင့်နေမာတို့ နှစ်ဂိုးစီသွင်းယူနိုင်ခဲ့ခြင်းအပါအဝင် အဆိုပါဂိုးပြတ်နိုင်ပွဲကြောင့် ပီအက်စ်ဂျီမှာ အုပ်စုပွဲစဉ်ငါးပွဲတွင် ၂၄ဂိုးအထိ သွင်းယူနိုင်ခဲ့ခြင်းဖြစ်ရာ ချန်ပီယံလိဂ်အုပ်စုအဆင့်တွင် ဂိုးအများဆုံးသွင်းယူနိုင်သော အသင်း ဖြစ်လာခဲ့သည်။

ရီးရဲလ်နောက်ခံလူ ကာဗာဂျယ်သည် APOEL နှင့်ပွဲတွင် ပွဲပြီးခါနီး၌ အဝါကတ်ပြသခံရခြင်းကြောင့် နောက်ဆုံးပွဲစဉ်ကိုလွဲ ချော်ရမည်ဖြစ်ရာ ကစားသမားအနေဖြင့် အဝါကတ်ကို တမင်ရည်ရွယ်ရယူခဲ့ခြင်းရှိ၊ မရှိ စုံစမ်းစစ်ဆေးသွားမည်ဖြစ်ကြောင်း ယူအီးအက်ဖ်အေကဆိုခဲ့သည်။

ရန်ကုန်၊ နိုဝင်ဘာ ၂၃

 

ဘက ကျောင်းများ ဖြုတ်ပစ်မည်ဆိုပါက ဝေးလံသည့် တောရွာနေလူတန်းစားများ လက်မှတ်ထိုးရာတွင် ကြက် ခြေခတ်ရသည့်ဘဝမျိုး ပြန် ရောက်သွားလိမ့်မည်ဟု ပြည်ခိုင် ဖြိုးပါတီ၏ ဗဟိုကော်မတီဝင် ဦးလှသိန်းက ပြောသည်။ နိုဝင်ဘာ ၂၃ ရက်၊ ရန်ကုန် မြို့ သံလွင်လမ်းရှိ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီရုံးချုပ်တွင်ပြုလုပ်သည့် သတင်းစာရှင်းလင်းပွဲတွင် အထက်ပါအတိုင်းပြောကြားခဲ့ခြင်းဖြစ်သည်။

Page 1 of 146