Main menu
HOT NEWS
adv
ငြိမ်းချမ်းရေးအတွက် ပုံမှန်မဟုတ်သောမဟာမိတ်များထံ  ခြေဦးလှည့်လာရသည့် ဒေါ်အောင်ဆန်းစုကြည်

ငြိမ်းချမ်းရေးအတွက် ပုံမှန်မဟုတ်သောမဟာမိတ်များထံ ခြေဦးလှည့်လာရသည့် ဒေါ်အောင်ဆန်းစုကြည်

ဒီမိုကရေစီ အုပ်ချုပ်ရေးစနစ်သို့ မြန်မာနိုင်ငံ၏ ပြောင်းလဲရေး လုပ်ငန်းစဉ်အား ဒေါ်အောင်ဆန်းစုကြည် ဦးဆောင်ပြီး တစ်နှစ်ကျော် အကြာတွင် သူသည် ယခင်က မထင်မှတ်ခဲ့သော မဟာမိတ်များထံ ဦးလှည့်လာသည်ကို တွေ့လာရသည်။ မြန်မာနိုင်ငံ တွင်းရှိ တိုင်းရင်းသားအရေး ပဋိပက္ခများ ကို ဖြေရှင်းနိုင်ရန်နှင့် နိုင်ငံ၏ စီးပွားရေး ဖွံ့ဖြိုးတိုးတက်မှုတို့ကို ရှေ့ဆက်ဆောင် ရွက်နိုင်ရန် ကြိုးပမ်းမှုအနေဖြင့် ထိုသို့ ဦးတည်လာရခြင်းလည်း ဖြစ်သည်။

ဇွန်လလယ်ပိုင်းတွင် တပ်မ တော်နှင့် ကချင်လွတ်မြောက်ရေးတပ်ဖွဲ့  (KIO)တို့ မြန်မာနိုင်ငံတောင်ပိုင်း တရုတ် နိုင်ငံနှင့် နယ်စပ်အနီးတွင် တိုက်ပွဲများဖြစ် ပွားခဲ့သည်။ ထိုတိုက်ပွဲများကြောင့် အဆိုပါ ဧရိယာတွင်းရှိ ဒေသခံများနှင့် ကျောက် တူးသမား များမှာ ဘေးလွတ်ရာသို့ ရွှေ့ ပြောင်းခဲ့ရသည်ဟုလည်း ဒေသတွင်းသတင်းများတွင် ဖော်ပြခဲ့ကြသည်။ အဆိုပါတိုက်ပွဲများသည် ၂၁ ရာစု ပင်လုံငြိမ်းချမ်းရေး ညီလာခံကိုကျင်းပပြီး သီတင်းပတ်အနည်းငယ်အကြာတွင် ပေါ်ပေါက်ခဲ့ခြင်းလည်း ဖြစ်သည်။

၂၁ ရာစု ပင်လုံညီလာခံကို မေလနှောင်းပိုင်းတွင် ကျင်းပခဲ့ပြီး ယင်းသို့ အစိုးရ၊ တပ်မတော်နှင့် နိုင်ငံတွင်းရှိ တိုင်းရင်းသားလက်နက်ကိုင် အဖွဲ့များ၏ ကိုယ်စားလှယ်များ တက်ရောက်ခဲ့ကြသည်။ ထိုညီလာခံသို့  KIA အပါအဝင် လက် နက်ကိုင်အဖွဲ့အစည်း ခုနစ်ဖွဲ့က အထူး ဖိတ်ကြားသူများအနေဖြင့် တက်ရောက်ခဲ့သည်။ ညီလာခံ၌ KIA အဖွဲ့သည် ဒေါ် အောင်ဆန်းစုကြည်နှင့် တွေ့ဆုံဆွေးနွေး ခဲ့ခြင်းကြောင့် ငြိမ်းချမ်းရေး သဘောတူ ညီချက်တစ်ခု ချမှတ်နိုင်မည်ဆိုသည့် မျှော် လင့်ချက်များ မြင့်တက်လာခဲ့သော်လည်း တိုက်ပွဲများ ထပ်မံပေါ်ပေါက်လာသည် ကိုသာ တွေ့ခဲ့ရသည်။ ထိုသို့ဖြစ်ရခြင်းမှာ ဒေါ်အောင်ဆန်းစုကြည် အစိုးရအတွင်း တိုင်းရင်းသား အဖွဲ့အစည်းများနှင့် ယုံကြည်မှု တည်ဆောက်နိုင်စွမ်းရှိသူ နည်း ပါးနေခြင်းကြောင့် ဖြစ်သည်ဟုလည်း လေ့ လာသုံးသပ်သူတစ်ဦးက ထောက်ပြသည်။

မေလတွင်ကျင်းခဲ့သော ပင်လုံ ညီလာခံတွင် အပစ်အခတ်ရပ်စဲရေး စာချုပ်တစ်ခု၌ လက်မှတ်ရေးထိုးထားခဲ့ပြီး ဖြစ်သော တိုင်းရင်းသားအဖွဲ့ရှစ်ဖွဲ့လည်း တက်ရောက်ခဲ့သည်။ ယင်းကြောင့် အချို့က ထိုညီလာခံကို တွေ့ဆုံဆွေးနွေးမှုများ  ပြုလုပ်ရန် အခြေခံမူဘောင်တစ်ခု ချမှတ် နိုင်မည့် အောင်မြင်မှုဟု သတ်မှတ်ခဲ့ကြ သော်လည်း ယင်း၌ ကာလရှည်ပြည်တွင်း ပဋိပက္ခကိုဖြစ်စေသည့် ပင်မအကြောင်း အရင်းများကို အဖြေရှာနိုင်ခဲ့ခြင်း မရှိခဲ့ပေ။

လက်ရှိအချိန်တွင် မြန်မာနိုင်ငံ ၏အတိုင်ပင်ခံပုဂ္ဂိုလ်အဖြစ် ဆောင်ရွက် နေသော ဒေါ်အောင်ဆန်းစုကြည်သည် စစ်အစိုးရလက်ထက်တွင် နေအိမ်အကျယ် ချုပ်ဘဝဖြင့် ကာလရှည် နေထိုင်ခဲ့ရသူ ဖြစ်သည်။ ယင်းကြောင့် သူမသည် မြန်မာ နိုင်ငံအား ဒီမိုကရေစီစနစ်သို့ ဦးဆောင် သွားနိုင်လိမ့်မည်ဟု ပြည်တွင်းပြည်ပအ သိုင်းအဝိုင်းများက ကျယ်ကျယ်ပြန့်ပြန့် ယူဆခဲ့ကြသည်။ မြန်မာနိုင်ငံ၏ဖွဲ့စည်းပုံ အခြေခံဥပဒေအရ မြန်မာ့တပ်မတော် သည် ကာကွယ်ရေးနှင့် ရဲတပ်ဖွဲ့ရေးရာ ကိစ္စများကို ထိန်းချုပ်ထားသည်။ ယင်း ကြောင့် ပြည်တွင်းရှိ ပဋိပက္ခများ ဆက် လက်ဖြစ်ပွားနေချိန်တွင် ဒေါ်အောင်ဆန်း စုကြည်နှင့် တပ်မတော်တို့ကြား ဆက်ဆံ ရေးမှာ ပိုမိုအားကောင်းလာသည်ကို တွေ့ ရသည်။ လွန်ခဲ့သောနှစ် ဆောင်းဦးကာ လတွင် ရခိုင်ပြည်နယ်မြောက်ပိုင်းရှိ ရဲ စခန်းများကို ဘင်္ဂါလီ အကြမ်းဖက်သမား များက ဝင်ရောက်တိုက်ခိုက်ခဲ့ပြီး ထိုတိုက် ခိုက်မှုများအပြီးတွင် တပ်မတော်က အဆို ပါဒေသ၌ နယ်မြေရှင်းလင်းရေးများ ဆောင် ရွက်ခဲ့သည်။

ထိုသို့ဆောင်ရွက်မှုများအတွင်း တပ်မတော်ဘက်က လူ့အခွင့်အရေးချိုး ဖောက်မှုများ ရှိသည်ဟု စွပ်စွဲချက်များ ပေါ်ထွက်လာခဲ့ပြီး ထိုစွပ်စွဲချက်များကို စုံစမ်းစစ်ဆေးရန် လွတ်လပ်သော အဖွဲ့အစည်းတစ်ခု စေလွှတ်ပေးမည်ဆိုသော ကုလသမဂ္ဂ၏ ကမ်းလှမ်းမှုကို ဒေါ်အောင် ဆန်းစုကြည်က ပယ်ချခဲ့သည်။ ထိုသို့အဖွဲ့ ဖြင့် စုံစမ်းစစ်ဆေးခြင်းက ဒေသခံများ ကြားတွင် ပိုမိုဆိုးရွားသော ကွဲလွဲမှုများ ထပ်မံပေါ်ပေါက်လာနိုင်သည့် အန္တရာယ် ရှိသည်ဟုပြောကာ ပယ်ချခဲ့ခြင်းလည်း ဖြစ်သည်။ ရခိုင်ပြည်နယ်တွင်းမှ ဘင်္ဂါလီ အရေးနှင့်ပတ်သက်၍ တန်ပြန်ဆောင် ရွက်ချက်များ ချမှတ်ရေး အဖွဲ့အစည်း တစ်ခုကိုဦးဆောင်ရန် ငြိမ်းချမ်းရေးနိုဘယ် ဆုရှင် ဒေါ်အောင်ဆန်းစုကြည်က ကုလ သမဂ္ဂ အထွေထွေ အတွင်းရေးမှူးချုပ် ဟောင်း ကိုဖီအာနန်ကို အကူအညီတောင်း ခံခဲ့ပြီး ဖြစ်သော်လည်း အမေရိကန်နှင့် ဥရောပတို့ရှိ နိုင်ငံတကာလူ့အခွင့်အရေး အဖွဲ့အစည်းများကြားတွင် အားမလို အား မရ စိတ်ပျက်မှုများ တိုးပွားလာသည်ကို တွေ့ရသည်။

 မြန်မာနိုင်ငံ၏ အရပ်သားအုပ် ချုပ်မှုသို့ အသွင်ကူးပြောင်းချိန် စတင်ခဲ့ သည့် ၂ဝ၁၁ ခုနှစ်တွင် ထိုစဉ်က သမ္မတ ဦးသိန်းစိန်က မြန်မာနိုင်ငံအား တရုတ် နိုင်ငံနှင့်ဝေးရာသို့ ပို့ဆောင်ခဲ့ပြီး တရုတ် ကုမ္ပဏီများဦးဆောင်သည့် မြန်မာနိုင်ငံ တွင်းမှ ရေအားလျှပ်စစ်စီမံကိန်းကြီးတစ်ခု ကိုလည်း ရပ်ဆိုင်းခဲ့သည်။ ယင်းကြောင့် ဒေါ်အောင်ဆန်းစုကြည် လက်ထက်တွင် လည်း မြန်မာနိုင်ငံသည် တရုတ်နိုင်ငံနှင့် ပြန်လည်နီးကပ်လာနိုင်ဖွယ်မရှိဟု ယူဆခဲ့ကြသည်။ သို့သော် ဒေါ်အောင်ဆန်းစု ကြည်သည် မြောက်ဘက်အိမ်နီးချင်းနိုင်ငံ နှင့် သံတမန်ဆက်ဆံရေးကို အာရုံစိုက် ဆောင်ရွက်လာသည်ကို တွေ့ရသည်။

 ပြီးခဲ့သော မေလအလယ်ပိုင်း တရုတ်နိုင်ငံက ကျင်းပသည့် နိုင်ငံတကာ ညီလာခံတစ်ခုတွင်လည်း ဒေါ်အောင်ဆန်း စုကြည်က တရုတ်နိုင်ငံ၏ Belt and Road စီမံကိန်းကို ထောက်ခံကြောင်း ပြောဆိုခဲ့သည်။ တရုတ်နိုင်ငံမှ ဝင်ရောက် လာမည့် ရင်းနှီးမြှုပ်နှံမှု ငွေကြေးများက အခြေခံအဆောက်အအုံ ဖွံ့ဖြိုးတိုးတက် ရန် ဆိုးဆိုးရွားရွား လိုအပ်နေသော နိုင်ငံ အတွက် အထောက်အကူဖြစ်စေနိုင်ခြင်း ကြောင့် ဖြစ်သည်။ ရခိုင်ပြည်နယ် ကျောက် ဖြူမြို့နယ်နှင့် တရုတ်နိုင်ငံ ယူနန်ပြည်နယ် ၏ ကူမင်းဒေသတို့ကြားတွင်လည်း တရုတ် ကုမ္ပဏီများက ရေနံနှင့်သဘာဝဓာတ်ငွေ့ ပိုက်လိုင်းများ သွယ်တန်းခဲ့ပြီး ဧပြီလတွင် ရေနံပေးပို့မှုကို စတင်ဆောင်ရွက်ခဲ့သည်။

ထို့အပြင် မြန်မာနိုင်ငံသည် လက်ရှိဆောင်ရွက်နေသော ငြိမ်းချမ်းရေး လုပ်ငန်းစဉ်တွင်လည်း တရုတ်နိုင်ငံ၏အကူအညီကို ရယူနေရသည်။ မြန်မာအစိုးရ ကိုယ်စားလှယ်တစ်ဦးက အပစ်အခတ်ရပ်စဲရေး စာချုပ်တွင် ပါဝင်လက် မှတ်ရေးထိုး ထားခြင်းမရှိသော တိုင်းရင်း သားလက်နက်ကိုင်အဖွဲ့ ခုနစ်ဖွဲ့ တက် ရောက်ခဲ့သော ပင်လုံညီလာခံတွင် တရုတ် နိုင်ငံ၏ ပူးပေါင်းပါဝင်မှုအတွက် ကျေးဇူး တင်မိသည်ဟု ပြောခဲ့ဖူးသည်။ မြန်မာ နိုင်ငံ၏ အရပ်ဘက်အုပ်ချုပ်မှုသို့ ပြုပြင် ပြောင်းလဲရေးနှင့် တရုတ်နိုင်ငံအပေါ် အလွန်အကျွံ မှီခိုနေရခြင်းမှ ပြောင်းလဲခဲ့သည့် သံတမန်ရေးအပြောင်းအလဲတို့ကို ကြိုဆိုသောအားဖြင့် အမေရိကန်နှင့် ဥ ရောပနိုင်ငံများက နိုင်ငံအား ချမှတ်ထားသည့် ပိတ်ဆို့အရေးယူမှုများကို ဖယ်ရှား ပေးခဲ့သည်။ ထိုသို့ ဖယ်ရှားပေးမှုကြောင့် နိုင်ငံတွင်းသို့ ရင်းနှီးမြှုပ်နှံမှုများစွာလည်း ဝင်ရောက်လာခဲ့သည်။ ဒေါ်အောင်ဆန်းစုကြည် လက်ထက်တွင် ထိုအခြေအနေ က ပြောင်းလဲလာကာ ယင်းက မြန်မာနိုင်ငံအတွက် ကာလရှည်စောင့်ဆိုင်းခဲ့ရသည့်  အရပ်ဘက် အုပ်ချုပ်ရေးသို့ ပြုပြင်ပြောင်း လဲရေးအတွက် အပေးအယူ ပြုလုပ်ခြင်း လည်း ဖြစ်နိုင်သည်။          

NIKKEI Asian Review သတင်းဌာနတွင် ဖော်ပြထားသော Suu Kyi turns to unlikely allies in peace process ဆောင်းပါးကို ဆီလျော်အောင် ဘာသာပြန်ဆိုပါသည်။

Rate this item
(0 votes)
Login to post comments
back to top

620 200

620 200 2

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616

For Information - 09 400471100 , 09 964010191