Main menu
HOT NEWS
adv
ငွေမည်း ခဝါချ

ငွေမည်း ခဝါချ

Featured

မကြာသေးမီက ရုပ်သံလိုင်းတစ် ခုတွင် ငွေမည်း ခဝါချမှု တိုက်ဖျက်ရေး မည်မျှ အောင်မြင်သနည်းဟူသော ခေါင်းစဉ်နှင့် ဆွေးနွေးကြကြောင်း ကြားမြင်ရသည်။ အကောက်ခွန်လွတ် ကူးသန်းရောင်းဝယ် ခြင်းနှင့် အခွန်မဆောင်ခြင်းဆိုင်ရာ ငွေ မည်းများကို ခဝါချမှုအပေါ် တိုက်ဖျက် ရေးကို အသားပေးဆွေးနွေးသွားကြောင်း သတိပြုမိသည်။

အမှန်က ငွေမည်းဆိုသည်မှာ အကောက်ခွန်ရှောင်၊ အခွန်မဆောင်သည့် ငွေကြေးပမာဏက နည်းနည်းသာရှိသည်။ အခြားနည်းလမ်းနှင့် ငွေမည်း ဖြစ်လာ သည်များစွာမှာ မျိုးစုံအောင်ရှိသည်။ ပမာဏလည်း အလွန်ကြီးမားသည်။ ငွေမည်း ဆိုသည်ကို ဒက်ဖနေးရှင်း အဓိပ္ပာယ်ဖွင့် ရသည်ရှိသော် တရားမဝင် နည်းလမ်းဖြင့် ရရှိသော ဝင်ငွေများဟု ခြုံ၍ပြောနိုင်သည်။ ဥပဒေကို ရှောင်၍၊ ဆန့်ကျင်၍ မသမာ သောနည်း၊ မတရားသောနည်း၊ အဂတိ လိုက်စားသောနည်း၊ လာဘ်စားသောနည်း ဖြင့် ရရှိသော ငွေဟူ၍ တရားမဝင်နည်း လမ်းဖြင့် ရရှိသော ဝင်ငွေဖြစ်သည်။

ခိုးခြင်း၊ ဝှက်ခြင်း၊ လုယက် ခြင်း၊ ဓားပြတိုက်ခြင်း၊ အနုကြမ်းစီးခြင်း၊ လိမ်လည်ခြင်း၊ ယုံကြည်၍ အပ်နှံထား သည်ကို အလွဲသုံးစားပြုခြင်း၊ ဘုံးခြင်း၊ ကစ်ခြင်း၊ ဘိန်း၊ ရွှေချောင်းစသော ပိတ် ပင်တားမြစ်ကုန်များ ခိုး၍ ကူးသန်းရောင်း ဝယ်ခြင်း၊ မှောင်ခိုဈေးကွက်တွင် ရောင်း ဝယ်ခြင်း၊ ဆေးဝါး စသည့်အတုလုပ်ခြင်း၊ ခိုးကူးခြင်း၊ ရှဲဒိုးဖြင့် အမည်ခံလုပ်ကိုင် ခြင်း၊ ပြေစာမဖွင့်ခြင်း၊ စာရင်းမှတ်တမ်း မထားခြင်း၊ ငွေလဲလှယ်နှုန်းမှ အမြတ်ထုတ် ခြင်း၊ ကုန်ရောင်းကုန်ဝယ်ပြေစာတွင် တန် ဖိုးပိုပြခြင်း၊ လျှော့ပြခြင်း၊ ပင်လယ်ဓားပြ တိုက်ခြင်း၊ ပိတ်ပင်ထားသူကို လက်နက် ခိုးရောင်း၊ ခိုးဝယ်ခြင်း စသည်တို့သည် ငွေမည်းရရှိသော နည်းလမ်းများပင် ဖြစ် သည်။ ငွေမည်းကို ပမာဏကြီးပြီး များ ပြားစွာ ရရှိပါက ငွေဖြူအဖြစ် ပြောင်းလဲ ခြင်းကို ငွေမည်းခဝါချသည် ဟူသော ဝေါ ဟာရကို သုံးသည်။

ဤဝေါဟာရ ဖြစ်ပေါ်လာပုံ မှာ...

၁၉ ရာစု နှစ်လွန်များတွင် အမေရိကားနိုင်ငံ အနောက်ဘက် ကမ်း ခြေဒေသများ၌ Gold Rush ခေါ် ရွှေတိုးပွဲဆိုသည့် ရွှေတွင်းများရှိရာဆီသို့ အလုအယက်တိုး၍ သွားရောက် လုပ်ကိုင်ကြသည်။ လူများစွာသည် ရွှေမှ ဝင်ငွေ ထောကြစဉ် ထိုအရပ်တွင် လောင်းကစားလုပ်ငန်း၊ ပျော်တော်ဆက်လုပ်ငန်း၊ မူးယစ် ဆေးဝါးလုပ်ငန်းများဖြင့် စီးပွားရှာသူများ ခဲ့သည်။ ထိုအခါ  Jesse James ကဲ့သို့ လူဆိုးဓားပြ ဂိုဏ်းခေါင်းဆောင်များ၊ မူးယစ်ရာဇာများ ကြီးစိုးခဲ့သည်။ တရားမဝင်လုပ်ငန်းများ တိုးပွားခဲ့သည်။ ၂ဝ ရာစု နှစ်ရောက်ပြီးနောက် ၁၉၃ဝ ပြည့်လွန် နှစ်များ၌ Lucky Luciano, Mayer Lansky, Al Capone စသော လူမိုက်ကြီးများ တစ်စခန်းထခဲ့သည်။ ဥပဒေကို ချိုး ဖောက်ပြီး တရားမဝင်နည်းဖြင့် ဝင်ငွေ မြောက်မြားစွာ ရှာဖွေ ရရှိလာကြသည်။ ရရှိသမျှ ငွေမည်းများကို ဘဏ်များနှင့် ပူးပေါင်း၍ ဘဏ်စာရင်းတွင် စုဆောင်း ထားသည်။

ထိုငွေများ ဘယ်ကရသနည်းဟု စစ်မေးသောအခါ Al Capone ဆို သည့် လူမိုက်ကြီးက သူဖွင့်လှစ်ထားသော အဝတ်လျှော်ဖွပ်သည့် ခဝါလုပ်ငန်းများ (Laundries)များမှ ရသော ဝင်ငွေဖြစ် သည်ဟု သန့်ရှင်းသော ငွေဖြူအဖြစ် ပြ သခဲ့သည်။ ဤသို့ ခဝါချလုပ်ငန်းဖြင့် ဖြူ အောင် သန့်စင်စေခဲ့ကြောင်း အကြောင်း ပြရာမှစ၍ ငွေမည်းကို အဝတ်လျှော်သ လို လျှော်ဖွပ်ပြီး ငွေဖြူအဖြစ် ရောက်စေ ခြင်းကိုလည်း Money Laundering ငွေ မည်းခဝါချခြင်း၊ ငွေကြေးခဝါချခြင်း ဟူ သော ဝေါဟာရ ဖြစ်ပေါ်ခဲ့သည်။

ယခုခေတ်တွင်ကား ငွေမည်း ဟူသည်များကလည်း နည်းမျိုးစုံနှင့် ရကြသည်။ ခဝါချသည့် နည်းကလည်း မျိုးစုံလှသည်။ ထို့ကြောင့် နိုင်ငံအသီးသီးတွင် ငွေမည်းခဝါချမှု တိုက်ဖျက်ရေးနှင့် အကြမ်း ဖက် ငွေကြေးထောက်ပံ့မှု တိုက်ဖျက်ရေး အဖွဲ့များကို အထူးဖွဲ့စည်း၍ စစ်ဆင်ရေး သဘော ဆောင်ရွက်လျက်ရှိကြသည်။ မြန် မာနိုင်ငံတွင်လည်း ၂ဝ၁၄ ခုနှစ် နှစ်စပိုင်း လောက်ကတည်းက ဖွဲ့စည်းဆောင်ရွက် လာခဲ့သည်။

သို့သော် မြန်မာနိုင်ငံ၏ အမည် ဆိုးနှင့် ကျော်ကြားသည့် ငွေမည်း ဘီလီ ယံ ၁ဝဝ ရှိသည်ဟူသော ဝါရှင်တန်အ ခြေစိုက် Global Finance Integrity အဖွဲ့ အစီရင်ခံစာကဲ့သို့ ဖော်ပြချက်မျိုးကို မည်သို့ အရေးယူမည်နည်း။ ၁၉၆ဝ ပြည့်နှစ်မှ ၂ဝ၁၃ ခုနှစ်အတွင်း Flight Capital and Illicit Financial Flows to and From Myanmar မိုးပျံပျောက် ကွယ်သွားသည့် ငွေရင်းနှင့် တရားမဝင် ငွေကြေးရွေ့စီးမှုက အဝင်ဘက် ၇၇ ဘီလီ ယံနှင့် အထွက်ဘက် ၁၈ ဘီလီယံ ဒေါ် လာ ရှိခဲ့သည်ဆို၏။ ယင်းအနက် ၁၉၆ဝ ပြည့်လွန် စောစောပိုင်းနှစ်များထက် ၂ဝ၁၃ ခုနှစ် ဤမှာဘက်နှစ်များတွင် ဖြစ်ပေါ် မှုက စုစုပေါင်း၏ ထက်ဝက်ရှိသည်။ ကြာ လေ ပိုများလေဖြစ်ခြင်းဟုဆို၏။ ဘာလုပ် ထားသနည်း။

အိန္ဒိယနိုင်ငံဝန်ကြီးချုပ်ကမူ ၂ဝ၁၄ ခုနှစ် စက်တင်ဘာလလောက်က အိန္ဒိယနိုင်ငံမှ ငွေမည်းများကို ငွေဖြူအ ဖြစ် လျှော်ဖွပ်၍ ဆွစ်ဇာလန်၊ လူဇင်ဘတ် နှင့် ကေးမန်း အိုင်းလင်းနိုင်ငံများရှိ ဘဏ် များသို့ ပေးသွင်းထားခဲ့သည်မှာ အမေ ရိကန်ဒေါ်လာ ၅ဝဝ ဘီလီယံကျော် ရှိ ကြောင်း ထိုငွေများ ပြန်ရအောင် အစိုးရ က ဆောင်ရွက်နေပြီဖြစ်ကြောင်း ကြေ ညာခဲ့သည်။

 မြန်မာနိုင်ငံကမူ နိုင်ငံခြား ဘဏ်တွင် ငွေစာရင်းငါးခုဖြင့် အမေရိ ကန်ဒေါ်လာ ၁၁ ဘီလီယံ သွင်းထား ကြောင်း သတင်းဖြစ်ဖူးသည်ကို မည်သို့ ဆောင်ရွက်ခဲ့ကြောင်း ရှင်းရှင်း လင်းလင်း မသိခဲ့ရ။ ၁၉၆ဝ ပြည့်နှစ် မှ ၂ဝ၁၃ ခုနှစ် အထိ ၅၄ နှစ်အတွင်း စီးဝင်ခဲ့သော ငွေ မည်း ၇၇ ဘီလီယံကို မည်သည့်နေရာ ရောက်သွားကြောင်း စိစစ်သည်ဟု မကြား သိရ။ စီးထွက်သွားသော ၁၈ ဘီလီယံ ဘယ်ရောက် သွားသည်ဟူ၍လည်း မသိရ၊ နောက်ထပ်ငွေမည်းများ စာရင်းအင်း နည်းပညာကိုသုံး၍ မည်ရွေ့မည်မျှ ဝင် ထွက်နေသည်ကိုလည်း မသိရ။ ပွင့်လင်း မြင်သာမှု ရှိလာပြီဆိုသောခေတ်တွင် အား လုံး အမှောင်ဖုံးနေသည်။

မီဒီယာသမားများက မဖော်ထုတ်တတ်သည်လား ၆၆(ဃ)နှင့် ထိသွားမည်စိုး၍ မဖော်ထုတ်ရဲသည်လား၊ ဤ မေးခွန်းကို မည်သူ ဖြေတတ်မည်နည်း၊ ဖြေရဲမည်နည်း။ ငွေမည်း အများဆုံး ရရှိ နေသော ဆိုမာလီနိုင်ငံကို ပင်လယ်ဓား ပြလုပ်ငန်းမှ ရရှိသော ဝင်ငွေကို ငွေဖြူ အဖြစ် လျှော်ဖွပ်၍ သုံးနေကြောင်း ဝိုင်း ၍ လက်ညှိုးထိုးကြသောအခါ သူတို့က ပြန်၍ လက်ညှိုးထိုးပြသည်။ ကမ္ဘာပေါ် တွင် ဘိန်းအများဆုံး စိုက်ပျိုးထုတ်လုပ် သော အာဖဂန်နစ္စတန်နိုင်ငံနှင့် ဒုတိယ အများဆုံး စိုက်ပျိုးထုတ်လုပ်သည် ဆို သော မြန်မာနိုင်ငံတို့သည် ဘိန်းမှရသော ငွေမည်းများကို မည်သို့ ငွေဖြူလုပ်သွား သည်ကို အဘယ်ကြောင့် မပြောသနည်း ဟူ၍။

ထိုအခါ ကမ္ဘာပေါ်တွင် မတည့် သော အိမ်နီးချင်းများကို စစ်ဖြစ်အောင် မြှောက်ပေး၊ ပြည်တွင်း၌ မတည့်သူများ ကို ပြည်တွင်းစစ်ဖြစ်အောင် မြှောက်ပေး၊ အကြမ်းဖက် အဖွဲ့အစည်း များကို ရပ်တည် နိုင်အောင် မြှောက်ပြီး တစ်ဖက်လှည့်ဖြင့် ပြန်တိုက်ခိုင်း အစရှိသော စစ်မက်ဖြစ် အောင် ဖန်တီးပြီးမှ စစ်လက်နက်ရောင်း ချပေးသောသူတို့ ထိုရောင်းရသည့် ငွေ မည်းများကို မည်သို့ ငွေဖြူဖြစ်အောင် လုပ် ကြသနည်းဟု လက်ညှိုးထိုးပြရန် ဖြစ်လာ သည်။

အထက်ပါ အကြောင်းများကို ကြည့်ခြင်းအားဖြင့် ငွေမည်းဟူသည် ဖြစ် ပေါ်လာပုံမှာ အချို့ကိစ္စတွင် ပေါ်တင် ကြီး ဖြစ်ပါလျက် အကြောင်းမျိုးစုံပြပြီး ထိုင်ကြည့်နေရသော ဖြစ်ရပ်များ ရှိသည် ကို သိသိကြီး ဖြစ်ကြသည်။

အဂတိလိုက်စား၍ ငွေမည်း ရသူများသည် လုပ်ပိုင်ခွင့်ရှိသော သူများသာ ဖြစ်နေတတ်သည်။ ယုံကြည်၍ အပ် နှံထားသော နေရာမှ ငွေတို့ကို အလွဲသုံး စား လုပ်နိုင်သူများသည် အာဏာရှိသူ များသာ ဖြစ်နေတတ်သည်။ ဤနေရာ၌ ကြုံကြိုက်တုန်း အနည်းငယ် ဖော်ထုတ် ပြလိုသည်။ လူတို့သည် ဘာသာရေးနှင့် ပတ်သက်လာလျှင် လှူချင်၊ တန်းချင် ကုသိုလ်ယူချင်ကြသည်။ သို့ဖြင့် ကမ္ဘာ ကျော်၊ နိုင်ငံကျော် ဘာသာရေးအဆောက် အအုံများတွင် တာဝန်ယူလုပ်ပိုင်ခွင့် ရသူများသည် လူအများ ဝိုင်းလှူသမျှ များလှ စွာသောအလှူငွေများကို ပညာသားပါပါ ဘုံး၍ ငွေမည်းများ ရကုန်ကြသည်။

 ဆော်ဒီနန်းတော်ကို ပြုပြင် ထိန်းသိမ်းရန် ပန်းရန်ချုပ်ဖြစ်လာသော မိုဟာမက်ဘင်လာဒင်သည် ဘာသာရေး အထွတ်အမြတ် အကြီးဆုံး ကမ္ဘာကျော် အဆောက်အအုံကြီးကို ပြုပြင်ထိန်းသိမ်း ရေး၌ တာဝန်ယူရသူ ဖြစ်လာသောအခါ မိန်းမ ၁၁ ယောက်ယူပြီး သားသမီး ၅၄ ယောက်၏ ဖခင်ဖြစ်သော အချမ်းသာဆုံး သူတစ်ဦး ဖြစ်လာခဲ့သည်။

Rate this item
(0 votes)
Login to post comments
back to top

620 200

620 200 2

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616

For Information - 09 400471100 , 09 964010191