Main menu
HOT NEWS
adv
စီမံကိန်းများ အောင်မြင်မှုရရှိရန် လူထုစစ်တမ်းကောက်ယူမှု အရေးကြီးပါသလား

စီမံကိန်းများ အောင်မြင်မှုရရှိရန် လူထုစစ်တမ်းကောက်ယူမှု အရေးကြီးပါသလား

စီမံကိန်းတစ်ခုလုပ်ဆောင်ရာတွင် ယင်းစီမံကိန်း မဆောင်ရွက်မီကတည်းက လူထုသဘောထားစစ်တမ်း အားကောက်ယူလေ့ရှိပါသည်။ မြန်မာနိုင်ငံတွင်လက် ရှိအကောင်အထည်ဖော်ဆောင်ရွက်လျက်ရှိသော စီမံ ကိန်းများမြောက်မြားစွာရှိသကဲ့သို့ ဆက်လက်လုပ် ဆောင်မည့်စီမံကိန်းများ လည်းမြောက်မြားစွာရှိပါသည်။ မည်သည့်အစိုးရအဖွဲ့အစည်း၊ ပုဂ္ဂလိကကုမ္ပဏီနှင့် အစိုးရမဟုတ်သောအဖွဲ့အစည်းဖြစ်စေကာမူ စီမံကိန်း တစ်ခုရေးဆွဲမည်ဆိုပါက ထိုစီမံကိန်းနှင့်ပတ်သက်၍ အကျိုးခံစားခွင့်ရှိသူများ၊ ထိုစီမံကိန်းကြောင့်ထိခိုက်နိုင် သည့်ပြည်သူများ၊ သဘာဝပတ်ဝန်းကျင်ထိခိုက်နိုင်မှုရှိ၊ မရှိစသည်တို့ကို ဆန်းစစ်လေ့လာရပါသည်။ ထိုသို့လေ့ လာဆန်းစစ်ပြီးမှရရှိလာသော ပြည်သူ့သဘောထား အပေါ်မူတည်၍ စီမံကိန်းအားအကောင်အထည်ဖော် ဆောင်ရွက်ပါက လူထုပူးပေါင်းဆောင်ရွက်မှုကိုပိုမိုရရှိ စေကာ စီမံကိန်းလည်းအောင်မြင်နိုင်မည်ဖြစ်သည်။ ထို့ ကြောင့် စာရေးသူအနေဖြင့် ဤဆောင်းပါးတွင် လူထု စစ်တမ်းကောက်ယူခြင်း မည်မျှအရေးကြီးသည်ဆိုသည် ကို ကိုယ်တွေ့ဥပမာပေး၍တင်ပြဆွေးနွေးသွားပါမည်။

စာရေးသူတို့နေထိုင်ရာပဲခူးမြို့တွင် ယခုလက်ရှိ ကြုံတွေ့နေရသော ဈေးပြောင်းသည့်စီမံကိန်းတစ်ခု အကြောင်း တင်ပြဆွေးနွေးလိုပါသည်။ ပဲခူးမြို့၊ ဥဿာ မြို့သစ်တွင်ပျံကျဈေးအနေဖြင့် ယခင့်ယခင်ကပင် အလို အလျောက်တည်ရှိနေခဲ့သော ဈေးလေးတစ်ဈေးရှိပါ သည်။ ယင်းဈေးမှာ ရန်ကုန်-မန္တလေးကားလမ်းမဘေး တွင်တည်ရှိပြီး အလွန်စည်ကားပါသည်။ စည်ကားရခြင်း မှာ မြို့သစ်တစ်ခုလုံးတွင် ဤဈေးတစ်ဈေးသာရှိခြင်း၊ အစိုးရတိုင်းရုံးများ၊ ပဲခူးကောလိပ်နှင့် အခြားသောပဲခူး မြို့တောင်ဘက်မှရပ်ကွက်များနှင့်နီးခြင်း၊ ဈေးလာရောင်း သည့်ရွာများနှင့်နီးခြင်း၊ ပဲခူးမြို့မဈေးကြီးနှင့်ဝေးကွာခြင်း တို့ကြောင့်ဖြစ်ပါသည်။ ထို့ကြောင့် ရောင်းသူ၊ ဝယ်သူ များအနေဖြင့်အဆင်ပြေကာ ဤပျံကျဈေးလေးမှာအလွန် စည်ကားလျက်ရှိခဲ့ပါသည်။ သို့သော် ယခင်အစိုးရလက် ထက်က ဤဈေးလေးအား ပျံကျဈေးအဖြစ်မှ အဆောက် အအုံများဖြင့် စနစ်တကျရောင်းချနိုင်အောင် စေတနာ ထား၍ တရားဝင်ဈေးလေးတစ်ဈေးဖြစ်အောင်စီစဉ် ဆောင်ရွက်ခဲ့ပါသည်။ ထို့နောက် သက်ဆိုင်ရာစည်ပင် သာယာရေးအဖွဲ့မှဦးစီးကာ ဈေးသစ်ငယ်တစ်ခုကို ဆောက်လုပ်ခဲ့ပါသည်။ ဈေးသစ်တည်ဆောက်သောနေရာမှာ ယခုလက်ရှိဈေးနေရာမှ မြို့ထဲဘက်သို့ကျရောက် ပြီး ဘတ်စ်ကားမှတ်တိုင် သုံးမှတ်တိုင်လောက်ခန့်ဝေးပါ သည်။ ယခုတက်လာသောအစိုးရလက်ထက်တွင် ထို ဈေးသစ်ကြီးမှာ ဆောက်လုပ်ပြီးစီးခဲ့သောကြောင့် ယခု ပျံကျဈေးမှဈေးရောင်းသူများကို ပြောင်းရွှေ့ရောင်းချ နိုင်အောင် စီစဉ်လာခဲ့သည်ကိုတွေ့ရပါသည်။

ပထမအကြိမ်အနေဖြင့် ဈေးဟောင်းတွင်ရောင်းချ နေကြသော ဈေးရောင်းသူများအပါအဝင် ထပ်မံ၍အသစ် ရောင်းချလိုသူများပါ သက်ဆိုင်ရာမှ ထိုဈေးသစ်သို့ ပြောင်းရွှေ့ရောင်းချစေခဲ့ပါသည်။ တစ်နေ့က စာရေးသူ ၏အမျိုးသမီးက ဈေးသို့သွားပေးရန်ပြော လာသောကြောင့် ဈေးသစ်သို့ သွားရောက်ကာဈေးဝယ်ခဲ့ပါသည်။ ဈေးသစ်ကြီးမှာ အဆောက်အအုံများကို သိန်းထောင်ချီ အကုန်ကျခံကာဆောက်ထားသောဈေးဖြစ်ပါသည်။ စာ ရေးသူက စပ်စပ်စုစုငါးရောင်းသူအဒေါ်ကြီးတစ်ယောက် အား ဈေးသစ်နှင့် ဈေးဟောင်းရောင်းချရမှုအခြေအနေ အားမေးမြန်းမိပါသည်။ ထိုအဒေါ်ကြီး၏ အပြောအရ ဈေးသစ်သို့ဈေးဝယ်မည့်သူများအလာနည်းသောကြောင့် ဈေးရောင်းမကောင်းကြောင်းပြောပြပါသည်။ စာရေးသူက နောက်တော့ကောင်းလာမှာပါဟုပြော၍ ဝယ်စရာ ရှိသည်များဝယ်ကာ အိမ်ပြန်ခဲ့ပါသည်။ အိမ်သို့ရောက် သောအခါ စာရေးသူ၏ဇနီးမဟေသီ အား ဈေးတွင်တွေ့ မြင်ခဲ့ရသော အခြေအနေ အား ပြန်၍ဖောက်သည်ချကာ ပြောပြခဲ့ပါသည်။

နောက်ထပ်ငါးရက်အကြာတွင် စနေ၊ တနင်္ဂနွေရုံး ပိတ်ရက်ဖြစ်၍ မဟေသီထံမှဈေးသို့သွားပေးရန် ရာဇသံ ထပ်မံကျလာပြန်ပါသည်။ စာရေးသူတို့ကလည်း ရုံးအားလပ်ရက်ကျမှ မဟေသီ၏အလုပ်များကိုကူညီခွင့် ရသည်မဟုတ်ပါလား။ ဈေးခြင်းလေးဆွဲကာ ဈေးသွား ရန်အဆင်သင့်ပြင်လိုက်သည်။ မဟေသီက ''နေဦး၊ ဈေးသစ်ကိုသွားစရာမလိုတော့ဘူး''ဟု ပြောလာပါသည်။ စာရေးသူတစ်ချက်ငြိမ်သွားသည်။ ဈေးသစ်က ဈေး ရောင်းသူများ ဈေးသစ်တွင်ရောင်းမကောင်း၍ ဈေး ဟောင်းသို့ပြန်လည်ရောက်ရှိနေကြပြီဟု မဟေသီကထပ် ဆင့်မိန့်မှာပြန်သည်။ စာရေးသူကလည်း မဟေသီမိန့် မှာချက်အတိုင်း ဈေးဟောင်းသို့ရောက်သွားပါသည်။ အမှန်တကယ်ပင် ဈေးရောင်းသူများပြန်လည်ရောက်ရှိ နေတာကိုတွေ့မြင်ရသည်။ ဝယ်စရာရှိသည်များကိုဝယ်၍ စာရေးသူမောင်စပ်စုက ထပ်၍စပ်စုမိပြန်သည်။ သည်တစ်ခါတော့ ဟင်းသီးဟင်းရွက်များရောင်းချသူ ညီမ ငယ်တစ်ဦးအား ဈေးသစ်မှာသွားမရောင်းဘဲ အဘယ့် ကြောင့် ဈေးဟောင်းသို့ပြန်လာရသနည်းဟု စာရေးသူ ကမေးမြန်းကြည့်သောအခါ ထိုလုံမငယ်က ဈေးသစ်မှာ ဝယ်မယ့်သူမရှိဘူး အစ်ကို ဟုပြန်ပြောပါသည်။ သြော် ဖြစ်မှဖြစ်ရလေဟု စိတ်ထဲမှစာရေးသူရေရွတ်မိပါသည်။ တစ်ချိန်တည်းတွင် စည်ပင်သာယာရေးအဖွဲ့မှ ဈေး ဟောင်းတွင်ဆက်လက်မရောင်းကြရန်နှင့် ဈေးသစ်တွင် သာပြောင်းရွှေ့ရောင်းကြရန် အသိပေးနှိုးဆော်ထားသည့် ဆိုင်းဘုတ်ကိုလည်းတွေ့ရပါသည်။ စာရေးသူစိတ်ထဲတွင် တော့ ဤဈေးပြောင်းရွှေ့မှုနှင့်ပတ်သက်၍ ပြဿနာ တစ်ခုခုရှိနေသည်ကို သတိထားလာမိပါသည်။
တတိယမြောက် စနေ၊ တနင်္ဂနွေရောက်လာပြန်သည်။ မဟေသီကြီးထံထမ်းဆောင်နေကျတာဝန်အတိုင်း ဈေးသွားရပြန်သည်။ မဟေသီက ဈေးဟောင်းတွင်ရောင်းချသူအားလုံးရောက်နေကြပြီဟုပြော၍ ဈေးဝယ် ရန်သွားသောအခါ စာရေးသူအံ့သြသွားရသည်။ ဈေး ဝင်ဝတွင် ဆိုင်းဘုတ်ကြီးတစ်ခုကိုတွေ့ရသည်။ ဆိုင်းဘုတ်တွင် ဤလမ်းမအားလမ်းချဲ့ရန်အစီအစဉ်ရှိပါသဖြင့် ဈေးမရောင်းကြရန်သတိပေးထားသည့်စာတန်းကိုတွေ့ မြင်ရသည်။ ထို့အပြင် လမ်းတူးသည့်မြေတူးစက်ဖြင့် ဈေး ရောင်းသည့်နေရာများတူးထားသည်ကို ပုံတွင်ဖော်ပြထား သည့် အတိုင်း တွေ့မြင်ရပါသည်။

စာရေးသူ၏မသိစိတ်ထဲမှ အလိုအလျောက်မေး ခွန်းတစ်ခုပေါ်လာသည်။ တိုက်ဆိုင်မှုတစ်ခုလား၊ ဈေး သည်များအား ဈေးမရောင်းနိုင်စေရန် မြေတူးစက်ဖြင့် တူးခြင်းလားဆိုသည့်အချက်ပင်ဖြစ်သည်။ ဈေးသည် များမှာ ထိုတူးထားသောလမ်းမပေါ်တွင်ရောင်းနေသည် ကိုမတွေ့ရဘဲ တခြားလမ်းငယ်လေးများကြား၌ ကျပ် ကျပ်တည်းတည်းဖြင့်ရောင်းနေကြပြီး ဈေးဝယ်သူများ ကလည်း ထိုနေရာများတွင် အလုအယက်ဝယ်ယူနေ သည်ကိုတွြေ့မင်ရသည်။ ဈေးသည်တစ်ဦးကမူ မြန်မြန် ဝယ်ကြ၊ ဈေးလည်းလျှော့ပေးတယ်၊ တော်ကြာလာဖမ်း လိမ့်မယ်ဟုပြောသံကိုလည်း စာရေးသူကြားလိုက်ရသည်။ ဈေးကိုတောင်စိတ်ချလက်ချမရောင်းရသည့် သာမန် ပြည်သူများဘဝကို စာဖတ်သူများသိမြင်နိုင်မည်ဖြစ်ပါ သည်။

ဤနေရာတွင် စာရေးသူအနေဖြင့် မိမိကိုယ်မိမိ မေးခွန်းများစွာမေးမိပါ သည်။ အစိုးရအနေဖြင့် ဈေးရောင်းသူများ မိုးလုံလေလုံစနစ်တကျသိက္ခာ ရှိရှိရောင်းချနိုင်အောင် စီစဉ်ဆောင်ရွက်ခဲ့သည်မှာသေချာသည်။ ဈေးသစ် ရှိဆောက်ထားသောအဆောက်အအုံကြီးမှာ သိန်းထောင်ချီအကုန်အကျခံ တည်ဆောက်ထားခြင်းဖြစ်သည်။ ဈေးရောင်းသူများမှာလည်း ထိုနေရာ တွင် သိက္ခာရှိရှိရောင်းချင်ကြသည်။ ဈေးဟောင်းရှိလမ်းမပေါ်တွင် မည်သူ မျှမရောင်းချင်သည်မှာသေချာသည်။ ဤသို့ဆိုလျှင် ဈေးသစ်တွင်မရောင်းဘဲ ဈေးဟောင်းသို့ပြန်ပြီး အဘယ့်ကြောင့်ပြန်လာ၍ရောင်းချကြပါသနည်း။

အဖြေမှာရှင်းပါသည်။ အစိုးရလည်းမမှားသလို၊ ဈေးရောင်းသူများ လည်းမမှားပါ။ လိုအပ်ချက်တစ်ခုကြောင့်ဖြစ်နိုင်သည်။ ဈေးဝယ်သူပြည်သူ (ဝါ)စားသုံးသူ ပြည်သူများ၏သဘောဆန္ဒအား မကောက်ယူခဲ့ခြင်းပင်ဖြစ်သည်။ စားသုံးသူများ၏သဘောထားစစ်တမ်းကို ကောက်ခံပြီးမှသာ ဈေး အားပြောင်းရွှေ့ခဲ့ပါက ဤပြဿနာများပေါ်လာမည်မဟုတ်ပေ။ ဈေးဆိုသည်မှာ နေ့တိုင်းသွားရသည့်နေရာဖြစ်သည်။ ပြည်သူအများအနေဖြင့် ဈေးဝယ်ရာတွင် အချိန်အများကြီးမပေးနိုင်၊ နီးစပ်ရာ၊ အဆင်ပြေရာနေရာမှသာ ဝယ်ယူလိုကြသည်မှာသဘာဝဖြစ်သည်။ ဆိုလိုသည်မှာ ဈေးဟောင်း နေရာသည် ပျံကျဈေးပင်ဖြစ်စေကာမူ ဈေးဝယ်သူများအတွက် လက်လှမ်းမီသည်။ အဆင်ပြေသည်။ ဈေးသစ်ကြီး၏အားနည်းချက်မှာ မြို့တွင်းဘက်သို့ရောက်သွားခြင်း၊ စားသုံးသူများလက်လှမ်းမမီခြင်း၊ မြို့မဈေးကြီးနှင့်နီး ခြင်း၊ ဈေးဟောင်းကိုအမှီပြုဝယ်ယူသူများမှာ မြို့စွန်ရပ်ကွက်များမှဖြစ်ခြင်း၊ အကယ်၍ ဈေးသစ်သို့ပြောင်းရွှေ့သွားပါကလည်း ယင်းသို့သွားဝယ်မည့်အ စား မြို့မဈေးကြီးသို့သာသွားကာ ဈေးဝယ်ရလွယ်ကူစေခြင်း၊ သွားလာစရိတ် မှာ မြို့မဈေးကြီးသွားသလိုကုန်ကျခြင်း၊ ဈေးဟောင်းနေရာသည် သွားလာ စရိတ်သက်သာခြင်းတို့ကြောင့်ပင်ဖြစ်သည်။

မည်သို့ပင်သက်ဆိုင်ရာမှ အတင်းပြောင်းခိုင်းစေကာမူ မပြောင်းဘဲ နဂိုမူလဈေးဟောင်း၌သာ ဆက်လက်ရောင်းချနေကြခြင်းမှာ ထိုအချက်များ ကြောင့်ဖြစ်သည်ဆိုသည်ကို စာရေးသူနှင့် စားသုံးသူများသတိထားမိလာခဲ့သည်။ ထိုနည်းတူ စီမံသူများလည်းသိထားသင့်ပေသည်။ စာရေးသူထောက် ပြလိုသည်မှာ ဈေးဟောင်းမှဈေးသစ်သို့ ပြောင်းမည့်စီမံကိန်းမချမှတ်မီကတည်းက စားသုံးသူစစ်တမ်းကောက်ယူခဲ့သင့်ပါသည်။ မည်သည့်စီးပွားရေး လုပ်ငန်းတွင်မဆို စားသုံးသူရှိမှ ရောင်းချသူရှိနိုင်မည်ဖြစ်ပါသည်။ စားသုံးသူများ လက်လှမ်းမမီရာ၊ မကြိုက်ရာနေရာ တွင် ဈေးကွက်ဖွင့်လှစ်ပါက ကျိန်း သေအရှုံးနှင့်ရင်ဆိုင်ရပေမည်။ ဈေးကွက်ဆိုသည်မှာ အတင်းအဓမ္မဖန်တီး ၍မရနိုင်သည်ကို ဤအတွေ့အကြုံက ကောင်းကောင်းသင်ခန်းစာယူ၍ ရနိုင်ပါသည်။

အချုပ်ဆိုရသော် မည်သည့်စီမံကိန်း၊ စီမံချက် ဆောင်ရွက်သည်ဖြစ်စေ လူထုစစ်တမ်း(ဝါ)စားသုံးသူစစ်တမ်းကောက်ယူရန်လိုအပ်ပေသည်။ သို့မှသာ ထိုစီမံကိန်းအကောင်အထည်ဖော်ဆောင်ရွက်ရာ တွင်လည်းကောင်း၊ ယင်းစီမံကိန်း၏အကျိုးခံစားမှုများကိုခွဲဝေရာတွင်လည်းကောင်း၊ စီမံကိန်း ၏ရည်ရွယ်ချက်အောင်မြင်အောင် ကြိုးပမ်းရာ၌လည်းကောင်း အများ ပြည်သူများပူးပေါင်းပါဝင်လာကာ အောင်မြင်သောစီမံကိန်းတစ်ခုဖြစ် လာနိုင်ပါကြောင်း လူထုစစ်တမ်း ကောက်ယူမှုအရေးကြီးပုံအား စာ ဖတ်သူများ သင်ခန်းစာရယူနိုင်ရန် အလို့ငှာ ဥပမာပေးရေးသားလိုက်ရ ပါသည်။    ။

#DemocracyToday

Rate this item
(0 votes)
Login to post comments
back to top
adv

adv

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616