Main menu
HOT NEWS
adv
ဝစီပိတ် ဆာသော်ဒိုး

ဝစီပိတ် ဆာသော်ဒိုး

ဒီကနေ့ မြန်မာပြည်ကား အရင့်အရင် 'လက်ထက်တော်အဆက်ဆက်' ခေတ်များနှင့် ကွာခြားချင်တိုင်းကွာ ခြားခဲ့လေပြီ။ စစ်ခုံရုံးဥပဒေကာလများ ကို နှစ်ပေါင်းများစွာ ခံစားဖြတ်ကျော်လာ ပြီးနောက် ယူနီဖောင်းအစိမ်းပုပ် ဘောင်းဘီရှည်များကို ခေါက်၍သိမ်းလိုက်ပြီး ပုဆိုးစိမ်းများကို ရုတ်တရက် ချက်ချင်းဆိုသလို ကောက်ကာငင်ကာ စွပ်လျှိုလိုက်ကြကာ 'စစ်မှုထမ်း အငြိမ်းစားအစိုးရ'ကာလတစ် ခုကိုလည်း ပြည်သူလူထုမှာ ရင်ဆိုင်ဖြတ် ကျော်ခဲ့ရပါပေ၏။

လက်ထက်တော် ကာလရှည် ကြီးတစ်လျှောက်မှာ မတရားဖမ်းဆီးချုပ် နှောင်ခံခဲ့ကြရပြီး မြန်မာပြည်၏ ဝေးလံ ခေါင်ဖျား နာမည်ဆိုးဖြင့်ကျော်ကြားသည့် အကျဉ်းထောင်ကြီးအသီးသီးမှာ ဘယ်တုန်းကမှ မကြားဖူးခဲ့ကြရသည့် ထောင်ဒဏ်နှစ်ရှစ်ဆယ်တို့၊ ထောင်ဒဏ် နှစ်ခုနစ် ဆယ် တို့၊ ထောင်ဒဏ် နှစ်ခြောက်ဆယ် တို့ အမိန့်ချခံခဲ့ကြရပါပေ၏။ အနည်းဆုံး ကား ထောင်ဒဏ် အနှစ်နှစ်ဆယ်လောက် ပါပဲခင်ဗျာ။

ကျူးလွန်ခဲ့ကြသည်ကား မှန် ပေ၏။ သို့ပေမည့် 'ရာဇဝတ်မှုများ'မဟုတ်မူဘဲ တိုင်းပြည်နှင့်လူထုအတွက် 'ဒီမိုက ရေစီ အခွင့်အရေးများ'ကို ရှေ့တန်းမှ တောင်းဆို တိုက်ပွဲဝင်ခဲ့ကြသူများသာ ဖြစ်ပါပေ၏။ သို့ပါသော်ငြား သူတို့ 'တပ်' ထားခဲ့ကြသည့် ပုဒ်မ ဥပဒေများအရ နိုင်ငံ တော်ကို ဆန့်ကျင်သူများ၊ ရာဇဝတ်ပြစ် မှုကြီးများကို ကျူးလွန်ခဲ့ကြသူများလိုလို ကမ္ဘာကိုအသိပေးကာ သတင်းတွေထုတ် ပြန်ခဲ့ပါလေ၏။

အနှီ လူထုအရေးတော်ပုံအုံြ<ွကမှုကြီး ပေါ်ပေါက်ခဲ့သည့် ၁၉၈၈ ခုနှစ် ကာလအလွန်မှာ 'စစ်အစိုးရ'တက်လာ ပြီး 'အာဏာသိမ်း'ခဲ့ပါလေ၏။ အာဏာ သိမ်းသည်ဆိုသော်ငြား ဟိုးအရင် ဦးနေ ဝင်းလက်ထက်ကလိုတော့ မဟုတ်ပြန်။ ဗိုလ်ချုပ်နေဝင်း အာဏာသိမ်းစဉ်အခါ က တည်ဆဲအစိုးရ ဦးဆောင်ဝန်ကြီးချုပ် သမ္မတနှင့်တကွ ဝန်ကြီးများကို ဖမ်းဆီး ချုပ်နှောင်ခဲ့ပါပေ၏။ ယခု '၈၈'မှာကား ယခင်အစိုးရ လူကြီးမင်းများမှာ မိမိတို့ အိမ်ဂေဟာများတွင် စားဝင်အိပ်ပျော် မော် မော်ြ<ွကာြး<ွကား။

ယခင်အစိုးရကို အရေးမယူခဲ့ သော်ငြား တစ်တိုင်းပြည်လုံးမှ ဆန္ဒပြသူ လူအများကို ရက်ရက်စက်စက် ရိုက်နှက် ဖမ်းဆီးကာ စစ်ခုံရုံးများစွာများစွာမှာ 'နေ့ ချင်းပြီး' ဥညနှအသစှနမလငခန အပြည့်ပေး ၍ နရသိန်အသီးသီးသို့ ပို့ခဲ့ပါလေ၏။ ဤ ကာလက ကျောင်းသားပြည်သူ အတော် များများမှာ နယ်စပ်ဒေသများသို့ ထွက် ပြေးတိမ်းရှောင်ကာ 'လက်နက်ကိုင်တပ် ဖွဲ့အသီးသီး'ထံမှာ ခိုလှုံဝင်ရောက်ခဲ့ကြ ပါ၏။ ပြီးသည့်အခါ အစိုးရတပ်များနှင့် ရင်ဆိုင်ကာ တိုက်ခိုက်ခဲ့ကြပါလေ၏။

ရဲစခန်းများ၊ အချုပ်များ၊ စစ် ကြောရေးဌာနများနှင့်တကွ အကျဉ်းထောင်မကြီး အသီးသီးမှာ ရက်ရက်စက်စက် အနှိပ်စက်ခံရ၍ ကွယ်လွန်ကျဆုံးခဲ့သူဦး ရေနှင့် ရှေ့တန်းစစ်မြေပြင်မှာ ကျဆုံးကွယ် လွန်ခဲ့ကြသည့်ဦးရေမှာ အရေအတွက် များစွာများစွာ။ စာရင်းအတိအကျ ကား ထောင်မှူးကြီးများသိမည်။ ရှေ့တန်းစစ် မြေပြင်မှာ စစ်ဆင်နေသည့် လက်နက်ကိုင် တပ်ဖွဲ့များ သိမည်။ တစ်နေ့နေ့ တစ်ချိန် ချိန်မှာတော့ ဤစာရင်းအဝဝကို 'သမိုင်း ဇာတ်ဆရာ'က သူ့မှတ်တမ်းကို ထုတ်ပြ ပေလိမ့်မည်ဖြစ်ပါ၏။

ဒီကနေ့ မြန်မာပြည်ကား အရင့်အရင် လက်ထက်တော်အဆက်ဆက် ဘုရင်စိတ်တစ်ဝက်နှင့် 'အဘတော်'များ ကာလနှင့် ခြားနားခဲ့ပေပြီ။ အရင်ခေတ်က အတော့်ကို ဆိုးသွမ်းစွာ အုပ်စိုးခဲ့တဲ့ 'သရောကြီးကာလ'ပါ။ ဥပမာအားဖြင့် ရပ်ကွက်လက်ဖက်ရည်ဆိုင်မှာ ကိုယ့်ဘာ သာကိုယ် NLD အကြောင်းေ လးပြောမိ။ ညဘက်မှာ 'ကွိ'ခနဲမြည်ကာ အိမ်မှာလာ ဖမ်းပြီ။ ဆရာဆောင်းဝင်းလတ်ဆိုလျှင် ဆိုင်တစ်ဆိုင်မှာ ထိုင်နေရင်း မှတ်စုစာ အုပ်ကလေးထုတ်ကာ 'ဒေါ်အောင်ဆန်း စုကြည်၏ ရုပ်ပုံကို အကြမ်းခြစ်ရေးဆွဲနေ တာ တွေ့တာနှင့် 'အရပ်ဝတ်ပုဂ္ဂိုလ်'အချို့ ဟာ တစ်ခါတည်း ရဲစခန်းသို့ ဖိတ်ခေါ် သွားကာ ချက်ချင်းကိုအမိန့်ချ၍ ထောင် သို့ပို့ဆောင်ခဲ့ပါလေ၏။

ဤကား များပြားလှစွာသော ဖြစ်ရပ်ပေါင်း ထောင်သောင်းထဲမှ အနည်း ငယ်ကို ဆွဲထုတ်ပြတာပါခင်ဗျ။ ကဗျာ ဆရာများ၊ ဝတ္ထုတိုရှည်ရေးသူများ၊ ကာ တွန်းဆရာများ၊ ပန်းချီဆရာများ၊ တေး ရေးဆရာနှင့် အဆိုတော်များ များစွာတို့ က ဤကာလဆိုးကြီးကို ရှည်လျားစွာဖြတ် ကျော်ခဲ့ရကာ မိမိတို့၏ 'ပြောချင်ဆိုချင်'သည်များကို တိုက်ရိုက်ရေးခွင့်မရဘဲ 'နိ မိတ်ပုံ'များဖြင့်သာ ကွယ်ကာဝှက်ကာ ရေး သားခဲ့ကြရပါလေ၏ခင်ဗျာ။ သည်အခါ စကားလုံးအသစ်တွေ အလင်္ကာအဆန်း တွေ၊ ဝင်္ကဝုတ္တိ အသစ်ကျပ်ချွတ်တွေ များ စွာများစွာ ထွက်ပေါ်လာခဲ့ကြပါပေတော့ ၏။

အချို့လည်း ဘာဆိုဘာမှမ ပြောရဲ မရေးရဲဖြစ်ကာ သည်မြေမှခွာပြီး အခြား ရေစိမ်းမြေစိမ်းမှာ ရရာအလုပ်လုပ် ဇာတ်မြှုပ်ပါလေ၏။ အချို့ကား ရေခြား မြေခြားမှာနေကာ 'မူရင်းတော်လှန်ရေး'ကို ဆက်လက် လုပ်ဆောင်ပါလေ၏။ နိုင်ငံ တကာ စာနယ်ဇင်းများမှာ လွတ်လပ်စွာ ရေးသား၏။ နိုင်ငံတကာ အသံလွှင့်ဌာန များမှာ လွတ်လပ်စွာ အသံလွှင့်တိုက်ပွဲ ဆက်၏။ နိုင်ငံတကာ မီဒီယာများမှနေ ၍ မြန်မာပြည်တွင်းသို့ လွတ်လပ်စွာသော သတင်းအချက်အလက် သုံးသပ်ချက်ပေါင်း များစွာကို နေ့စဉ်ညစဉ် ပို့လွှတ်ပါလေ၏။

ပြည်တွင်းမှာကား အဲသလို အားပါးတရ လွတ်လပ်စွာ ပိဿာလေးနှင့် ဘေးပစ်သလို 'ဆော်'လို့မရ၊ 'အော်'လို့ မရ 'နှံ'လို့မရ။ ဒီတော့ကာ ဝင်္ကဝုတ္တိအ လင်္ကာ ဥပမာပေါင်းများစွာကို ကျွမ်းကျင် အောင် လေ့ကျင့်ကာဖြင့် သမိုင်းဝင်ကာ တွန်းများ၊ သမိုင်းဝင်ကဗျာများ၊ သမိုင်း ဝင်ဝတ္ထုများ၊ သမိုင်းဝင်ပျက်လုံးများ... စသည်ဖြင့် စသည်ဖြင့် ယခုအခါ မှတ်တမ်း မှတ်ရာများ ရှိခဲ့ပေပြီ။

အရင်ခေတ်နှင့် အခုခေတ်ကား လွန်စွာမှ ကွာခြားခဲ့ပေပြီ။ ယခုဆိုလျှင် လူမှုကွန်ရက်မီဒီယာဟာ ဖန်တီးသူ လူငယ် လေးမာခ့်ဇူကာဘတ်၏ ကျေးဇူးကြောင့် မြန်မာပြည်မှာ လူတိုင်းကိုယ်စီ Facebook ပိုင်ဆိုင်ခဲ့လေပြီ။ အရင်ခေတ်လို မပြောရဲ မဆိုရဲ လုပ်စရာလည်း မလိုတော့သည့် အတွက် နေ့စဉ်နှင့် အမျှ ဖေ့စ်ဘွတ်ခ်ပေါ် တက်ကာ မိမိကြိုက်သလို ပြောဆိုနေကြ ပြီဖြစ်၏။ အဲသည်လို လူတိုင်းလူတိုင်းသုံး စွဲနေသည့် အသိုင်းအဝိုင်းမှာ 'ထင်ရာစိုင်း' အဖြစ် 'စုန်းပြူးကိုယ်တော်ကြီးများ'အဖွဲ့ လည်း မနည်းလှပါပေ။

စောင့်ထိန်းအပ်သည့် 'လူ့ကျင့် ဝတ်အခြေခံ'နီတိကိုတောင်မှ မသိရှိကြ ဘဲ အဲ..မသိသလိုလုပ် မသိကျိုးကျွံပြု ကာ အစွမ်းကုန် မိုက်ရိုင်းတော်မူနေကြပါ ပေါ့လားခင်ဗျာ။ ဘာသာမတူသူများကြား လူမျိုးမတူသူများကြား..စသည်ဖြင့် အဖွဲ့အစည်းပေါင်းများစွာ အကြားမှာ 'အမုန်းစိတ်ဓာတ်' ထိပ်ကပ်လာအောင် သာ အစွမ်းကုန် သွေးထိုးသွေးခွဲတော်မူ နေကြတာ ထင်းထင်းကြီးကို မြင်ရပါတယ် ခင်ဗျ။

အယူမှား၊ အမှတ်မှား၊ တွေး ခေါ်ပုံမှား၊ အလုပ်မှားအောင်သာ ပျော် ပျော်ကြီး 'လှော်'နေတာပါခင်ဗျ။ သူတို့ တွေဟာ 'တရားဥပဒေ'ကနေ တရားဝင် 'ကင်းလွတ်' ခွင့်ရနေသူတွေ လိုပါလား။ ဘုရား... ဘုရား...ဘုရား...။ နောက်လိုက်နောက်ပါ ကြံရာပါ တပည့် တပန်းတွေကလည်း အပြည့်။ ပြောတဲ့စ ကားကလည်း 'တရား'နဲ့ကင်းကွာ။ အဲသ လို 'တရားကင်းကွာ' စကားလုံးတွေမပြော စေချင်လို့ တာဝန်ရှိသူတွေက တရားနည်း လမ်းကျစွာ တားမြစ်တဲ့အခါ နှုတ်ခမ်းနှစ် လွှာကိုစေ့ကာ တိပ်ကပ်တော်မူရှာပါသဗျ။ နှုတ်က ဘာစကားမျှမပြောဘဲ င်္ခေနဘသသု ထဲကနေ ပျော်ပျော်ကြီး 'နွှဲ'ပြန်ပါသဗျ။ ကဲ...။

အဲသည်မှာ ဆာသော်ဒိုးဟာ မင်းတုန်းမင်းလက်ထက်က ကိုယ်တော် ကြီးတစ်ပါးကို သတိရမိတယ်။ သူကတော့ ဘုရင်ကို အမှန်အတိုင်းဝေဖန်လို့ နယ် အဝေးကို မြစ်ကြောင်းကနေ လှေနဲ့အပို့ခံ ရတာပါ။ အခုလိုတော့မဟုတ်။ သူလည်း လှေပေါ်မှာ ပြောမှားဆိုမှား ထပ်ဖြစ်ပွား မှာစိုးတာနဲ့ ပါးစပ်ထဲရေငုံပြီး 'ဝစီပိတ်'လိုက်ပါလာတာပေါ့ဗျာ။ ဒီလိုနဲ့ လှေသား တွေ ထမင်းစားတဲ့အခါ တစ်ဦးကသရက် သီးခွဲထားတာကို ထမင်းနဲ့လွေးနေရင်း က ပြောချလိုက်တယ်။

 'အင်း...အသီးတွေများ မှည့်ရင် တယ် 'ချို'တာပါကလား...'

အဲဒါကိုကြားတော့ ဟိုကိုယ် တော်က 'ဝစီပိတ်'ထားရာကနေ သူ့ရှေ့ ပန်းကန်ထဲက ငရုတ်သီးမှည့်ကြီးကိုယူ ကာ ဟိုလူကို ထောင်ပြတော်မူပါသတဲ့။ အခုလည်း 'ဝစီပိတ်' နှုတ်ကိုချုပ်ထားလည်း ဖေ့စ်ဘွတ်ခ်ကြီး ထောင်ထောင်ပြမှာမြင် ယောင်သေးရဲ့ဗျာ။          

Flower News Journal

Rate this item
(0 votes)
မိုးဆက်ကို

Thura Soe @ Moe Sat Ko

Login to post comments
back to top

620 200

620 200 2

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616

For Information - 09 400471100 , 09 964010191