Main menu
HOT NEWS
adv
ဖေ့စ်ဘွတ်ခ် စာမျက်နှာများကြောင့် ထင်ရှားလာသည့် စွန်ရဲအင်းသို့ တစ်လအတွင်း လာရောက်သူ အဆမတန် မြင့်တက်လာ

ဖေ့စ်ဘွတ်ခ် စာမျက်နှာများကြောင့် ထင်ရှားလာသည့် စွန်ရဲအင်းသို့ တစ်လအတွင်း လာရောက်သူ အဆမတန် မြင့်တက်လာ

ကျောက်ဆည်၊ ဇူလိုင် ၅

ယခင်က အသင်းအ ဖွဲ့များ၊ ဓာတ်ပုံဝါသနာရှင်များ၊ ငှက်ကြည့်သူများ လောက်သာလာရောက်မှုရှိသည့် ကျောက်ဆည် မြို့နယ်ရှိ စွန်ရဲအင်းသည်  ဖေ့စ်ဘွတ်ခ်စာမျက်နှာများကြောင့် ထင်ရှားလာပြီး လာရောက်သူများ တစ်စထက်တစ်စမြင့်တက်လာရာ ယခုအခါ နံနက်မိုးလင်းချိန်မှ ညနေမိုးချုပ်သည်အထိ လာရောက်လည်ပတ်သူများဖြင့် စည်ကားနေ ကြောင်းသိရသည်။  စွန်ရဲအင်းမှာ ကျောက်ဆည်မြို့နယ် ရန်ကုန်-မန္တလေး လမ်းမ ကြီးပေါ်ရှိ ဘဲလင်းကျေးရွာတောင်ဘက်လမ်းခွဲမှ အတွင်းသို့သုံးမိုင်ခန့်ဝင်ရောက်ရသည်။ ရှမ်းရိုးမတောင်ခြေနှင့် ကျောက်ဆည်မြို့နယ်အတွင်း တောင်များအကြား စွန်ရဲရွာအနီးတွင်တည်ရှိရာ တစ်နှစ်ပတ်လုံး ရေရှိသည့် အပြင်ပတ်လည်ရေပြင်အင်း၌ ကြာ တောကြီးများရှိပြီး ရေပျော်ငှက်များ၊ ဆောင်းခို ငှက်များလာရောက်ခိုနားသည့် အင်းဖြစ်သည်။


''အရင်ကတော့ ဓာတ်ပုံပြိုင်ပွဲလာရိုက်တဲ့ အဖွဲ့တွေလောက်ပဲလာကြတာပါ။ ဆောင်းဦး ပေါက်ကစပြီး ငှက်ကြည့်သူတွေ၊ ငှက်ဝါသနာရှင် တွေလာတာရှိတယ်။ အခုလို လာရောက်လည် ပတ်တဲ့သူမရှိသလောက်ပါပဲ။ ပြီးခဲ့တဲ့လလောက်ကစပြီး ကျောင်းသားကျောင်းသူအရွယ်လူငယ် တွေလာကြတယ်။ ဖုန်းနဲ့ဓာတ်ပုံရိုက် ဖေ့စ်ဘွတ်ခ်စာမျက်နှာပေါ်တင်ကြတော့ လူသိများပြီး အခုဆိုရင် နေ့စဉ်လာတဲ့သူများလို့ အင်းလှေဆိပ်မှာစည် ကားနေပါပြီ''ဟု စွန်ရဲအင်းလှေအသင်းမှ လှေလှော်ခတ်သူတစ်ဦးကပြောသည်။ စွန်ရဲအင်းသို့လာရောက်သူများမှာ လှေဆိပ်မှလှေငှား၍ ကြာတောရှိရာသို့သွားရောက်လည်ပတ်ကြပြီး လှေဆိပ်တွင် နှစ်ယောက်မှ ငါး ယောက်အထိတင်ဆောင်နိုင်သော လှေငယ် ၉ဝ ခန့်ရှိသည်။


စွန်ရဲအင်းအတွင်းရေနည်းချိန်တွင် ပုံမှန် ရေရှိနေမှုမှာ အနက်ဆုံးနေရာ၌ သုံးပေ၊ လေး ပေခန့်သာရှိသော်လည်း မိုးတွင်းကာလရေများချိန်တွင် ၁ဝ ပေအထက် ရေအနက်ရှိသည်။ အင်းသို့လာရောက်လည်ပတ်သူများ မှာ ကြာ တောအတွင်း လှေဖြင့်တိုးဝင်အရောက်သွားကြကာ ဓာတ်ပုံရိုက်ယူခြင်း၊ တစ်နိုင်တစ်ပိုင်ကြာပန်းများချိုးယူခြင်းပြုလုပ်ကြပြီး အင်းရေပြင်အတွင်းတိုက်ခတ်နေသည့် လှိုင်းကြက်ခွပ်လေကို ရှူရှိုက်၍ အပန်းဖြေ အနားယူကြကြောင်း၊ ယခု ရက်ပိုင်းလာရောက်သူများပြားသဖြင့် လှေများ မနားတမ်းပို့ဆောင်ပေးနေရပြီး လှေစီးခတစ်ဦး ကျပ်သုံးထောင်ဖြင့် ပို့ဆောင်ပေးနေကြောင်းသိရသည်။     

DW

#democracytoday

Rate this item
(0 votes)
M ဘွယ်

M-Bwel (Online Editor)

Latest from M ဘွယ်

Login to post comments
back to top
adv

adv

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616