မန္တလေး၊ အောက်တိုဘာ ၁၅

 

မန္တလေးတိုင်းဒေသကြီး ပြင်ဦးလွင်မြို့ မဟာအံ့ထူးကံသာဘုရားကြီးတန် ဆောင်တိုင်မီးပုံးပျံပွဲတော်ကာလတွင် လာရောက်လည်ပတ်သူပိုမိုများပြားနေခြင်းကြောင့် ဟိုတယ်နှင့် တည်းခိုခန်းများ၏ရှိနေသည့်အရေအတွက်ထက် ငှားရမ်းလိုမှုက ပိုမိုများပြားနေသောကြောင့် ငှားရမ်းခဈေးနှုန်းမြင့်တက်မှုအားထိန်းချုပ်နိုင်ရန် မလွယ်ကူကြောင်း မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(ပြင်ဦးလွန်ဇုန်)မှ သိရသည်။

 

ရန်ကုန်၊ အောက်တိုဘာ- ၁၅

 

ပဲဈေး အလွန်အမင်းကျဆင်းမှု မဖြစ်ပေါ် စေရန် မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်းမှ အခြေခံနှုန်း တစ်ခုသတ်မှတ်ပြီး ပဲစင်းငုံ တန်ချိန်တစ်သောင်းနှင့် မတ်ပဲတန်ချိန် သုံးထောင်ကျော်ကို ဝယ်ယူထားပြီး ဖြစ်ကြောင်းသိရသည်။ မတ်ပဲ FAQ 2017 Crop  တစ်တန်လျှင် ကျပ်ငါးသိန်းနှင့် ပဲစင်းငုံအနီ ၂ဝ၁၇ Crop တစ်တန်လျှင် ကျပ်လေးသိန်းနှုန်းဖြင့် သတ်မှတ်၍ ရန်ကုန်တိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်း (ဘုရင့်နောင်ကုန်စည်ဒိုင်)တွင် ဝယ်ယူနေခြင်းဖြစ်ကြောင်း သိရသည်။

 

မုံရွာ၊ အောက်တိုဘာ ၁၄

 

အိန္ဒိယနိုင်ငံသို့ပို့ကုန်အဖြစ် နှစ်ပေါင်း များစွာတည်ရှိလာခဲ့သော မြန်မာနိုင်ငံထွက် ပဲစင်းငုံ၊ မတ်ပဲနှင့် ပဲတီစိမ်း များအား ပြည်တွင်းစားသုံးမှုမြင့်မားလာစေရေး စစ်ကိုင်းတိုင်းဒေသကြီးတွင် ပဲစားပွဲတော်ကျင်းပရန် စီစဉ်ဆောင်ရွက်နေကြောင်း တိုင်း ဒေသကြီးကုန်သွယ်မှုမြှင့်တင်ရေးနှင့် စားသုံးသူရေးရာဦးစီးဌာနညွှန် ကြားရေးမှူးဦးခင်ဇော်ကပြောသည်။

 

နေပြည်တော်၊ အောက်တိုဘာ ၁၄

 

(၅) ကြိမ်မြောက်အာဆီယံအဆင့် အ သေးစားအလတ်စားစီးပွားရေးဖွံ့ ဖြိုးတိုးတက်မှုလုပ်ငန်းများညီလာခံ 5th Asian SME conference in Myanmar-2017  ကို အောက်တိုဘာ ၁၄ ရက် နံနက်ပိုင်းတွင် နေပြည်တော် MICC-2  ၌ကျင်းပခဲ့ပြီး ယခုကျင်းပသည့်ညီလာခံသည် မြန်မာနိုင်ငံတွင် ပထမဦးဆုံးအကြိမ် ကျင်းပခြင်းဖြစ် ကြောင်း သိရသည်။

 

ရန်ကုန်၊ အောက်တိုဘာ ၁၄

 

ရန်ကုန်တိုင်းဒေသကြီးအတွင်းရှိ စက်ရုံ၊ အလုပ်ရုံများကို ပတ်ဝန်းကျင် ထိန်းသိမ်းရေးနှင့် သန့်ရှင်းရေး ဌာန၏ထောက်ခံချက်ပါမှသာ လိုင်စင်သက်တမ်းတိုးပေးတော့ မည်ဖြစ်ကြောင်းသိရသည်။ ယင်းအပြင် အသစ်ထပ်မံဖွင့် လှစ်လိုသည့်စက်ရုံများအနေဖြင့် ရန်ကုန်မြို့တော်စည်ပင်၊ ပတ်ဝန်းကျင်ထိန်းသိမ်းရေးနှင့် သန့်ရှင်းရေး ဌာန၏ထောက်ခံချက်ပါမှသာ လိုင်စင်ထုတ်ပေးခြင်းနှင့် သက် တမ်းတိုးပေးခြင်းကိုဆောင်ရွက် ပေးမည်ဖြစ်ကြောင်း ရန်ကုန်မြို့ တော်စည်ပင်၊ ပတ်ဝန်းကျင်ထိန်း သိမ်းရေးနှင့် သန့်ရှင်းရေးဌာနမှ သိရသည်။

 

ညောင်ဦး၊ အောက်တိုဘာ ၁၃

 

ခရီးသွားရာသီစတင်ချိန်တွင် ပုဂံရှေး ဟောင်းယဉ်ကျေးမှုနယ်မြေသို့ ပြည်တွင်း ပြည်ပခရီးသွားဧည့်သည် ဝင်ရောက်မှုများပြားလာပြီး ပုဂံ ညောင်ဦးမြို့များ၌ ဖွင့်လှစ်ထားသည့်  E-Bike အငှားယာဉ်ဝန် ဆောင်မှုလုပ်ငန်းများမှာတွင် ကျယ်စွာငှားရမ်းနေကြရကြောင်း သိရသည်။

 

မကွေး၊ အောက်တိုဘာ ၁၃

 

အသင့်သုံးသနပ်ခါးဘူးများပေါ်လာသော်လည်း အညာဒေသထွက်ကျောက်ပျဉ်များရောင်းအားကျဆင်းမှုမရှိ ကြောင်း မကွေးတိုင်းဒေသကြီး မကွေးမြို့မှ ကျောက်ပျဉ်ရောင်း ဝယ်ရေးလုပ်ငန်းရှင်တစ်ဦးထံမှသိရသည်။ ယခုနောက်ပိုင်းတွင် သနပ် ခါးသွေးစရာမလိုဘဲ အသင့်လိမ်းချယ်၍ရသော ရယ်ဒီမိတ်သနပ် ခါးဘူးများ၊ သနပ်ခါးခဲများများစွာ ဈေးကွက်အတွင်းဝင်ရောက်လာ သော်လည်း သနပ်ခါးတုံးများကို သွေးသည့် ကျောက်ပျဉ်များမှာ ရောင်းအားကျသွားခြင်းမရှိ ကြောင်း သိရသည်။

 

မန္တလေး၊ အောက်တိုဘာ ၁၃

 

မန္တလေးတိုင်းဒေသကြီး၊ ငါန်းဇွန်မြို့ နယ်၊ စက်မှုဥယျာဉ်(မြို့သာ) စီမံကိန်းအတွင်းရှိ မြေဧက ၃၈ဝ ပေါ်၌ တည်ဆောက်လျက်ရှိသော ဂေါက်ကွင်းကို အာရှနိုင်ငံများ၏ ထိပ်ဆုံးငါးကွင်းတွင် ရပ်တည်သတ်မှတ်နိုင်ရန် အမေရိကန်ကုမ္ပဏီတစ်ခု နှင့်ပူးပေါင်းကာ ပြင်ဆင်ဆောင်ရွက်လျက်ရှိကြောင်း သိရသည်။

 

Page 3 of 11