Sunday, 08 October 2017 12:31

စာပေဟောပြောပွဲမှ အပြန် ကဗျာဆရာနှစ်ဦး စီးလာသောကား ခဲဖြင့် အထုခံရ၊ တစ်ဦး ဒဏ်ရာရ

Written by DW,SMO
Rate this item
(0 votes)

ရန်ကုန်၊ အောက်တိုဘာ ၇

 

စစ်ကိုင်းတိုင်းဒေသကြီး ရေဦးမြို့နယ် စာပေဟောပြောပွဲမှအပြန်ကားကိုခဲဖြင့် အထုခံရ၍ ကဗျာဆရာညီမင်းညို ဒဏ်ရာရှိခဲ့မှုအပေါ် အမှုမဖွင့်လိုသော်လည်း ပြစ်မှုကျူးလွန်သူများအား ဖော်ထုတ်ပေးစေလို ကြောင်း ရဲတပ်ဖွဲ့သို့ တိုက်တွန်းထားသည်ဟု သိရသည်။ ကဗျာဆရာညီမင်းညိုနှင့် ကဗျာဆရာ ထွဏ်းသွေးအိမ်တို့သည် ရေဦးနယ် စည်ကြီးရွာ(အထက)အာစရိယ ပူဇော်ပွဲအထိမ်းအမှတ် စာပေဟောပြောပွဲတွင် စာပေဟောပြောပြီးအပြန် ၎င်းတို့စီးလာသောကားကို အောက်တိုဘာ ၇ ရက် နံနက် ၂နာရီခွဲကျော်က စစ်ကိုင်း မြို့အဝင် ကျောက်ဆည်ရွာအနီး ကံတလူတိုး ဂိတ်နားအရောက် လူနှစ်ယောက်က ကားအား ခဲနှင့်ပစ်ပေါက်ခဲ့ကြောင်း၊ ကားမှန်ကွဲပြီး ဆရာညီမင်းညို၏ ညာပါးကို ထိမှန်ခဲ့ကာ ဒဏ်ရာရရှိခဲ့ခြင်းဖြစ်ကြောင်း သိရသည်။


''ကျွန်တော်တို့ကို ရည်ရွယ်ပြီး တမင်လုပ်တာတော့မဟုတ်ပါဘူး။ ဒါကြောင့် အမှုမဖွင့်တာပါ။ ရဲကိုတော့ ပြစ်မှုကျူးလွန်သူတွေကို ဖော်ထုတ်ပေးဖို့ တောင်းဆိုထားခဲ့ပါတယ်။ ခဲနဲ့ထုတဲ့သူနှစ်ဦးကပစ်ပြီး ရွာထဲပြေးဝင်သွားတာ''ဟု ကဗျာဆရာထွဏ်းသွေးအိမ်က ဒီမိုကရေစီတူဒေးသို့ ပြောသည်။ ယင်းနှင့်ပတ်သက်ပြီး အမှုဖွင့်ထားခြင်း မရှိကြောင်း စစ်ကိုင်းတိုင်းဒေသကြီး စစ်ကိုင်း မြို့မရဲစခန်းမှသိရသည်။ ဖြစ်စဉ်နှင့်ပတ်သက်ပြီး စစ်ကိုင်းမြို့မရဲ စခန်းမှ ရဲအုပ်လှိုင်မြင့်က ''ညက ကျွန်တော် တာဝန်ကျတာပါ။ ကျွန်တော်တို့မြို့နယ်ထဲမှာရှိတဲ့ ကံတလူတိုးဂိတ်ရဲကင်းဆိုတာ ရှိပါတယ်။ အဲဒီမှာတိုင်တာပါ။ စခန်းမှာတော့ အမှုလာ ဖွင့်တာမရှိပါဘူး။ စုံစမ်းပေးနေပါတယ်''ဟု ¤င်းကပြောသည်။


ကံတလူ ရဲကင်းတပ်ဖွဲ့ဝင်များက ဆရာညီမင်းညိုတို့စီးလာသည့် ယာဉ်မောင်းနှင့်အတူ ညတွင်းချင်း အခင်းဖြစ်နေရာသို့ သွားရောက်ရှာဖွေခဲ့သော်လည်း တစ်စုံတစ်ရာ တွေ့ရှိခြင်း မရှိကြောင်း အောက်တိုဘာ ၇ရက် နံနက်၁ဝ နာရီက စစ်ကိုင်းမြို့နယ် ရဲတပ်ဖွဲ့မှူးကိုယ်တိုင် ဦးစီးသောအဖွဲ့ဖြင့် အခင်းဖြစ်နေရာသို့ သွား ရောက်၍ ကျေးရွာတာဝန်ရှိသူများအားတွေ့ ဆုံပြီး ဆက်လက်စစ်ဆေးစုံစမ်းကြောင်း စစ်ကိုင်းမြို့မရဲစခန်းမှ သိရသည်။ 

 

DW,SMO

#democracytoday

Read 1143 times
Login to post comments