Main menu
HOT NEWS
adv
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ချောင်းဆုံမြို့နယ် ပြည်သူ့လွှတ်တော် ကိုယ်စားလှယ်လောင်း ဦးအောင်ကြည်သိန်းနှင့် တွေ့ဆုံခြင်း

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ချောင်းဆုံမြို့နယ် ပြည်သူ့လွှတ်တော် ကိုယ်စားလှယ်လောင်း ဦးအောင်ကြည်သိန်းနှင့် တွေ့ဆုံခြင်း

Featured

၂ဝ၁၇ ကြားဖြတ်ရွေးကောက်ပွဲ၌ ဝင်ရောက်ယှဉ်ပြိုင်မည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ချောင်းဆုံမြို့နယ် ပြည်သူ့လွှတ်တော် ကိုယ်စားလှယ်လောင်း ဦးအောင်ကြည်သိန်းနှင့် တွေ့ဆုံခြင်း

၂ဝ၁၇ ကြားဖြတ်ရွေးကောက်ပွဲ၌ ဝင်ရောက်ယှဉ်ပြိုင်မည့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP)မှ ချောင်းဆုံမြို့နယ် ပြည်သူ့လွှတ်တော်ကိုယ်စားလောင်း ဦးအောင်ကြည်သိန်းသည် USDP ၏ ဗဟိုအလုပ်အမှုဆောင် တစ်ဦးလည်းဖြစ်သည်။ မွန်ပြည်နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ဥက္ကဋ္ဌလည်းဖြစ်သည်။ ဦးအောင်ကြည်သိန်းသည် စိုက်ပျိုးရေးဦးစီးဌာနမှ ပင်စင်ယူပြီး၂ဝ၁၅ ရွေးကောက်ပွဲမတိုင်ခင် USDP သို့ ဝင်ရောက်ခဲ့သည်။ USDP ၏ ဒုတိယအကြိမ် ညီလာခံမှ ပြန်လည်ရွေးကောက်ပြီးနောက် မွန် ပြည်နယ်၏ USDP ဥက္ကဋ္ဌ ဖြစ်လာခဲ့သည်။ ၂ဝ၁၅ ရွေးကောက်ပွဲတွင် ချောင်းဆုံမြို့နယ် တိုင်းဒေသကြီးမဲဆန္ဒနယ် အမှတ်(၁)မှ ဝင်ရောက်ယှဉ်ပြိုင်ခဲ့သော်လည်း ရှုံးနိမ့်ခဲ့သည်။

၂ဝ၁၇ ကြားဖြတ်ရွေးကောက်ပွဲနဲ့ ပတ်သက်ပြီး ကြိုတင်ပြင်ဆင် ထားတာတွေ ပြောပြပေးပါဦး။
လောလောဆယ်တော့ ပန်းဖလက်တွေ ရိုက်တာတော့ လုပ် ပြီးသွားပါပြီ။ ဒီလကလည်း ပါတီကလုပ်တဲ့ သင်တန်းတွေနဲ့ ပါတီ ကိစ္စတွေ၊ ကော်မရှင်ကလုပ်တဲ့ သင်တန်းတွေ သွားတက်နေရတာ နဲ့ပဲ ဒီလက အချိန်သိပ် မအားလိုက်ဘူး။ လုပ်စရာရှိတာတွေတော့ လုပ်ပြီးပါပြီ။

ဇန်နဝါရီ ၃ဝ ရက်ကစပြီး မဲဆွယ်ရတာဆိုတော့ မဲဆွယ်စည်းရုံးတဲ့ အခါမှာရော ဘယ်လိုမူဝါဒနဲ့ မဲဆွယ်သွားမလဲ။
ဒါက နှစ်ပိုင်းရှိပါတယ်။ ပါတီဘက်ကရယ်။ ဦးရဲ့ ပုဂ္ဂိုလ်ရေးအရရယ်ပေါ့။ ပါတီဘက်ကတော့ မူဝါဒတွေ ဘာတွေချတာတော့ ရှိပါတယ်။ ဦးအနေနဲ့ကတော့ စိုက်ပျိုးရေးဦးစီးဌာနမှာ ညွှန်ကြားရေးမှူးနဲ့ ပင်စင်ယူထားတော့ အဲဒီက အတွေ့အကြုံရှိပါတယ်။ ဦးတို့ ဒေသက လည်း ရော်ဘာစိုက်တာတို့ တောင်သူတွေရှိတယ်။ စိုက် ပျိုးရေးသမားတွေနဲ့ ပတ်သက်တဲ့ ကိစ္စရပ်တွေကို ဦးတည်ပြီးတော့ မဲဆွယ်စည်းရုံးသွားမှာပေါ့။ Door to Door သွားဖို့ကတော့ ပါတီ အနေနဲ့ကတော့ သွားဖို့ရှိပါတယ်။ ဦးတစ်ယောက်တည်းအနေနဲ့က တော့ သွားဖို့ မဖြစ်နိုင်ဘူး။ ဒီမှာက ရွာပေါင်း ၇ဝ လောက်ရှိတယ်။ ကျေးရွာအုပ်စုက ၄၆ အုပ်စု၊ မဲရုံက ၆၂ ရုံ ရှိတယ်။ မဲဆွယ်စည်းရုံး ရေး နှစ်လအတွင်းမှာ ရွာတွေအားလုံးကို သွားဖို့တော့ မဖြစ်ဘူး။ အားလုံးကို ရောက်အောင်တော့ သွားမယ်။ Door to Door သွား ဖို့ကတော့ မဖြစ်နိုင်ဘူး။ ပန်းဖလက်ပဲ အားကိုးပြီး တော့ဝေရမှာပေါ့။ ရက်ပေါင်း ၆ဝ ဆိုတာက တစ်ရွာ တစ်ရက်သွားရင်တောင် မလောက်ဘူး။

မဲဆွယ်စည်းရုံးရေး ကုန်ကျစရိတ်ကိုရော ဘယ်လို သုံးစွဲသွားမလဲ။
မဲဆွယ်စည်းရုံးရေး ကုန်ကျစရိတ်ကတော့ ဦးအနေနဲ့ ကိုယ် ပိုင်ငွေနဲ့ စိုက်သုံးနေတာပေါ့။ ပါတီက ပေးလား၊ မပေးလားဆိုတာ တော့ ဦးလက်ထဲ မရောက်သေးတော့ မသိသေးဘူး။ သိန်း ၁ဝဝ တော့ သုံးခွင့်ရှိတယ်လေ။ လောလောဆယ်တော့ ပန်းဖလက် ရိုက် တာတို့၊ ဗီနိုင်းရိုက်တာတို့ သုံးနေရပြီပေါ့။

ဦးအောင်ကြည်သိန်း ဝင်ရောက်ယှဉ်ပြိုင်မယ့် ချောင်းဆုံမဲဆန္ဒနယ် က မဲဆန္ဒရှင်တွေရဲ့ လိုအပ်ချက်က ဘာတွေလို့ သိထားပါသလဲ။
ဒီဒေသ လိုအပ်ချင်ကတော့ ဒီမှာက စိုက်ပျိုးရေးလုပ်ငန်းတွေ များတော့ စိုက်ပျိုးရေးထုတ်ကုန်နဲ့ ပတ်သက်တဲ့ ဟာတွေကို တွက် ခြေကိုက်ဖို့ရယ်၊ အလုပ်အကိုင် ဖန်တီးပေးမှုရယ်ပေါ့။ ဒီဒေသက လူငယ်တွေ အတော်များများက ပြည်ပကိုသွားပြီးတော့ အလုပ် လုပ် ကိုင်ကြတယ်။ ထိုင်းတို့၊ စင်ကာပူတို့၊ မလေးရှားတို့ကို အများဆုံး ပေါ့။ အလုပ်အကိုင် အခွင့်အလမ်းကြောင့် ဖြစ်မှာပေါ့။ ချောင်းဆုံ မြို့နယ်မှာ အလုပ်အကိုင် ဖန်တီးပေးနိုင်ရင်တော့ ကောင်းပါတယ်။ စိုက်ပျိုးရေးဒေသလည်းဖြစ်တော့ ရေကြီး၊ ရေလျှံမဖြစ်အောင် ဆည်၊ မြောင်း၊ တာတမံတွေလည်း လိုအပ်တာပေါ့။ ဒါတွေလည်း လုပ်ပေး ရမှာပေါ့။ သူတို့ရဲ့ ထုတ်ကုန်တွေနဲ့ပတ်သက်ပြီးတော့လည်း တွက်ချေ ကိုက်အောင်၊ အရှုံးမပေါ်အောင် လုပ်ပေးရမှာပေါ့။

ဦးအောင်ကြည်သိန်းအနေနဲ့ ရွေးကောက်ခံရမယ်ဆိုရင် ပထမဦးစား ပေးအနေနဲ့ ဘာတွေ လုပ်ပေးမယ်လို့ ဆုံးဖြတ်ထားတာရှိသလဲ။
ပထမဦးစားပေးအနေနဲ့ကတော့ ဦးက ပြည်သူ့လွှတ်တော်ဆို တော့ လွှတ်တော်မှာ ဒေသလိုအပ်ချက်တွေ ဘာတွေ တင်ပြမှာပေါ့။ ဒီဒေသက စိုက်ပျိုးရေးဒေသ ဖြစ်တယ်။ လယ်ယာလုပ်ငန်းရဲ့ လိုအပ် ချက်တွေ၊ ထွက်ကုန်နဲ့ ပတ်သက်တဲ့ လိုအပ်ချက်တွေပေါ့။ ဒါတွေကို ဦးရဲ့ အတွေ့အကြုံနဲ့ ဘာတွေလိုနေလည်းဆိုတာ သိနေတယ်။ ဒါတွေကို လုပ်ပေးချင်ပါတယ်။

၂ဝ၁၅ ရွေးကောက်ပွဲတုန်းက ချောင်းဆုံမြို့နယ် တိုင်းဒေသကြီးမှာ ဝင်ပြိုင်ခဲ့တယ်။ အခု ပြည်သူ့လွှတ်တော်မှာရော ဘာကြောင့် ဝင် ရောက် ယှဉ်ပြိုင်ဖြစ်တာလဲ။
ဦးအနေနဲ့ကလည်း ညောင်နှစ်ပင် အမျိုးသားညီလာခံကို တက်ခဲ့ဖူးပါတယ်။ အဲဒီကတည်းက နိုင်ငံရေး အတွေ့အကြုံရှိတာပေါ့။ ကိုယ်လုပ်ပေးနိုင်တာတွေကို ဝင်လုပ်လိုက်လို့ရှိရင် ကိုယ့်ဒေသကို ကျေးဇူးဆပ်ရာ ရောက်တာပေါ့။ ၂ဝ၁၅ ခုနှစ်တုန်းကလည်း တိုင်း ဒေသကြီးမှာ ဝင်ရွေးတာပေါ့။ မနိုင်ခဲ့ဘူး။ အခု ကြားဖြတ်မှာ ဒုတိယ အကြိမ် ပြန်ပြီး ကြိုးစားကြည့်တာပေါ့။ ကိုယ်လုပ်ပေးနိုင်တာတွေကို မဲဆန္ဒရှင်တွေအနေနဲ့ လက်ခံရင် ကောင်းတာပေါ့။ ပါတီရဲ့ ဆုံးဖြတ်ချက်နဲ့ ပြည်သူ့လွှတ်တော်မှာ ထပ်ပြိုင်တာပါ။ လစ်လပ်မဲဆန္ဒနယ် လည်း ရှိတာလည်း ပါတာပေါ့။

၂ဝ၁၇ ကြားဖြတ်ရွေးကောက်ပွဲမှာ ရွေးကောက်ပွဲ အောင်နိုင်ရေးအ တွက် အဓိကလိုအပ်ချက်က ဘာဖြစ်မလဲ။
အောင်နိုင်ရေးအတွက်ကတော့ ပြည်သူတွေက ကိုယ့်ကို ယုံ ကြည်စိတ်ချဖို့ပေါ့။ ဒါက အရေးအကြီးဆုံးပဲ။ အခုအချိန်မှာ ပြည် သူတွေအားလုံးက ကြည့်နေတာပါ။ အခုကလည်း လွှတ်တော်က ပြီးခဲ့တဲ့ တစ်ကြိမ်ရယ်။ အခုက တစ်နှစ်ပဲရှိသေးတယ်။ ဒီမှာက လည်း မွန်ပါတီတွေ ဘာတွေရှိတယ်။ ဦးတို့ပါတီကိုတော့ ဗမာပါတီ လို့ပြောတယ်။ အဲဒီတော့ လူတွေက ဟိုပါတီလိုလို ဒီပါတီလိုလိုနဲ့ ဖြစ်နေကြတာ။ အခုမှ ဘယ်လိုပါတီမျိုးလဲ။ ဘယ်လိုမူဝါဒတွေ ရှိ တယ်။ ဘာတွေ လုပ်နေလဲဆိုတာ ရေးရေးလေး ပေါ်လာတာ။ အရင် တုန်းကတော့ တစ်ယောက်ယောက်က လိမ်ရင် လိမ်သလို ပါသွား တာ။ ပါတီစုံ ဒီမိုကရေစီဆိုတာလည်း အခုမှ ပေါ်လာတာဆိုတော့။ တကယ်ပြောနိုင်တဲ့လူ၊ တကယ်လိမ်နိုင်တဲ့လူက ရသွားတာပေါ့။ အခုအချိန်မှာတော့ တဖြည်းဖြည်း နားလည်လာတာပေါ့။ ပြည်သူ တွေက ကိုယ်စားလှယ်ဆိုတာ သူတို့ကိုယ်စား သွားလုပ်ပေးနေတယ် ဆိုတာကို နားလည်လာတာ။

ဦးအောင်ကြည်သိန်းအနေနဲ့ ရွေးကောက်ပွဲရလဒ်ကိုရော ဘယ်လို မျှော်လင့်ထားသလဲ။

ဦးအနေနဲ့ကတော့ နိုင်မယ်လို့ မျှော်လင့်ထားတာပဲ။ အဓိက ကတော့ ပြည်သူတွေအပေါ်မှာပဲ မူတည်တာပေါ့။


၂ဝ၁၇ ကြားဖြတ်ရွေးကောက်ပွဲက လက်ရှိအစိုးရရဲ့ ပထမဆုံး ရွေး ကောက်ပွဲဖြစ်တယ်။ ဒီရွေးကောက်ပွဲအပေါ်မှာရော ဦးအောင်ကြည် သိန်းအနေနဲ့ ဘယ်လို သုံးသပ်ပါသလဲ။
အခုရွေးကောက်ပွဲက ကော်မရှင်ကလည်း ရွေးကောက်ပွဲ မဲ ဆွယ်တာနဲ့ပတ်သက်ပြီးတော့ သင်တန်းပေးတာတွေ ရှိတယ်။ သူ တို့ရဲ့ အစီအစဉ်တွေကို ကြည့်ခြင်းအားဖြင့် စနစ်ကျတယ်လို့ပဲ ပြော ရမယ်။ အရင်တုန်းကဆိုရင် ပြောကြတယ်။ အဲဒီကောင်တွေ မဲခိုး လိမ့်မယ်။ ဘာညာပြောကြတယ်။ အဲဒီပြောတဲ့ ကောင်ကပဲ မဲခိုး နေတာ။ အခုက အရင်တုန်းကလို မဖြစ်နိုင်တော့ပါဘူး။ ရွေးကောက် ပွဲနဲ့ ပတ်သက်ပြီးတော့လည်း ကော်မရှင်ကနေ သင်တန်းတွေ ဆက် တိုက်ပေးနေတာတွေလည်း ရှိတယ်။ ဒါတွေက ကောင်းတဲ့လက္ခဏာ တွေပါ။

ကြားဖြတ်ရွေးကောက်ပွဲနဲ့ ပတ်သက်ပြီးတော့ ဘာများ အကြံပြုချင် ပါသလဲ။
ချောင်းဆုံမှာဆိုရင် လူမျိုးရေးတွေ၊ ဘာသာရေးတွေနဲ့ ပတ် သက်ပြီး ပရိုဂျက်တာတွေနဲ့ ထိုးပြတာတွေရှိတယ်။ ကော်မရှင်အ နေနဲ့လည်း နေ့ခင်းဘက်တွေ မဟုတ်ဘူး။ ညဘက်တွေမှာပါ မြေပြင် ကို သေသေချာချာလေး လုပ်ပေးနိုင်ရင် ကောင်းတာပေါ့။ အပုပ် ချတာမျိုးတွေကို မြေပြင်အထိဆင်းပြီး ကိုင်တွယ်စေချင်တာပေါ့။ တာဝန်ရှိတဲ့ လူတွေက ထိန်းလိုက်ရင် ဘယ်သူမှ တိုင်စရာမလိုတော့ ဘူး။ ရွေးကောက်ပွဲမှာ ကိုယ်ရှုံးပြီးမှ ကိုယ်တိုင်မှ ကိုယ်ပြန်ရရင် ဦးတို့ အနေနဲ့ ရှက်တယ်။ ဦးအနေနဲ့ကတော့ ဘယ်တော့မှာလည်း မတရား မလုပ်ဘူး။ တိုင်လည်း မတိုင်ဘူး။ လုပ်တယ် မလုပ်ဘူးဆိုတာကို သေသေချာချာလည်း ကော်မရှင်အနေနဲ့ စိစစ်ပေးရင်တော့ ကောင်း တာပေါ့။ ဒါကလည်း နေ့ဘက်ရော ညဘက်ရော ပြောတာနော်။ နေ့ဘက်ကြည့်ပြီး ညဘက်မကြည့်ရင်လည်း မဟုတ်ပြန်ဘူး။ မဲ ရေ တွက်တဲ့ နေရာတို့၊ မဲပေးတဲ့ အခါမှာတို့ သေသေချာချာလေး ညွှန် ကြားချက်ပေးရုံတင် မဟုတ်ဘဲနဲ့ မြေပြင်မှာပါ စိစစ်ပေးစေချင်တယ်။


အခုလိုဖြေကြားပေးတဲ့အတွက် ကျေးဇူးတင်ပါတယ်။    

Rate this item
(1 Vote)
Login to post comments
back to top
adv

adv

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616