ရန်ကုန်၊ အောက်တိုဘာ ၉

 

ရန်ကုန်-မန္တလေးအမြန်လမ်းတွင် မန်းရွှေမြို့တော် ခရီးသည်တင်ယာဉ်တိမ်းမှောက်မှုဖြစ်ပွားခဲ့ပြီး တစ်ဦးသေဆုံးကာ ၃၅ ဦးဒဏ်ရာရရှိခဲ့ကြောင်း သိရသည်။ အောက်တိုဘာ ၉ ရက် နံနက် ၃ နာရီ ခွဲခန့်တွင် တောင်ငူမြို့နယ်၊ ရန်ကုန်-မန္တလေး အမြန်လမ်းမိုင်တိုင်အမှတ်-၁၅၅/၇ ဖာလုံနှင့် ၁၅၆ အကြား၌ ရန်ကုန်မှ နေပြည် တော်သို့ မတ္တရာမြို့နယ်၊ ရွှေပြည်သာရပ်၊ ရေနံ့သာကျေးရွာနေ ယာဉ်မောင်းကိုဝေ လင်းသူမောင်းနှင်လာသော မန်းရွှေမြို့တော် Express ခရီးသည်တင်ယာဉ်သည် အရှိန်မထိန်းနိုင်ဘဲ လမ်းလယ်ကျွန်းကိုကျော်တက်ပြီး နောက်တစ်ဖက်ယာဉ်ကြောပေါ် ရောက်ရှိတိမ်းမှောက်ခဲ့ကြောင်း အမြန်လမ်း ရဲတပ်ဖွဲ့ဌာနချုပ်ထံမှ စုံစမ်းသိရသည်။

 

ရန်ကုန်၊ အောက်တိုဘာ ၉

 

တရားမဝင် မြန်မာလုပ်သားများအတွက် နှစ်နိုင်ငံအစိုးရထုတ်ပေးနေသည့် အထောက်အထားများကို ဒီဇင်ဘာလကုန် အထိသာ ပြုလုပ်ပေးမည်ဖြစ်ကြောင်း အလုပ်သမားညွှန်ကြားရေးဦးစီးဌာနမှသိရသည်။  ယင်းအပြင် အထောက်အထားထုတ် ပေးရေးစနစ်ကို လာမည့်အောက်တိုဘာ ၁၅ ရက်မှစ၍ Q စနစ်ပုံစံဖြင့် ပြောင်းလဲ ထုတ်ပေးသွားမည်ဖြစ်ကြောင်း အလုပ် သမားညွှန်ကြားရေးဦးစီးဌာန ညွှန်ကြား ရေးမှူးချုပ်ဦးဝင်းရှိန်က ဒီမိုကရေစီတူ ဒေးသို့ ပြောသည်။

 

 

ရန်ကုန်၊ အောက်တိုဘာ ၈

 

မန္တလေး-မူဆယ်ပြည်ထောင်စုလမ်းမကြီးပေါ် မိုင်တိုင်အမှတ် ၁၉၄ မိုင် ၃ ဖာလုံရှိ မိုင်းလီကျေးရွာအနီး မသင်္ကာဖွယ်ရပ်တန့်ထားသည့် Dyna  ခြောက်ဘီးကားပေါ်မှ ငွေကျပ်သိန်း ၁၃ဝ တန်ဖိုးရှိ တရားမဝင်သစ်များကို အောက်တိုဘာ ၇ ရက်က ဖမ်းဆီးရမိခဲ့ကြောင်း အကောက်ခွန်ဦးစီးဌာနမှသိရသည်။  မန္တလေးမှ မူဆယ်သို့သွားရောက်မည့် ယာဉ်များအား သတင်းအရ ရေပူအမြဲတမ်းစစ်ဆေးရေးစခန်း ပူးပေါင်းစစ် ဆေးရေးအဖွဲ့မှ စစ်ဆေးမှုများဆောင်ရွက်စဉ် ယင်းသို့ဖမ်းဆီးရမိခဲ့ခြင်းဖြစ်ကြောင်း အကောက်ခွန်ဦးစီးဌာနမှသိရသည်။

 

 

ရန်ကုန်၊ အောက်တိုဘာ ၈

 

ဘင်္ဂလားပင်လယ်အော်တွင် လေဖိအားနည်းရပ်ဝန်းဖြစ်ပေါ်နေကာ ပိုမိုအားကောင်းလာနိုင်ပြီး မုန်တိုင်းငယ်အဖြစ်သို့ရောက်ရှိနိုင်ကြောင်းနှင့် မြန်မာနိုင်ငံအနှံ့အပြားတွင် လာမည့်ရက်အနည်းငယ်အတွင်း မိုးများရွာသွန်းနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

 

ပဲခူး၊ အောက်တိုဘာ ၈

 

ဘုရင့်နောင်မင်းတရားကြီးတည်ထားခဲ့ သော ကမ္ဘောဇသာဒီနန်းတော် မြေနန်းပြာသာဒ်ဆောင် ပြန်လည်တူးဖော်စဉ်တွေ့ရှိခဲ့သော ရှေး ဟောင်းကျွန်းတိုင်လုံးများအား အများပြည်သူလေ့လာသိရှိနိုင်ရန် ပဲခူးမြို့ အဆိုပါမြေနန်းပြာသာဒ် ဆောင်၌ ပြသထားရှိကြောင်း သိရသည်။ အဆိုပါကျွန်းတိုင်များသည် သက္ကရာဇ် ၁၅၅၃ ခုနှစ် ဘုရင့် နောင်မင်းတရားကြီးလက်ထက် ကမ္ဘောဇသာဒီနန်းတော်တည် ဆောက်စဉ်ကအသုံးပြုခဲ့သော ကျွန်းတိုင်ကြီးများဖြစ်ပြီး သက္ကရာဇ် ၁၅၉၉ ခုနှစ်တွင် ဤနန်းတော်ကြီး မီးလောင်ဖျက်ဆီးခံခဲ့ရပြီးနောက် နှစ်ပေါင်းလေးရာကျော် မြေအောက်၌ ကြွင်းကျန်နေခဲ့ခြင်းဖြစ်သည်။

 

ရန်ကုန်၊ အောက်တိုဘာ ၇

 

ဗိုလ်တထောင်-အင်းစိန် Yangon Water Bus  ခရီးစတင်ပြေးဆွဲသည့် ပထမနေ့တွင် စီးနင်းသည့် ခရီးသည်များပြားခဲ့ကြောင်း သိရသည်။ စတင်ပြေးဆွဲခဲ့သည့် အောက်တိုဘာ ၇ ရက် တစ်ရက်လုံးကို အခမဲ့ပြေးဆွဲပေးခဲ့ခြင်းဖြစ်ပြီး ပြေးဆွဲသည့် သင်္ဘောခေါက်ရေတိုင်းတွင်စီးနင်းသည့် ခရီးသည်များအပြည့် ကို သယ်ယူပို့ဆောင်ပေးခဲ့ရကြောင်း Tint Tint Myanmar ကုမ္ပဏီမှ Product Manager ဦးထွန်းနိုင် လင်းက ပြောသည်။

 

မန္တလေး၊ အောက်တိုဘာ ၇

 

မန္တ လေးမြို့၊ ကျုံးအရှေ့ဘက်ပလက် ဖောင်းပေါ်တွင် အရက်ထိုင်သောက်သူသုံးဦးအား ဆိုင်ကယ် ၁ဝ စီးဖြင့် ရောက်ရှိလာသော အမည်မသိလူများက သံတုတ်ဖြင့်ဝင်ရောက်ရိုက်နှက်ရာမှ တစ်ဦးသေဆုံး၍ နှစ်ဦး ဒဏ်ရာရရှိသွားကြောင်းသိရသည်။ 

 

မကွေး၊ အောက်တိုဘာ ၇

 

မကွေးတိုင်းဒေသကြီးအစိုးရအဖွဲ့မှကြီး မှူး၍ဌာနဆိုင်ရာများ၊ စေတနာရှင်များ၏ (၂၂)ကြိမ်မြောက် ဆွမ်းဆန်တော်လောင်းလှူပွဲကို အောက်တိုဘာ ၆ ရက် မွန်းလွဲ ၂နာရီတွင် မြသလွန်စေတီတော်တွင် ကျင်းပခဲ့သည်။ အခမ်းအနားတွင် ''နမောတဿ''သုံးကြိမ်ရွတ်ဆို၍ ဘုရားကန်တော့ဖွင့်လှစ်ခဲ့ပြီး မကွေးမြို့၊ ရာဇမုနိ တောင်ပေါ်ကျောင်းတိုက်၊ မဓာနနာယက၊ နိုင်ငံတော်သြဝါဒါ စရိယဆရာတော် ဘဒ္ဒန္တကေလာသ (မဟာသဒ္ဓမ္မဇောတိကဓဇ)ထံမှ ငါးပါးသီလခံယူ ဆောက်တည်ခြင်း၊ ဆရာတော် သံဃာတော်အရှင်သူ မြတ်တို့ချီးမြှင့်တော်မူသော ပရိတ် တရားတော်များကိုနာယူကြသည်။

Page 4 of 10