မြဝတီ၊ နိုဝင်ဘာ ၃ဝ

 

ဆလိုဗက်ကီးယားနိုင်ငံသူတစ်ဦးနှင့် ကနေဒါနိုင်ငံသားတစ်ဦးသည် ကန့်သတ်နယ်မြေဖြစ်သည့် ကရင်ပြည်နယ် ကြာအင်းဆိပ်ကြီးမြို့နယ်အတွင်းရှိ ကျေးရွာတစ်ရွာသို့သွားရောက်ခဲ့ သောကြောင့် သက်ဆိုင်ရာမှ ၎င်းတို့နှစ်ဦးကိုခေါ်ယူ၍ ခံဝန်ကတိလက် မှတ်ရေးထိုးစေကာ မြန်မာ-ထိုင်း နယ်စပ်ချစ်ကြည်ရေးတံတားမှ ထိုင်းနိုင်ငံ မဲဆောက်မြို့သို့ ပြန်လည်စေ လွှတ်ခဲ့ကြောင်း သိရသည်။

ရန်ကုန်၊ နိုဝင်ဘာ ၃၀

 

ရန်ကုန်တိုင်းဒေသကြီး ပုဇွန်တောင်မြို့နယ်အတွင်းရှိ နှစ်လမ်းမောင်းလမ်းများကို တစ်လမ်းမောင်းစနစ်သို့ပြောင်း လဲသတ်မှတ်မည်ဖြစ်ကြောင်း သိရသည်။ နိုဝင်ဘာ ၃၀ ရက် ရန်ကုန်တိုင်းဒေသကြီး လွှတ်တော်အစည်းအဝေးတွင် ပုဇွန်တောင်မြို့နယ်မဲ ဆန္ဒနယ်အမှတ်(၁) လွှတ်တော် ကိုယ်စားလှယ် ဦးခင်မောင်ဝင်း၏ ပုဇွန်တောင်မြို့နယ်အတွင်းရှိ နှစ်လမ်းမောင်းလမ်းများကို တစ်လမ်း မောင်းစနစ်သို့ ပြောင်းလဲပေးရန် အစီအစဉ်ရှိ၊ မရှိမေးခွန်းနှင့်စပ် လျဉ်း၍ ရန်ကုန်တိုင်းဒေသကြီး လျှပ်စစ်စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာ ကျော်က အထက်ပါအတိုင်း ဖြေ ကြားခဲ့ခြင်းဖြစ်သည်။

လန်ဒန်

 

အရက်သောက်ခြင်းနှင့် စိတ်ခံစားမှုဆိုင်ရာ လေ့လာဆန်းစစ်မှုတစ်ခုတွင် အရက်အမျိုး မျိုးသောက်သုံးက သောက်သုံးသူတို့၏စိတ်ကို မတူကွဲပြားသောနည်းလမ်းများဖြင့် ပြောင်းလဲ စေသည်ဟုသိရသည်။ အရက်က သောက်သုံးသူကို ဒေါသထွက် စေသည် သို့မဟုတ် ငိုစေသည်ဟုဆိုသည်။ ဝိုင်နီ သို့မဟုတ် ဘီယာကမူ သောက်သုံးသူကို စိတ်အပန်းပြေစေသည်ဟု သုတေသီတို့က ပြောကြားခဲ့သည်။

စတော့ဟုမ်း

ဆွီဒင်လေ့လာဆန်းစစ်ရေးအဖွဲ့၏ တွေ့ ရှိမှုအရ အဝလွန်သူအမျိုးသမီးတို့တွင် ဖြစ်ပွားသော ရင်သားကင်ဆာအဖုအကျိတ်မှာ တဖြည်းဖြည်း ကြီးထွားလာမှသာ ရောဂါဖြစ်ပွားကြောင်း သိရှိရသည်ဟုဆိုသည်။ အဝလွန် သူအမျိုးသမီးများအနေနှင့် ရင်သားကင်ဆာ ဖြစ်ပွားနေကြောင်း စောစီးစွာသိရှိရန် မကြာ ခဏ ဓာတ်မှန်ရိုက်ရန် လိုအပ်မည်ဟု သုတေသီတို့က အကြံပြုခဲ့ကြသည်။

ရန်ကုန်

 

မြန်မာနိုင်ငံသို့ ရောက်ရှိနေသည့် ပုပ်ရဟန်းမင်းကြီး ဖရန်စစ်သည် နိုဝင်ဘာ ၂၉ ရက် နံနက်ပိုင်း၌ ရန်ကုန်မြို့ရှိ ကျိုက္ကဆံကွင်းတွင် ဝတ်ပြုဆုတောင်းကာ မစ္ဆားတရား တော် ပူဇော်ခဲ့ပြီး ကမ္ဘာအေးကုန်းမြေရှိ ဝိဇယမင်္ဂလာဓမ္မသဘင်၌ နိုင်ငံတော် သံဃမဟာနာယကဆရာတော်ကြီးများနှင့် တွေ့ဆုံခဲ့ ကြောင်း သိရသည်။

ရန်ကုန်၊ နိုဝင်ဘာ ၂၈

 

တက္ကသိုလ်ဝင်တန်းအဖြေလွှာစစ်ဆေးခြင်းအတွက် အဖြေလွှာစာအုပ်တစ်အုပ်လျှင် ကျပ် ၃ဝဝ အထိတိုးမြှင့် ပေးမည်ဖြစ်ကြောင်းသိရသည်။ ၂ဝ၁၇-၂ဝ၁၈ ပညာသင်နှစ်တွင် လာမည့် ၂ဝ၁၈ ခုနှစ်တက္ကသိုလ်ဝင်တန်းစာမေးပွဲတွင် ဖြေဆိုကြမည့်စာမေးပွဲအဖြေလွှာများကို စစ် ဆေးရမည့်တက္ကသိုလ်မှ ဆရာ၊ ဆရာမများနှင့် အခြေခံပညာအထက်တန်းပြဆရာ၊ ဆရာမများကို အဖြေလွှာစစ်ဆေးခအဖြစ်ကျပ်တစ်ရာဝန်းကျင်ပေးခဲ့ရာမှ လာမည့်နှစ်တွင် အဖြေလွှာစာအုပ်တစ် အုပ်စစ်ဆေးခကို ကျပ် ၃ဝဝ အ ဖြစ်တိုးမြှင့်ပေးမည်ဖြစ်ကြောင်း မြန်မာနိုင်ငံစာစစ်ဦးစီးဌာနမှ သိရသည်။

မန္တလေး၊ နိုဝင်ဘာ ၂၈

 

မန္တလေးတိုင်းဒေသကြီးအစိုးရအဖွဲ့၏ရန် ပုံငွေချထားသည့် ငွေကျပ် ၂၉၆၉ ဒသမ ဝ၈ သန်းဖြင့် ၂ဝ၁၇-၂ဝ၁၈ ဘဏ္ဍာနှစ်အတွက် ကမ်းပါးပြိုကာ ကွယ်ရေးလုပ်ငန်းများကို ကျေးရွာ ၁၂ ရွာတွင် လာမည့်ဒီဇင်ဘာလမှစတင်အကောင်အထည်ဖော်ရာ၌ ပိုမိုခိုင်ခံ့သည့်သံခြင်းအခြေပြု ကျောက်စီရေကာဒီဇိုင်းကို အများ ဆုံးအသုံးပြု၍ ကာကွယ်ပေးသွားမည်ဖြစ်ကြောင်း ရေအရင်းအမြစ် နှင့်မြစ်ချောင်းများဖွံ့ဖြိုးတိုးတက် ရေးဦးစီးဌာနမှ သိရသည်။

ရန်ကုန်၊ နိုဝင်ဘာ ၂၈

 

ရန်ကုန်တိုင်းဒေသကြီး သန်လျင်မြို့နယ် အတွင်းရှိ လက်ယက်စမ်းကျေးရွာတွင် သက်တမ်းနှစ် ၂ဝ ကျော်ရှိ ဇာမဏီဆည်၏တာကျိုးပေါက်မှုကြောင့် လူနေအိမ် ၁၅ဝ ခန့်အ ထိရေနစ်မြုပ်ခဲ့ပြီး ပြည်သူ ၂ဝဝ ခန့်ကို ရေလွတ်ရာသို့ပြောင်းရွှေ့ ခဲ့ရကြောင်းသိရသည်။ နိုဝင်ဘာ ၂၈ ရက်နံနက် ၆ နာရီဝန်းကျင်တွင် ရန်ကုန်တိုင်း ဒေသကြီး၊ သန်လျင်မြို့နယ်၊ ဘုရားကုန်းကျေးရွာအုပ်စု၊ လက်ယက် စမ်းကျေးရွာအနီးရှိ ဇာမဏီဆည် ရေဆိုးတားတာကျိုးပေါက်မှုဖြစ်ပွားခဲ့ရာ ဆည်အနီးပတ်ဝန်းကျင် ပေ ၂ဝဝဝ နီးပါးသို့ ရေများဝင် ရောက်ခဲ့ပြီး လူဦးရေ ၃၅ဝဝ ရှိသည့် လက်ယက်စမ်းကျေးရွာနေ အိမ်အလုံး ၁၅ဝ နီးပါးရေနစ်မြုပ်ခဲ့ ကြောင်း ရေလွတ်ရာသို့နေအိမ် အလုံးငါးဆယ်၊ လူဦးရေ ၂ဝဝ ခန့် ကို ပြောင်းရွှေ့ခဲ့ရကြောင်းဌာနဆိုင်ရာများမှသိရသည်။

Page 6 of 30