Main menu
HOT NEWS
adv
မြန်မာနိုင်ငံ လူ့အခွင့်အရေး ဆိုင်ရာ အထူးအစီရင်ခံစာ တင်သွင်းသူ မစ္စယန်ဟီးလီအား  တာဝန်မှ ရုပ်သိမ်းပေးရန် ကုလသမဂ္ဂ လူ့အခွင့်အရေးကောင်စီထံ တောင်းဆို

မြန်မာနိုင်ငံ လူ့အခွင့်အရေး ဆိုင်ရာ အထူးအစီရင်ခံစာ တင်သွင်းသူ မစ္စယန်ဟီးလီအား တာဝန်မှ ရုပ်သိမ်းပေးရန် ကုလသမဂ္ဂ လူ့အခွင့်အရေးကောင်စီထံ တောင်းဆို

ရန်ကုန်၊ စက်တင်ဘာ ၁ဝ 

မြန်မာနိုင်ငံလူ့အခွင့်အရေးအခြေအနေဆိုင်ရာ အထူးအစီရင်ခံစာတင်သွင်းသူ မစ္စယန်ဟီးလီကို ဘက်လိုက်ပြီး အစီရင်ခံစာ တင်သွင်းသည်ဟုဆိုကာ ရာထူးမှရုပ်သိမ်းပေးရန် အာရှလူ့အခွင့် အရေးဗဟိုအဖွဲ့ (Asian Centre For Human Rights) က ကုလသမဂ္ဂလူ့အခွင့်အရေးကောင်စီဥက္ကဋ္ဌထံ တောင်းဆိုလိုက်ကြောင်း သိရသည်။


အိန္ဒိယနိုင်ငံ နယူးဒေလီအခြေစိုက် အာရှလူ့အခွင့်အရေး ဗဟိုအဖွဲ့မှ ဒါရိုက်တာပါရီတို့(ရ်ှ)ချာကမာက ကုလသမဂ္ဂလူ့အ ခွင့်အရေးကောင်စီဥက္ကဋ္ဌဖြစ်သူ ဂျကွင်းအဲလက်ဇန္ဒာမာဇာမာတီလီထံ မြန်မာနိုင်ငံလူ့အခွင့်အရေးဆိုင်ရာ အထူးအစီရင်ခံစာတင်သွင်းသူ မစ္စယန်ဟီးလီသည် ၎င်း၏တာဝန်အရ အစီရင်ခံစာတင်သွင်းရာတွင် ဓမ္မဓိဋ္ဌာန်မကျဘက်လိုက်တင်သွင်းခြင်းပြုခဲ့ကြောင်း တင်ပြလာခဲ့၍ ပါမောက္ခမစ္စယန်ဟီးလီသည် ကုလ သမဂ္ဂလူ့အခွင့်အရေးကောင်စီမှ တာဝန်ပေးအပ်ခံရသူ တစ်ဦးလိုက်နာရမည့် ကျင့်ဝတ် ၅/၂ အား သိသာထင်ရှားစွာချိုးဖောက်ခြင်းဖြစ်၍ သူမအားပေးအပ်ထားသော မြန်မာနိုင်ငံလူ့အခွင့်အရေးဆိုင်ရာအထူး အစီရင်ခံတင်သွင်းသူအဖြစ် တာဝန်အပ်နှင်းထားခြင်းကိုပြန်လည်ရုပ် သိမ်းပေးရန် စက်တင်ဘာလ ၈ ရက် နေ့စွဲ ဖြင့်ရေးသားထားသောစာမျက် နှာ ၅၁ မျက်နှာပါရှိသည့်စာကိုပေး ပို့ တောင်းဆိုလိုက်ကြောင်း Asian Centre For Human Rights ၏ ဝက်ဘ်ဆိုက်တွင်ဖော်ပြထားသည်။

 

မစ္စယန်ဟီးလီ၏အစီရင်ခံစာတွင် ၂ဝ၁၇ ခုနှစ်သြဂုတ်လ ၃ ရက် နေ့က မြိုလူမျိုးခြောက်ဦး။ သြဂုတ်လ ၂၆ ရက်က မောင်တောမြို့နယ် ကျောင်းဒိုးကျေးရွာတွင် ဒိုင်းနက်လူမျိုးငါးဦးနှင့် မြိုလူမျိုးခုနစ်ဦးတို့ အား ရိုဟင်ဂျာလက်နက်ကိုင် အကြမ်းဖက်သမားများက မတရားသတ် ဖြတ်မှု။ သြဂုတ် ၂၈ ရက်နေ့က မောင်တောမြို့နယ် ခွန်တိုင်းကျေးရွာသို့ဝင် ရောက်တိုက်ခိုက်ကာ အကြမ်းဖက်သမားများကမြန်မာရဲနှင့် အရပ်သားများကိုသတ်ဖြတ်မှုများကို ဖော် ပြမထားခြင်း။ ၂ဝ၁၆ ခုနှစ်အောက်တိုဘာ ၉ ရက်နေ့က မြန်မာ့လုံခြုံရေး တပ်အဖွဲ့များကို အကြမ်းဖက်သမားများက ဝင်ရောက်တိုက်ခိုက်ခဲ့၍မြန်မာလုံခြုံရေးအဖွဲ့ရဲသားကိုးဦးကျဆုံးခဲ့ရမှု။ ၂ဝ၁၇ ခုနှစ် သြဂုတ်လ ၂၅ ရက်နေ့က နယ်စပ်မြန်မာရဲကင်း ၃ဝ အား တစ်ပြိုင်နက်ဝင်ရောက် တိုက်ခိုက်ခဲ့၍မြန်မာရဲသား ၁ဝ ဦး။ စစ်သားတစ်ဦးနှင့်လူဝင်မှုကြီးကြပ် ရေးအရာရှိတစ်ဦးတို့သေဆုံးခဲ့ရမှုတွင် ရိုဟင်ဂျာနှင့်မိတ်ဖက်အဖွဲ့အ စည်းများလက်ချက်ကြောင့် ဖြစ်ရသည်ကို အစီရင်ခံစာတွင်ဖော်ပြမထားခဲ့ချေ။ မစ္စယန်ဟီးလီသည် အစီ ရင်ခံစာတစ်လျှောက်လုံးတွင်''ရိုဟင်ဂျာအကြမ်းဖက်အဖွဲ့အစည်း'' ဟု လုံးဝသုံးစွဲမဖော်ပြခဲ့ခြင်းများသည် သူမ၏ဓမ္မဓိဋ္ဌာန်မကျသော ဘက် လိုက်မှုများတွင်ပင်ဖြစ်သည်ဟု မစ္စတာပါရီတို့(ရှ်)ချာကမာ၏တောင်းဆိုချက်စာတွင်ဖော်ပြထားသည်။


သို့ဖြစ်၍ မြန်မာနိုင်ငံလူ့အခွင့်အရေးဆိုင်ရာအထူးအစီရင်ခံ စာတင်သွင်းသူမစ္စယန်ဟီးလီသည် ကုလသမဂ္ဂမှ အပ်နှင်းထားသောလိုက်နာရမည့် ကျင့်ဝတ်များအား သိသာထင်ရှားစွာချိုးဖောက်ခြင်း ဖြစ်၍သူမအား အပ်နှင်းထားသော တာဝန်မှပြန်လည်ရုပ်သိမ်းပေးရန် တောင်းဆိုပါသည်ဟူ၍ အထောက် အထားသတင်းများကိုပါ နောက်ဆက်တွဲအဖြစ်ပူးတွဲထည့်သွင်းတင် ပြခဲ့လေသည်။ လူ့အခွင့်အရေးအဖွဲ့အာရှစင်တာသည် အာရှဒေသများအတွင်း လူ့အခွင့်အရေးနှင့်အခြေခံလွတ်လပ်ခွင့်များတိုးတက်ခိုင်မာရေးအတွက်ဆောင်ရွက်နေသော NGO အဖွဲ့အစည်းတစ်ခုဖြစ်ကာ အိန္ဒိယနိုင်ငံနယူးဒေလီတွင် ရုံးအခြေစိုက်ဖွင့်လှစ်ထားသည်။

 

Ref;UN(HRC)

#democracytoday

Rate this item
(0 votes)
M ဘွယ်

M-Bwel (Online Editor)

Login to post comments
back to top

620 200

620 200 2

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616

For Information - 09 400471100 , 09 964010191