နေပြည်တော်၊ ဒီဇင်ဘာ ၂

တရုတ်ပြည်သူ့သမ္မတနိုင်ငံ ပေကျင်းမြို့၌ အလုပ်သဘာချစ်ကြည်ရေးခရီး ရောက်ရှိ နေသည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သည် ယနေ့ ညနေပိုင်းတွင် ပေကျင်းမြို့မှ နေပြည်တော်သို့ ပြန်လည်ရောက်ရှိသည်။

International Political

ဘာလင်၊ ဒီဇင်ဘာ ၁


ဂျာမနီဝန်ကြီးချုပ်အိန်ဂျလာမာကယ်နှင့် အဓိကအတိုက်အခံပါတီ ခေါင်းဆောင်မာတင်ရှုဇ်တို့ ညွှန့် ပေါင်းအစိုးရဖွဲ့စည်းနိုင်ရန် စတင် ဆွေးနွေးညှိနှိုင်းနေပြီးဖြစ်ကြောင်း ဒီဇင်ဘာ ၁ ရက် AFP သတင်းကဆိုသည်။ သမ္မတစတိန်းမီးယား၏ စေ့စပ်မှုအရ မာကယ်နှင့်ရှုဇ်တို့သည် ပထမနေ့တွင် နှစ်နာရီကျော်ကြာ တွေ့ဆုံဆွေးနွေးခဲ့ကြသည်။ ဂျာမနီတွင် သမ္မတသည် အဆောင်အ ယောင်ရာထူးမျှသာ ဖြစ်ပြီးအများ က လေးစားသော ဂုဏ်သိက္ခာရှိသည့် ပုဂ္ဂိုလ်ကို ခန့်ထားလေ့ရှိသည်။ ဝန်ကြီးချုပ်မှာ အစိုးရအဖွဲ့ ကို လက်တွေ့ဦးဆောင်သူဖြစ်သည်။

ပေကျင်း၊ ဒီဇင်ဘာ ၁

 

တရုတ်ပြည်သူ့သမ္မတနိုင်ငံ ပေကျင်းမြို့၌ အလုပ်သဘော ချစ်ကြည်ရေးခရီးရောက် ရှိနေသည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ယနေ့ဒေသစံတော်ချိန် နံနက် ၁၁ နာရီ မိနစ် ၂ဝ တွင် တရုတ် ပြည်သူ့သမ္မတနိုင်ငံဆိုင်ရာ မြန်မာသံရုံးသို့ရောက်ရှိပြီး တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီး ဦးသစ်လင်းအုန်း၊ စစ်သံမှူး ဗိုလ်မှူးချုပ်တင့်ဆန်း၊ မြန်မာသံရုံးနှင့် စစ်သံရုံးဝန်ထမ်းများ၊ မိသားစုဝင်များနှင့် တွေ့ဆုံခဲ့သည်။ တွေ့ဆုံစဉ် တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီးက မြန်မာသံရုံး၏ လုပ်ငန်း ဆောင်ရွက်မှုအခြေအနေများကို ရှင်းလင်းတင်ပြရာနိုင်ငံတော်၏အတိုင်ပင်ခံပုဂ္ဂိုလ်က သိရှိလိုသည်များကို မေးမြန်းခဲ့သည်။

နေပြည်တော်၊ ဒီဇင်ဘာ ၁

 

ရခိုင် ဒေသရှိ လူနည်းစုဖြစ်သည့် တိုင်းရင်းသားများအကြမ်းဖက်သမားများ၏ လူမျိုးတုံးသတ်ဖြတ်မှု မခံရအောင် အပြည့်အဝကာကွယ် ပေးသွားမည်ဖြစ်ကြောင်း တပ်မ တော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဒီဇင်ဘာ ၁ ရက် နံနက်ပိုင်းက ပြင်ဦးလွင်မြို့ စစ်တက္ကသိုလ် စစ်ရေးပြ ကွင်း၌ ကျင်းပပြုလုပ်သော စစ်တက္ကသိုလ်ဗိုလ်လောင်း သင်တန်းအမှတ်စဉ်(၅၉)သင်တန်းဆင်း ဂုဏ်ပြုစစ် ရေးပြအခမ်းအနားသို့ တက်ရောက် မိန့်ခွန်းပြောကြားစဉ် ထည့်သွင်းပြောကြားခဲ့သည်။

ရန်ကုန်၊ နိုဝင်ဘာ ၃ဝ

 

ကမ္ဘာပေါ်ရှိ ကတ်သလစ်ဘာသာဝင် သန်းပေါင်း ၁၂ဝဝ ၏ ခေါင်းဆောင်ဖြစ်သော ပုပ်ရဟန်းမင်းကြီး ဖရန်စစ်သည် နိုဝင်ဘာ ၃ဝ ရက် ဒေသစံတော်ချိန် ညနေသုံးနာရီခန့်တွင် ဘင်္ဂလားဒေ့ရ်ှနိုင်ငံသို့ သုံးရက်ကြာခရီးစဉ်အဖြစ် ရောက်ရှိလာသည်။ ဘင်္ဂါလီဒုက္ခသည် ၁၅ ဦးနှင့်လည်း မြို့တော်ဒါကာတွင် တွေ့ဆုံရန် စီစဉ်ထားကြောင်း သိရသည်။

ရန်ကုန်၊ နိုဝင်ဘာ ၃၀

 

ကက်သလစ်ဘာသာဝင် လူငယ်များ ငြိမ်းချမ်းရေးတွင် ပါဝင်လုပ်ဆောင် ကြရန် ပုပ်ရဟန်းမင်းကြီးဖရန်စစ်ကအဓိကထား မိန့်ကြားသွားကြောင်းသိရသည်။ ပုပ်ရဟန်းမင်းကြီးဖရန်စစ်၏ သမိုင်းဝင် မြန်မာပြည်ခရီးစဉ်နောက်ဆုံးနေ့ဖြစ်သော နိုဝင်ဘာ ၃၀ ရက် နံနက်ပိုင်းတွင် ရိုမန်ကက်သလစ်ဘာသာဝင် လူငယ်တစ်သောင်းခန့်နှင့် စိန့်မေရီ ဘုရားကျောင်း၌တွေ့ဆုံခဲ့ပြီး ဝတ်ပြုဆုတောင်း ခြင်းနှင့် လူငယ်မစ္ဆားတရားတော်များဟောပြောခဲ့ ရာ ငြိမ်းချမ်းရေးနှင့်ပတ်သက်ပြီး အဓိကထား ဟောပြောခဲ့ကြောင်း တက်ရောက်သည့်လူငယ်များက ပြောသည်။

ရန်ကုန်၊ နိုဝင်ဘာ ၃၀

 

မြန်မာနိုင်ငံငြိမ်းချမ်းရေးလမ်းစဉ်သည် အခက်အခဲများစွာရှိသည့်အတွက် နိုင်ငံတော်၏အတိုင်ပင်ခံပုဂ္ဂိုလ်နှင့်အတူ မြန်မာနိုင်ငံကက်သလစ်အသင်းချုပ်အနေဖြင့် အပြည့်အဝရပ်တည် နေကြောင်း ဘုန်းတော်ကြီး LIAN KHEN THANG က မိန့်သည်။ နိုဝင်ဘာ ၂၉ ရက်ညပိုင်းက ရန်ကုန်မြို့ ဆူးလေရှန်ဂရီလာဟိုတယ်တွင် ပြုလုပ်သည့် ပုပ်ရဟန်း မင်းကြီးခရီးစဉ်နှင့်ပတ်သက်သော သတင်းစာရှင်းလင်းပွဲ၌ ၄င်းကအထက်ပါအတိုင်း ပြောကြားခဲ့ခြင်းဖြစ်သည်။

ရန်ကုန်

 

လူဝတ်လဲဖမ်းဆီးထားသည့် မကွေး ကျောင်းဆရာတော် ဦးပါမောက္ခအား နိုဝင်ဘာ ၁၁ ရက် နံနက် ၁ဝ နာရီတွေင် ကမာရွတ် မြို့နယ်တရားရုံး၌ တတိယအကြိမ် ရုံးထုတ် စစ်ဆေးခဲ့ကြောင်းသိရသည်။ တရားခွင်တွင် ဦးပါမောက္ခဘက်မှ လျှောက်လဲချက်နှစ်ခုအား တင်ပြခဲ့ပြီး တင်ပြချက်များအား နောက်ရုံးချိန်းတွင် ဆက်လက်ဆုံးဖြတ် ပေးမည်ဖြစ်ပြီး ရုံးချိန်းအား ဒီဇင်ဘာ ၁၂ ရက်သို့ ထပ်မံချိန်းဆိုခဲ့ကြောင်း သိရသည်။

Page 6 of 31