မန္တလေး၊ နိုဝင်ဘာ ၂၉

 

မန္တလေးသာသနာ ၂၅ဝဝ သပိတ်စခန်းမှ အစိုးရအား ဆန့်ကျင်သပိတ်မှောက် သည့် အမှုမှတရားလိုပြသက်သေ ဖြစ်သော ချမ်းမြသာစည်မြို့နယ် ရဲတပ်ဖွဲ့မှူးနှင့် မဟာမြတ်မုနိဘုရား ကြီးဂေါပကအဖွဲ့ဥက္ကဋ္ဌတို့အား ဒီဇင်ဘာ ၆ ရက် နံနက် ၁ဝ နာရီ တွင် မန္တလေးမြို့ ချမ်းမြသာစည်မြို့ နယ်တရားရုံးတွင် ပြန်ခေါ်စစ်ဆေးမည်ဖြစ်ကြောင်း သိရသည်။

နေပြည်တော်၊ နိုဝင်ဘာ ၂၉

 

ပြည် ထောင်စုငြိမ်းချမ်းရေးညီလာခံ(၂၁) ရာစုပင်လုံတတိယအစည်းအဝေး ကျင်းပရေးအတွက် ကြိုတင်ပြင်ဆင် ခြင်း စားပွဲဝိုင်းဆွေးနွေးပွဲကို နေပြည် တော်တွင်စတင်ကျင်းပနေကြောင်း သိရသည်။ နိုဝင်ဘာ ၂၉ ရက်တွင် နေ ပြည်တော်ရှိ အမျိုးသားပြန်လည် သင့်မြတ်ရေးနှင့်ငြိမ်းချမ်းရေးဗဟိုဌာန(NRPC) တွင် အဆိုပါအစည်းအဝေးကို စတင်ကျင်းပနေပြီး နှစ် ရက်တာပြုလုပ်မည်ဖြစ်ကြောင်း သိရသည်။

ရန်ကုန်၊ နိုဝင်ဘာ ၂၈

 

NCA လက်မှတ်ရေးထိုးနိုင်ရေးဆိုင်ရာ ဆွေးနွေးချက်များကို ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC)သို့ တင်ပြသွားမည်ဖြစ်ကြောင်း မွန်ပြည်သစ်ပါတီ ဗဟိုကော်မတီဝင် နိုင်အောင်မငေးကပြောသည်။ UNFC အဖွဲ့ဝင်တစ်ဖွဲ့ဖြစ်သည့် မွန်ပြည်သစ်ပါတီ (NMSP) ဗဟိုကော်မတီအရေးပေါ်အစည်းအဝေးကို နိုဝင်ဘာ ၂၄ ရက်မှ ၂၇ ရက်ထိခေါ်ယူခဲ့ပြီး တစ်နိုင်ငံလုံးအပစ်အခတ်ရပ်စဲရေးစာချုပ် (NCA) တွင် လက်မှတ်ရေးထိုးနိုင်ရေးအတွက် ဆွေးနွေးခဲ့ကြကြောင်း ယင်းဆွေးနွေးချက်များကို UNFC အဖွဲ့ဝင်များထံ တင်ပြဆွေးနွေးခြင်း၊ အကြံပြုချက်ရယူခြင်းများ ပြုလုပ်သွားမည်ဖြစ်ကြောင်း သိရသည်။ အပစ်ရပ်စာချုပ် ထိုးခြင်း၊ မထိုးခြင်းကို UNFC ၏သဘောထားအတိုင်း ဆက်လက်ဆောင်ရွက်သွားမည်ဖြစ်ကြောင်း နိုင်အောင်မငေးက နိုဝင်ဘာ ၂၈ ရက်တွင် ဒီမိုရေစီတူဒေးသို့ပြောသည်။


''ကျွန်တော်တို့က UNFC ရဲ့ အဝန်းအဝိုင်းမှာရှိတော့ UNFC ကိုလည်း နည်းလမ်းတွေကိုဆက်ပြီးတော့ တင်ပြမယ်။ အဖွဲ့ဝင်တွေနဲ့လည်း သွားရောက်ဆွေးနွေးမယ်။ တင်ပြမယ်။ အဲဒီကနေ သဘောတူညီချက်ရပြီးမှပဲ ကျွန်တော်တို့ UNFC  အနေနဲ့ပဲသွားမှာပါ။ ထိုးဖို့၊ မထိုးဖို့ကတော့  UNFC ကိုသွားပြီးတော့ ဆွေးနွေးတင်ပြပြီး အကြံပြု ချက်တွေယူပြီးမှပဲသိရမယ်''ဟု ၎င်းကပြောသည်။ ဗဟိုကော်မတီအရေးပေါ်အစည်းအဝေးကို ရေချောင်းဖျားဒေသ ရှိ ပါတီဗဟိုဌာနချုပ်တွင် ကျင်းပခဲ့ခြင်းဖြစ်ပြီး ဗဟိုကော်မတီဝင်များ တက်ရောက်ဆွေးနွေးခဲ့ကြောင်း သိရသည်။


ယင်းအပြင် နိုဝင်ဘာ ၂၈ ရက် မွန်းလွဲပိုင်းကလည်း မွန်ပြည် နယ်ဝန်ကြီးချုပ် ဒေါက်တာအေးဇံဦးဆောင်သော မွန်ပြည်နယ်အစိုးရ အဖွဲ့နှင့် မွန်ပြည်သစ်ပါတီဒုဥက္ကဋ္ဌ နိုင်ဟံသာဦးဆောင်သော မွန်ပြည်သစ်ပါတီတို့ ရေးမြို့နယ်၊ ပုပ္ဖဝတိကျေးရွာရှိ ကျိုက်ဒေတမော့ ဗရတ်သာသနာ ပြုနယ်မြေ၊ ကိုရင်လေးကျောင်းတွင် ၁ နာရီကျော်ကြာ အလွတ်သဘော တွေ့ဆုံခဲ့ပြီး NCA လက်မှတ်ရေးထိုးရေးဆိုင်ရာ သဘောထားများကို မွန်ပြည်နယ်အစိုးရသို့ ပြောကြားခဲ့ကြောင်းသိရသည်။ ''အစိုးရအဖွဲ့က ကျွန်တော်တို့အစည်းအဝေးပြီးတော့ ကျွန်တော်တို့ရဲ့ သဘောထားကိုလာမေးတာပါ။ ဘယ်လိုရှိလဲ၊ ဘာလဲဆိုတာကို လာမေးတာပါ''ဟု ၎င်းကပြောသည်။ NCA အားနည်းချက်များကိုလည်း ဗဟိုကော်မတီအစည်းအဝေး၌ ပြန်လည်သုံးသပ်ခဲ့ကြောင်း၊ မွန်ပြည်နယ်ကိုယ်စားပြုပါတီတစ်ခု တည်းဖြစ်ရေး မည်သို့လုပ်ဆောင်သင့်ကြောင်း စသည်တို့ကိုလည်း တစ်ဆက်တည်းဆွေးနွေးခဲ့ကြောင်းသိရသည်။

 

HWA

#democracytoday

ရန်ကုန်၊ နိုဝင်ဘာ ၂၈

 

သီတဂူ ဆရာတော်ကြီးအပါအဝင် ဘာသာ ပေါင်းစုံမှ ခေါင်းဆောင်များ ပုပ်ရဟန်းမင်းကြီးနှင့် လာရောက်တွေ့ဆုံကာ မြန်မာပြည်ငြိမ်းချမ်းရေးအတွက် ဆွေးနွေးခဲ့ကြကြောင်း၊ ပုပ်ရဟန်းမင်းကြီးက မတူကွဲပြား မှုထဲမှာရှိသည့်အင်အားကို အသုံးချနိုင်ခြင်းသည် ညီညွတ်မှုဖြစ်ဟု ပြောကြားခဲ့ကြောင်း သိရသည်။ သီတဂူဆရာတော်၊ မန္တလေးမြို့ မြဝတီမင်းကြီး ဆရာတော်၊ အာရှ အလင်းဆရာတော်နှင့် အခြားဆရာ တော်ကြီးများအပါအဝင် ဘာသာ ပေါင်းစုံမှ ခေါင်းဆောင်များသည် နိုဝင်ဘာ ၂၈ ရက်နံနက်ပိုင်းက ပုပ်ရဟန်းမင်းကြီးတည်းခိုရာ မြန်မာ နိုင်ငံကက်သလစ်ဂိုဏ်းချုပ်ဆရာ တော်ကြီးကျောင်းသို့သွားရောက် ကာ ပုပ်ရဟန်းမင်းကြီးဖရန်စစ် အစီစီနှင့် တစ်နာရီကျော်ကြာတွေ့ ဆုံဆွေးနွေးခဲ့ခြင်းဖြစ်သည်။

မြန်မာနိုင်ငံသို့ ကြွရောက်သော ပုပ်ရဟန်းမင်းကြီး ဖရန်စစ် နိုဝင်ဘာ(၂၈)ရက်နေ့က နေပြည်တော်၊ မြန်မာအပြည်ပြည်ဆိုင်ရာ ကွန်ဗင်းရှင်းစင်တာ (၂)တွင် အစိုးရအဖွဲ့ဝင်များ၊ လူမှုအဖွဲ့အစည်းများနှင့် သံတမန်အမှုထမ်းများအားပြောကြားသည့် မိန့်ခွန်းအပြည့်အစုံကိုဖော်ပြပါသည်။

 

နိုင်ငံတော်၏ အတိုင်ပင်ခံပုဂ္ဂိုလ်
လေးစားရပါသော အစိုးရအဖွဲ့ဝင်များ
ရဟန်းအမတ်နှင့် ညီအစ်ကိုဆရာတော်များ
ဂုဏ်သရေရှိ သံတမန်အဖွဲ့ဝင်များ
ဧည့်သည်တော်များခင်ဗျာ......


မြန်မာနိုင်ငံသို့ကြွရောက်လာရန် ဖိတ်ကြားသည့်အတွက် ကျေးဇူးတင်ရှိပါသည်။ လှိုက်လှဲပျူငှာသော စကားပြောကြားခဲ့သည့် နိုင်ငံတော်၏အတိုင်ပင်ခံပုဂ္ဂိုလ်အားလည်း ကျေးဇူးတင်ပါသည်။ ဤခရီးစဉ်ဖြစ်မြောက်ရေးအတွက် စွမ်းစွမ်းတမံစီစဉ်ဆောင်ရွက်ပေးသူများအားလုံးကိုလည်း အထူးကျေးဇူးတင်ပါသည်။ လူနည်းစု ဖြစ်သော်လည်း စိတ်အားထက်သန်သည့် ကက်သလစ်ခရစ်ယာန်ဘာသာဝင်များနှင့်အတူဆုတောင်းရန် သူတို့၏ယုံကြည်ခြင်း၌ တည်ကြည်ခိုင်မြဲစေရန်နှင့် နိုင်ငံတော်ဖွံ့ဖြိုးရေးအတွက် ကြိုးပမ်း ဆောင်ရွက်နေကြသည် သူတို့၏ကြိုးစားအားထုတ်မှုကို ခွန်အား ဖြည့်ပေးရန် ကျွန်ုပ်ရည်ရွယ်၍ လာရောက်ရခြင်းဖြစ်ပါသည်။ မြန်မာနိုင်ငံနှင့် ဗာတီကန်တို့အကြား တရားဝင်သံတမန်ဆက်သွယ် ရေးထူထောင်ပြီးများမကြာမီ လာရောက်ခွင့်ရတဲ့အတွက်လည်း အလွန်ပင်ဂုဏ်ယူဝမ်းမြောက်မိပါသည်။ တိုင်းပြည်၏ အခြေခံအဆောက်အအုံကိုပြန်လည်ဆန်းသစ်ရန် အားစိုက်ထုတ်နေရသော် ငြားလည်း ဤကဲ့သို့သံတမန်ထူထောင်ခြင်းသည် နိုင်ငံတကာအသိုင်းအဝိုင်းထဲတွင် ဆွေးနွေးညှိနှိုင်းခြင်းနှင့် ပူးပေါင်းဆောင်ရွက်ခြင်းတို့ကို လုပ်ဆောင်ရန်မြန်မာနိုင်ငံ၏ ခိုင်မာသောစိတ်အားထက်သန်မှုကိုပြသနေသည့်သင်္ကေတအဖြစ် ကျွန်ုပ်မှတ်ယူလိုပါသည်။

နေပြည်တော်၊ နိုဝင်ဘာ၂၇

 

နေပြည် တော် လွှတ်တော်အဆောက်အအုံကို ဒရုန်းဖြင့်ရိုက်ကူးရန်ကြိုးပမ်းရာမှ တရားစွဲခံထားရသူလေးဦးအနက် ပြည်ပနိုင်ငံသားနှစ်ဦးကို လူဝင်မှုကြီးကြပ်ရေးဥပဒေပုဒ်မဖြင့် ထပ်မံတရားစွဲလိုက်ကြောင်းသိရသည်။ နေပြည်တော်ရှိလွှတ်တော် အဆောက်အအုံကို ဒရုန်းဖြင့်ရိုက် ကူးရန်ကြိုးပမ်းသူ တူရကီအခြေစိုက် TRT သတင်းဌာမှ ဂျာနယ်လစ်နှစ်ဦး၊ စကားပြန်တစ်ဦးနှင့် ယာဉ်မောင်းတို့အား သွင်းကုန်ထုတ်ကုန်ဥပဒေ ပုဒ်မ ၈ ဖြင့် နေပြည်တော်ဇမ္ဗူသီရိ မြို့နယ်တရားရုံး၌ နိုဝင်ဘာ ၂၇ ရက်က ရုံးထုတ်စစ်ဆေးခဲ့သည်။

နေပြည်တော်၊ နိုဝင်ဘာ ၂၇

 

“ကျွန်မတို့ဟာ ငြိမ်းချမ်းရေးကို ငြိမ်းချမ်းတဲ့နည်းနဲ့ ဖြေရှင်းတဲ့နည်းဟာ လွယ်ကူတဲ့ ကိစ္စမဟုတ်ပါဘူး။ လက်နက်ကိုင်အဖွဲ့အစည်းတွေကဆိုလို့ရှိရင် စစ်မြေပြင်မှာ လိုအပ်တာက ရုပ်ပိုင်းဆိုင်ရာ သတ္တိပဲဆိုတာ အားလုံးသိကြပါတယ်။ ကျွန်မတို့ ငြိမ်းချမ်းရေးဖြစ်စဉ် အစည်းအဝေးတွေမှာ လိုအပ်တာက တော့ စိတ်ပိုင်းဆိုင်ရာ သတ္တိပဲဖြစ်ပါတယ်။ တိုတိုပြောရမယ်ဆိုရင် ရုပ်ပိုင်းဆိုင်ရာသတ္တိဆိုတာ ရန်သူကို ရင်ဆိုင်ရဲတဲ့ သတ္တိ၊ စိတ်ပိုင်းဆိုင်ရာ သတ္တိဆိုတာ ကိုယ့်ကိုယ်ကိုယ် ရင်ဆိုင်ရဲတဲ့ သတ္တိပဲဖြစ်ပါတယ်။ ကျွန်မတို့ အားလုံးဟာ ငြိမ်းချမ်းရေးအတွက် လိုအပ်တဲ့မှန်ကန်တဲ့ အဖြေတွေကိုရှာရဲတဲ့ သတ္တိရှိရပါမယ်” ဟု နိုင်ငံတော်၏ အတိုင်ပင်ခံ ပုဂ္ဂိုလ်က ယနေ့  ပြောကြားခဲ့သည်။

ရန်ကုန် ၊ နိုဝင်ဘာ ၂၇

 

ပြည်ထောင်စု ငြိမ်းချမ်းရေး ညီလာခံ-(၂၁) ရာစု ပင်လုံ တတိယ အစည်းအဝေးကို ၂၀၁၈ ခုနှစ် ၊ ဇန်နဝါရီလ နောက်ဆုံးသီတင်းပတ်တွင် ကျင်းပရန် ယနေ့ ပြုလုပ်သော ၆ ကြိမ်မြောက် JICM အစည်းအဝေးတွင် ဆုံးဖြတ်ခဲ့ကြောင်း သိရသည်။

Page 7 of 31