Main menu
HOT NEWS
adv
မြိုင်ကြီးငူ စစ်ဘေးရှောင် စခန်းတွင် စားနပ်ရိက္ခာ ပြတ်လပ်၊ ဆန်တစ်မျိုးတည်းသာ ကျန်ရှိတော့ကြောင်း သိရ

မြိုင်ကြီးငူ စစ်ဘေးရှောင် စခန်းတွင် စားနပ်ရိက္ခာ ပြတ်လပ်၊ ဆန်တစ်မျိုးတည်းသာ ကျန်ရှိတော့ကြောင်း သိရ

ဧပြီ ၂၀ 

ကရင်ပြည်နယ်၊ လှိုင်းဘွဲ့မြို့နယ်၊ မြိုင်ကြီးငူ အထူးဒေသတွင် ယခင်နှစ် သြဂုတ်လအတွင်းက ဖြစ်ပွားခဲ့သည့် မဲ့သဝေါဒေသတိုက်ပွဲကြောင့် စစ်ဘေးရှောင်ကာ လာရောက်ခိုလှုံနေကြသည့် ဒေသခံပြည်သူ ၅,၀၀၀ထောင်ကျော်မှာ ဧပြီလမှစ၍ စားနပ်ရိက္ခာများ ပြတ်လပ်မှုနှင့် စတင်ကြုံတွေ့နေရကာ လက်ရှိ စစ်ဘေးရှောင်စခန်းတွင် ဆန်တစ်မျိုးတည်းသာ ကျန်ရှိသည်ဟု စခန်းတာဝန်ရှိသူများက ပြောသည်။

 

၎င်းစစ်ပြေးရှောင်စခန်း ရိက္ခာဂိုဒေါင်တာဝန်ခံ နော်တင်လှက “ကျွန်မတို့မှာ စားစရာဆိုလို့ ဆန်တစ်မျိုးပဲရှိတော့တယ်။ အခြားဘာမှမရတော့ဘူး။ မတ်လတုန်းက စပြီးပြတ်တာအစက ထမင်းနဲ့ဆားနဲ့ရတယ်။ အခုက ဆားတောင်မရှိတော့ဘူး။ ထမင်းတစ်မျိုးပဲ ရတော့တယ်။ အပြင်အလုပ်အကိုင်လည်းမရှိ၊ ထောက်ပံ့မှုတွေမရှိ၊ ပြန်လို့လည်းမရ ကျွန်မတို့တွေ ဘယ်လိုနေရတော့မလဲ။ ဘယ်မှာ အကူအညီသွားတောင်းရမလဲ။ စိတ်ဓာတ်တွေကျကုန်ပြီး ဘာမှမပြောချင်တော့ဘူး”ဟု ပြောသည်။ စစ်ဘေးရှောင်ဒုက္ခသည်များအတွက် ထိုသို့ အကူအညီများ နည်းပါးလာသလို မိမိတို့ နေရပ်ပြန်ရန်မှာလည်း နေအိမ်များ မီးရှို့ဖျက်ဆီးခံထားရခြင်း၊ မြေမြုပ်မိုင်းများ မရှင်းလင်းနိုင်သေးခြင်းတို့ကြောင့် နေရပ်ပြန်ရန် ခက်ခဲနေသည်ဟု စခန်းအတွင်းရေးမှူး စောအောင်ဝင်းထွန်းက ပြောသည်။

 

၎င်းက “စခန်းမှာ စားစရာ ဆန်ကလွှဲပြီး တစ်ခြားဘာမှမရှိတော့ဘူး။ ဘယ်အဖွဲ့အစည်းမှ မလာတော့ဘူး။ အစိုးရဘက်ကလည်း မလာတော့ဘူး။ နေရပ်ပြန်ဖို့လည်း ပြန်လို့မရသေးဘူး။ အိမ်တွေလည်း မီးရှို့ဖျက်ဆီးခံရတယ်။ မြေမြုပ်မိုင်းတွေ ဘယ်သူမှ မထုတ်ပေးဘူး။ ကျွန်တော်တို့ ဘဝက ပြန်ရင် တစ်ကနေပြန်စရမယ်။ အခြေအနေကောင်းရင် ကျွန်တော်တို့ အားလုံးပြန်ချင်ကြပါတယ်”ဟု စောအောင်ဝင်းထွန်းက ပြောသည်။ ပြည်နယ်အဆင့် ပစ်ခတ်တိုက်ခတ်မှုရပ်စဲရေး ပူးတွဲစောင့်ကြည့်ရေးကော်မတီ JMC-s အဖွဲ့ဝင် နန်းစေအွာက အဆိုပါစစ်ဘေး ရှောင်များ၏ နေအိမ်များမီးရှို့ဖျက်ဆီးခံထားရသည်ကိုတွေ့ရပြီး လတ်တလောတွင် စောင့်ကြည့်ရေးအတွက်သာ တာဝန်ရှိသည့်အတွက် ကူညီရန်မတတ်နိုင်သေးသော်လည်း မိမိလူမျိုးအား ကူညီပေးလိုသည့်ဆန္ဒ အပြည့်အဝရှိသည်ဟု ပြောသည်။

 

မြိုင်ကြီးငူ-မဲ့သဝေါဒေသတွင် ပြီးခဲ့သည့် ၂၀၁၆ ခုနှစ်၊ သြဂုတ်လအတွင်း အစိုးရတပ်၊ ပြည်နယ် နယ်ခြားစောင့်တပ်နှင့် ခွဲထွက် DKBA တို့အကြား တိုက်ပွဲဖြစ်ပွားခဲ့ကာ ဒေသခံ ၇၀၀၀ကျော် နေရပ်စွန့်ခွာ ထွက်ပြေးခဲ့ရသလို အများစုမှာ မြိုင်ကြီးငူဒေသရှိ စစ် ဘေးရှောင်စခန်းများတွင် ယခုအချိန်ထိ တိမ်းရှောင်ခိုလှုံနေရခြင်းဖြစ်သည်။

 

 

နန်းဝေဖြိုးဇာ

#Karen Share

Rate this item
(0 votes)
M ဘွယ်

M-Bwel (Online Editor)

Login to post comments
back to top
adv

adv

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616