Main menu
HOT NEWS
adv
ရခိုင်ပြည်နယ် လွှတ်တော် ဒုတိယဥက္ကဋ္ဌ အစာအိမ် ကင်ဆာရောဂါဖြင့် စစ်တွေမြို့၌ ကွယ်လွန်

ရခိုင်ပြည်နယ် လွှတ်တော် ဒုတိယဥက္ကဋ္ဌ အစာအိမ် ကင်ဆာရောဂါဖြင့် စစ်တွေမြို့၌ ကွယ်လွန်

စစ်တွေ၊ ဇွန် ၁၈

ရခိုင်ပြည်နယ် လွှတ်တော်ဒုတိယဥက္ကဋ္ဌ ဦးဖိုးမင်းသည် ဇွန် ၁၇ ရက် ည ၉ နာရီ ၁၅ မိနစ်တွင် အစာအိမ်ကင်ဆာရောဂါ ဖြင့် စစ်တွေမြို့၊ ဝန်ကြီးများအိမ်ရာရှိ နေအိမ်၌ကွယ်လွန်သွားခဲ့ကြောင်း ၎င်း၏မိသားစုဝင်များထံမှသိရသည်။ ''အစာအိမ်ကင်ဆာဖြစ်နေတာကို အော်ပရေးရှင်းလုပ်ထားတာ တစ်နှစ်လောက်ရှိပါပြီ။ အဲဒါကို အခု ဆေးသွင်းတဲ့အခါကျတော့ အဲဒီရောဂါနဲ့ပဲ ဆုံးသွားတာဖြစ်ပါတယ်''ဟု ဦးဖိုးမင်း၏ညီဖြစ်သူ ဦးသာထွန်းလှက ဇွန် ၁၈ ရက်တွင် ပြောကြားသည်။


ဦးဖိုးမင်းသည် ၂ဝ၁၅ အထွေထွေရွေးကောက်ပွဲတွင် ရခိုင်တိုင်းရင်းသားများတိုးတက်ရေးပါတီ(RNDP)နှင့် ရခိုင်ဒီမိုကရေစီအဖွဲ့ချုပ်ပါတီ (ALD) တို့ပူးပေါင်းထားသည့် ရခိုင်အမျိုးသားပါတီ(ANP)ကိုယ်စားပြုကာ ရသေ့တောင် မြို့နယ်မဲဆန္ဒနယ်မှ ဝင်ရောက်ယှဉ် ပြိုင်ခဲ့ရာ အနိုင်ရရှိခဲ့ပြီး ရခိုင်ပြည်နယ်လွှတ်တော်တွင် ဒုတိယဥက္ကဋ္ဌအဖြစ် ရွေးချယ်တင်မြှောက်ခြင်းခံခဲ့ရသူဖြစ်သည်။ ''ဦးဖိုးမင်းဟာ ALP ရခိုင်ပြည် လွတ်မြောက်ရေးပါတီကို ဗိုလ်ချုပ်ခိုင်မိုးလင်းနဲ့ စတင်တည်ထောင်သူ တစ်ယောက်ဖြစ်ပါတယ်။ ရခိုင်မှာ နိုင်ငံရေးစင်မြင့်တစ်ခု၊ နိုင်ငံရေးပါတီတစ်ခုလိုအပ်တယ်ဆိုပြီး RNDP ပါတီကို စတင်ဖွဲ့စည်းခဲ့ရာမှာ အဓိကပါဝင်ခဲ့တဲ့ ဖောင်ဒါတစ်ယောက် လည်းဖြစ်ပါတယ်''ဟု ရခိုင်အမျိုးသား ပါတီအထွေထွေအတွင်းရေးမှူး ဦးထွန်းအောင်ကျော်က ပြောသည်။


ဦးဖိုးမင်းသည် ဘူးသီးတောင်မြို့နယ် စပါးထား ကျေးရွာဇာတိဖြစ်ပြီး ၂ဝ၁ဝ ခုနှစ်တွင် ရသေ့တောင် မြို့နယ်မဲဆန္ဒနယ်မှ ရခိုင်တိုင်းရင်း သားများတိုးတက်ရေးပါတီ(RNDP) ကိုယ်စားပြုဝင်ရောက်ယှဉ်ပြိုင်ခဲ့သည့် ပြည်နယ်လွှတ်တော်ကိုယ်စားလှယ်တစ်ဦးဖြစ်ခဲ့သည်။  ဦးဖိုးမင်းကွယ်လွန်ချိန်တွင် အသက် (၇၁) နှစ်ရှိပြီးဇနီးဖြစ်သူ ဒေါ်စောနုဝေနှင့်အတူ သားသမီး ခြောက်ဦးကျန်ရစ်ခဲ့ကာြ<ွကင်းကျန် ရစ်သည့် ရုပ်ကလာပ်ကို ဇွန် ၁၉ ရက်တွင် စစ်တွေ၌ သင်္ဂြိုဟ်သွားမည်ဖြစ်သည်။

 

GC

#democracytoday

Rate this item
(0 votes)
Login to post comments
back to top
adv

adv

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616