HIGHLIGHT NEWS
Main menu

Article [-- ဆောင်းပါများ ကဏ္ဍ --]

ဇာတ်ပျက် ဗျူရိုကရက်ကြီးများခေတ်

ဇာတ်ပျက် ဗျူရိုကရက်ကြီးများခေတ်

မြတ်လှိုင်း

--------------

ကျွန်တော်တို့နိုင်ငံမှာ နှစ်ပေါင်းရှည်ကြာခဲ့တဲ့ စစ်အာဏာရှင်စနစ်နဲ့အတူ ဇာတ်ပျက်အာဏာရှင်ဗျူရိုကရက်တွေလဲ အပြိုင်းအရိုင်း ပေါ်လာခဲ့ပါတယ်။ စစ်အာဏာရှင်စနစ်ရဲ့ အာဏာရှင် ဗိုလ်ချုပ်ကြီး/ငယ် တွေက တိုင်းပြည်အာဏာကိုရော၊ တိုင်းပြည်ဘဏ္ဍာတွေကိုပါ အဓမ္မဓားပြတိုက်ပြီး ရသမျှအကုန်ယူခဲ့သလို ဇာတ်ပျက်ဗျူရိုကရက်ကြီး တွေကလဲ ရသမျှယူခဲ့ကြတယ်။ ဇာတ်ပျက် ဗျူရိုကရက်ကြီးတွေနဲ့ ခရိုနီတွေ ပူးပေါင်းလုပ် ကြံခဲ့ကြလို့ မြန်မာပြည်ဟာ အဆင်းရဲဆုံးနိုင်ငံ ဖြစ်ခဲ့ရပါတယ်။ မြန်မာပြည် အဆင်းရဲဆုံးနိုင်ငံ ဖြစ်ပေမယ့် စစ်အာဏာရှင်ကြီးတွေ၊ ဇာတ်ပျက် ဗျူရိုကရက်ကြီးတွေ၊ ခရိုနီတွေကတော့ တစ် သက်စားမကုန်နိုင်အောင်ချမ်းသာသွားကြ ပါတယ်။

အခု နှစ်ပေါင်း ၇ဝ နီးပါးအရောက်မှာ စစ်အာဏာရှင်စနစ်က ကျဆုံးသွားပြီလို့ ပြောလို့ရနိုင်ပါတယ်။ စစ်အာဏာရှင်လောင်းရိပ်ကတော့ လွှမ်းမိုးနေတုန်းပါ။ စစ်အာဏာရှင် စနစ်ပျက်စီးသွားပေမယ့် ဇာတ်ပျက်ဗျူရိုကရက် တွေကတော့ နေရာတိုင်းမှာ ရှင်သန်နေတုန်း ပါပဲ။ ပြောင်းလဲနေတဲ့ ဒီမိုကရေစီစနစ် ခေတ်အသွင်ကူးပြောင်းရေးကာလအတွက် အခက် အခဲတွေ နေရာပေါင်းစုံမှာ ဖြစ်နေကြရပါတယ်။ တိုင်းပြည်အတွက်လည်း နစ်နာဆုံးရှုံးမှုတွေ ရှိနေသလို ပြည်သူတွေအတွက်လည်း ခက်ခဲမှု တွေ ကြုံတွေ့နေရတုန်းပါ။ အခုသတင်းတွေထွက်ပေါ်နေတာက စက်သုံးဆီတွေကို အစိုးရစက်သုံးဆီဖြန့်ဖြူး ရေးတွေကနေ မတ်လကုန်မှာ မဖြန့်ဖြူးခိုင်း တော့ဘဲ ပုဂ္ဂလိကကုမ္ပဏီတွေကိုပဲ ဖြန့်ဖြူးခွင့် ပြုတော့မယ်ဆိုတဲ့သတင်းပါ။ အောက်ခြေစက် သုံးဆီဖြန့်ဖြူးနေတဲ့(ဥပမာ-စက်သုံးဆီဖြန့်ဖြူး ရေးဆိုင်တွေက မန်နေဂျာ)မန်နေဂျာတွေရဲ့ မကျေနပ်သံတွေကိုလည်း ကြားနေရပါတယ်။


ကျွန်တော်တို့နိုင်ငံကို အင်္ဂလိပ်နယ်ချဲ့ တွေ အုပ်ချုပ်ခဲ့စဉ်က အစိုးရအတွက် ယန္တရား တွေလည်ပတ်မှု အဆင်ပြေချောမွေ့နိုင်အောင် ဌာနဆိုင်ရာတွေမှာ ဗျူရိုကရေစီစနစ်ကို ကျင့်သုံးခဲ့တာပါ။ ဒီမိုကရေစီစနစ်မှာလည်း အရပ် သားအစိုးရလက်အောက်က ဌာနဆိုင်ရာတွေ အဆင်ပြေချောမွေ့စွာ လည်ပတ်နိုင်ဖို့ ဗျူရို ကရေစီစနစ်ဟာ လိုအပ်ပါသေးတယ်။ ဒါပေမဲ့ စစ်အာဏာရှင်လက်ထက်မှာကတည်းက ဗျူရို ကရက်ကြီးတွေဟာ စစ်အာဏာရှင်အရာရှိ ကြီးတွေကနေ အရပ်ဘက်ဌာနဆိုင်ရာတွေကို ကူးပြောင်းခဲ့ကြတာပါ။ ပြောနေကြတဲ့အတိုင်း ဌာနဆိုင်ရာတွေအတွက် မိုးကျရွှေကိုယ်တွေ ပါပဲ။ အာဏာရှင်ကို အတုခိုးပြီး တိုင်းပြည် ဘဏ္ဍာကို ရသမျှအကုန် အိတ်ထဲထည့်ကြတဲ့ ဗျူရိုကရက်ဇာတ်ပျက်တွေ ဖြစ်သွားခဲ့ပါတယ်။ စစ်အာဏာရှင်စနစ်မှာ အဆင့်ဆင့် ကြိုးနီစနစ် ကို ကျင့်သုံးခဲ့ပါတယ်။ ဇာတ်ပျက်ဗျူရိုကရက် တွေဟာ ကြိုးနီစနစ်ကို အသုံးချခဲ့ပါတယ်။ အခု အရပ်သားအစိုးရအနေနဲ့ ကြိုးနီစနစ်ဟာ လွတ် လပ်တဲ့ဈေးကွက်စီးပွားရေးကို အဟန့်အတား ဖြစ်နေတာကို သိခဲ့ပါတယ်။


ဒီမိုကရေစီစနစ် အသွင်ကူးပြောင်းရေး ကာလကို ကျင့်သုံးနိုင်ဖို့ ကြိုးနီစနစ်ကို ဖျက် နိုင်သမျှဖျက်တဲ့ဥပဒေတွေ ရေးဆွဲပြဋ္ဌာန်းခဲ့ ပေမယ့် ဌာနဆိုင်ရာ အောက်ခြေအဆင့်ဆင့်က ဥပဒေကို လက်တစ်လုံးခြားလုပ်ပြီး ခိုးယူ နေကြတုန်းပါ။ အာဏာရှင်ဆန်ဆန် အာဏာ ပြနေကြတုန်းပါ။ ဒီမိုကရေစီစနစ်နဲ့ တိုင်းပြည်အသစ် ပြန်တည်ဆောက်ဖို့အတွက် အရပ်သား အစိုးရက ဌာနဆိုင်ရာအကြီးအကဲ ဝန်ကြီးတွေကို ခန့်အပ်ခဲ့ပေမယ့် ဝန်ကြီးတွေအောက်က အမြဲတမ်းအတွင်းဝန်ကနေ အနိမ့်ဆုံးအကြီး အကဲတွေအထိ အသစ်မပြောင်းလဲနိုင်သေးပါ ဘူး။ စစ်အာဏာရှင်လက်အောက်က ဇာတ်ပျက်ဗျူရိုကရက်ဆန်တဲ့အကျင့်တွေ၊ အာဏာ ရှင်ဆန်တဲ့အပြုအမူတွေ ပျောက်အောင် မကိုင်တွယ်နိုင်သေးပါဘူး။ အသစ်မပြောင်းနိုင်သေး တာကို ပြည်သူတွေ နားလည်နိုင်ကြပါတယ်။ လာဘ်စားမှုတွေနဲ့အတူ တိုင်းပြည်ဘဏ္ဍာတွေ ကို အလွဲသုံးစားမှုတွေက ရှိနေတုန်းပါ။ တိုင်း ပြည်စီးပွားရေး ဖွံ့ဖြိုးတိုးတက်အောင် ဆောင် ရွက်မှုတွေအတွက်လဲ ဌာနဆိုင်ရာတွေအတွက် အသုံးပြုငွေကို အဆင့်ဆင့် အလွဲသုံးစားလုပ် မှုတွေက နှောင့်နှေးစေပါတယ်။


ဒီမိုကရေစီအသွင်ကူးပြောင်းရေးကာလ ခေတ်ကို တည်ဆောက်နိုင်ဖို့အတွက် ဒီအချိန်မှာ အမြစ်တွယ်နေတဲ့ ဇာတ်ပျက်ဗျူရိုကရက် တွေကို အမြစ်ကစပြီး ဆွဲနုတ်ပစ်နိုင်ဖို့ အရေး ကြီးလိုအပ်နေပါပြီ။ အခုခေတ်ပြည်သူတွေဆီကနေ တိုက်ရိုက်လာဘ်စားမှုတွေ နည်းပါးသွား ပြီလို့ဆိုရပေမယ့်ဌာနတွင်းက ဇာတ်ပျက်ဗျူရို ကရက်တွေရဲ့ တိုင်းပြည်ဘဏ္ဍာကို အလွဲသုံးစား လုပ်နေတာတွေ ရှိနေတုန်းပါ။ ဇာတ်ပျက်ဗျူရို ကရက်တွေရဲ့ အတ္တစိတ်ကို မချိုးနှိမ်နိုင်ရင် ဒီမိုကရေစီခေတ်ကို တည်ဆောက်လို့ မရနိုင်ပါဘူး။ ဒီမိုကရေစီအသွင်ကူးပြောင်းရေးဆိုတာ ကလည်း မအောင်မြင်နိုင်ပါဘူး။ တရားဥပဒေ စိုးမိုးရေးကိုလည်း ကျွမ်းကျင်စွာ လက်တစ်လုံး ခြားလိမ်လည်ပြီး တိုင်းပြည်ဘဏ္ဍာကို မိမိကိုယ် ကျိုးစီးပွားတွေအတွက် ခိုးယူနေတုန်းပါ။ အခု အရပ်သားအစိုးရ တက်လာတဲ့အခါ မှာလည်း ဇာတ်ပျက်ဗျူရိုကရက်တွေက သူတို့ စားပေါက်ပိတ်မယ်ထင်ပြီး အရပ်သားအစိုးရ ကို အခက်အခဲအမျိုးမျိုးတွေ့အောင် ဖန်တီး နေကြပါတယ်။


ဒီပြဿနာကြီးကို အရပ်သားအစိုးရအနေနဲ့ အလွန်အင်မတန်ခက်ခဲစွာ ရင်ဆိုင်ဖြေရှင်း ရမှာပါ။ စစ်အာဏာရှင်လက်ထက်မှာ အဘက်ဘက်က ပျက်စီးခဲ့တဲ့တိုင်းပြည်ကို ပြန်တည် ဆောက်ဖို့ အချိန်ယူရဦးမှာပါ။ တိုင်းပြည်ပျက်ကြီးကို ပြန်တည်ဆောက်ဖို့ လမ်းစကိုတောင် ရှာဖွေနေရတုန်းဆိုရင် ပိုမှန်ပါလိမ့်မယ်။ ဒီလမ်းစကို ရှာမတွေ့အောင်၊ လမ်းစရှာတွေ့ပေမယ့် ဆက်မလျှောက်နိုင်အောင် ဌာနဆိုင်ရာတွေမှာရှိနေတဲ့ ဗျူရိုကရက်ကြီးတွေက ဖျောက် ကွယ်ထားဖို့ ကြိုးစားနေကြတာပါ။ အရပ်သား အစိုးရဟာ ဒီဗျူရိုကရက်ကြီးတွေရဲ့ လိမ်ညာ ခံနေရသလိုဖြစ်နေရပါတယ်။ ဒီလိုဗျူရိုကရက် ကြီးတွေရဲ့ လိမ်ညာမှုတွေကို ပြည်သူတွေလည်း သိနေခဲ့ကြပါတယ်။ အရင်စစ်အာဏာရှင်တွေ ခန့်အပ်ထားခဲ့တဲ့ ဌာနပေါင်းစုံကအကြီးအကဲ ဗျူရိုကရက်တွေကစပြီး အောက်ခြေဝန်ထမ်း တွေအထိ ကျင့်သုံးနေတဲ့ အလွဲသုံးစားမှုတွေ ကို စပြီးကိုင်တွယ်ရမှာပါ။ အရပ်သားအစိုးရ ဝန်ကြီးတွေအနေနဲ့ တိုင်းပြည်ကို ဒီမိုကရေစီ ကျင့်စဉ်နဲ့အညီ ပြန်တည်ဆောက်မယ်ဆိုတဲ့ စိတ်ထားတစ်ခုထဲနဲ့ ရဲရင့်ပြတ်သားစွာ ရပ်တည် နိုင်ဖို့ လိုပါတယ်။ ဒီလိုမရပ်တည်နိုင်ရင် သူတို့ လက်အောက်ကဝန်ထမ်းတွေရဲ့ ပြန်ဖျက်ဆီး ခြင်းကို ခံရနိုင်ပါတယ်။ အရပ်သားအစိုးရဝန် ကြီးတွေကိုယ်တိုင်တောင် ဇာတ်ပျက်အာဏာ ရှင်ဆန်ဆန် ဗျူရိုကရက်ကြီးတွေ ဖြစ်သွားနိုင် ပါတယ်။ ဒီလိုသာ ဇာတ်ပျက်ဗျူရိုကရက်တွေ ရဲ့ အဖျက်အင်အားကို မလွန်ဆန်နိုင်ရင် ပြည်သူ တွေကလဲ ယုံကြည်မှု ပျက်သွားနိုင်ပါတယ်။အခုအချိန်မှာတော့ အရပ်သားအစိုးရကို ပြည်သူ တွေ စောင့်ကြည့်နေကြပါပြီ။


ပြည်သူတွေ မျှော်လင့်စောင့်စားနေပြီး နှစ်နှစ်ကျော် သုံးနှစ်နီးပါးလောက်အကြာမှာ မျှော်လင့်ထားတာတွေ စပြီးဖြစ်မလာလို့ရှိရင် အရပ်သားအစိုးရအတွက် အခက်အခဲကို ကြီး မားစွာ ရင်ဆိုင်ရနိုင်ပါတယ်။ ၂ဝ၂ဝ ရွေးကောက်ပွဲမှာ ဖြစ်လာနိုင်တဲ့အခြေအနေတွေကလည်း ကောင်းမှာမဟုတ်နိုင်တော့ပါဘူး။


ဒီဗျုရိုကရက်တိုက်ဖျက်ရေးကို နိုင်ငံတော် သမ္မတနဲ့ အဂတိလိုက်စားမှုတိုက်ဖျက်ရေးကော်မရှင်၊ မီဒီယာတွေ၊ ပြည်သူတွေ ပူးပေါင်းတိုက် ဖျက်ရတော့မှာပါ။ တရားစီရင်ရေးရဲ့ ယိမ်းယိုင် နေမှုကို ပြန်လည်တည့်မတ်ပေးနိုင်သလို ဇာတ်ပျက်ဗျူရိုကရေစီစနစ်ကို အမြစ်ပြတ်ချေမှုန်း တိုက်ဖျက်ပစ်ရမှာပါ။ တံစိုးလက်ဆောင်ယူပြီး အောင်ရဲထွေးအမှုကို ရုပ်သိမ်းခွင့် ချမှတ်ခဲ့တဲ့ ရန်ကုန်တိုင်းအစိုးရအဖွဲ့ဝင်၊ တိုင်းဥပဒေချုပ် ဦးဟန်ထူးတို့ကို မြန်မာနိုင်ငံအဂတိလိုက်စားမှုတိုက်ဖျက်ရေးကော်မရှင်က လွှတ်တော် တရားရေးမှာ တရားစွဲဆိုခဲ့သလို ကျန်းမာရေး နဲ့အားကစားဝန်ကြီးဌာနရဲ့ လက်အောက်မှာရှိတဲ့ အစားအသောက်နဲ့ဆေးဝါးကွပ်ကဲရေး ဦးစီးဌာန (FDA)ညွှန်ကြားရေးမှူးချုပ် ဒေါက်တာသန်းထွဋ်ကို လာဘ်စားမှုနဲ့ ဖမ်းဆီးတရားစွဲလိုက်သလို အကျင့်ပျက်ဗျူရိုကရက်ကြီးတွေ ရဲ့ အကျင့်ပျက်ခြစားမှုတွေကိုလည်း ဖော်ထုတ် ပြီး တရားစွဲဆိုနိုင်ရတော့မှာပါ။


ဒါကို နိုင်ငံတော်သမ္မတနဲ့ ဝန်ကြီးတွေ တစ်လနှစ်ကြိမ် တွေ့ဆုံဆွေးနွေးမှုမှာ ဌာနဆိုင်ရာအကြီးအကဲတွေရဲ့ ခြစားမှုတွေကို ဖော် ထုတ်အရေးယူနိုင်ဖို့ အဓိကအချက်အနေနဲ့ ဆွေးနွေးတိုင်ပင်ကြဖို့ အချိန်ရောက်ပါပြီ။ ဒီလိုဇာတ်ပျက်ဗျူရိုကရေစီစနစ်ကို အမြစ်ပြတ်တိုက် ဖျက်ပစ်နိုင်မှသာ မြန်မာပြည်ဒီမိုကရေစီစနစ် အသွင်ကူးပြောင်းရေး ဖြစ်ပေါ်လာနိုင်မှာပဲ ဖြစ်ပါတယ်။ အရပ်သားအစိုးရအတွက် ကျန် ရှိနေသေးတဲ့နှစ်နှစ်အတွင်းမှာ ပြည်သူတွေ ယုံကြည်အောင် ပြတ်ပြတ်သားသားလုပ်ဆောင် ရမယ့်အချိန် ရောက်ပါပြီ။

 

မြတ်လှိုင်း

#theyangontimes

Rate this item
(0 votes)
back to top