HIGHLIGHT NEWS
Main menu

Article [-- ဆောင်းပါများ ကဏ္ဍ --]

တစ်ခုသော တန်ဖိုးအား ခုတ်လှဲလိုက်ရသောအခါ

တစ်ခုသော တန်ဖိုးအား ခုတ်လှဲလိုက်ရသောအခါ

ပြည်သစ်ဟန်

***************

 

တန်ဖိုးရှိသောအရာနှစ်ခုယှဉ်လာခိုက် တစ်ခု ခုကို စွန့်လွှတ်လိုက်ရမည်ဆိုသောအခါ...။

အုန်းပင်ကြီးတစ်ပင် ကျွန်တော်၏အိမ်ရှေ့ လမ်းဘေးတွင် သက်တမ်းရှည်ကြာစွာပေါက်ရောက် ရှင်သန်နေခဲ့တာကြာလှပါပြီ။ လေခွင်းလျှင် အလက်တို့ပြုတ်ကျကြသည်။ ကြွက်ကိုက်လျှင် အုန်းသီးနုနုလေးတွေပါ အခေါင်းပေါက်တွေနှင့်မကြာခဏပြုတ်ကျကြသည်။ လေလွင့်သွားသောအသီးများပေါ့။ ကြွက်များအတွက်တော့ အသိုက်ဖြစ်သလို အစားအစာတစ်ခုပင်ဖြစ်သည်။ ပြုတ်ကျသောအုန်း လက်များကတော့ ထင်းအနေနှင့်အသုံးဝင်ပါသည်။ အုန်းလက်များက အချိန်တန်လာလျှင် ရင့်ရော် ခြောက်သွေ့ကာ သူ့အလိုလိုလည်းပြုတ်ကျတတ် ပါသည်။ အုန်းအလက်အသစ်များ အစားထိုးဝင် ရောက်လာသည်ပေါ့။ ဒါသဘာဝပင်မဟုတ်လား။


အုန်းပင်တစ်ပင်လုံးကို စေ့ငုကြည့်လျှင် အသုံးမဝင်သည့်နေရာဟူ၍မရှိ။ အုန်းအလက်အတံကလေးများသည် တံမြက်စည်းလုပ်ရာတွင် အသုံး ပြုကြသည်။ အုန်းအလက်အရွက်ပြားလေးများကို တချို့ဆိုဖျာရက် ပြုလုပ်တတ်ကြသည်။ အုန်းအလက်တံကြီးများကခြောက်လာလျှင် ထင်းအဖြစ် အသုံးပြု၍ရပြန်သည်။ အုန်းခွံကိုလည်း ကြိုးကျစ်၍ရပြန်သည်။ အုန်းအပင်အလုံးမှာလည်း ခွဲခြမ်း စိတ်ဖြာကာ လိုသလိုအသုံးပြုနိုင်သည်။ အုန်းသီးကတော့ ဆိုဖွယ်ရာမရှိတော့။ အုန်းသီးမာလာခွံဆိုလျှင် တချို့ဆို အနုပညာလက်ရာများအဖြစ် ဖန်တီးတတ်ကြသေးသည်။ ဟိုးရှေးကာလကဆိုလျှင် သောက်ရေခွက်လေးများအဖြစ်ပင် အသုံးပြု ကြသည်။ အုန်းပင်နှင့်လူ့အသုံးအဆောင်၊ လူ့အသုံး အဆောင်နှင့် အုန်းပင်ပေါ့။ လိုအပ်မှုကိုဖြည့်ဆည်း ပေးနိုင်လျှင် တန်ဖိုးတစ်ခုဟုဆိုရမည်ပင်။


ကျန်ခဲ့သော လအနည်းငယ်အတွင်းက ကျွန် တော့်အိမ်ရှေ့လမ်းဘေးက အုန်းပင်ကြီးမှာ ရှင်လျက်နှင့် သေရတော့မည့်ကိန်းဆိုက်လာပါသည်။ သူ့အလိုလိုသက်တမ်းကုန်ဆုံးကာ ခြောက်သွေ့သေဆုံးသွားရခြင်းမဟုတ်ပါ။ အရှင်လတ်လတ်ခုတ်လှဲ ပစ်ရမည့်ကိန်းဆိုက်လာခြင်းပေါ့။ လမ်းနှင့်အုန်းပင်၊ အုန်းပင်နှင့် လမ်းပေါ့။ လမ်းအသစ်လုပ်ဖို့ရန် အုန်းပင်ကြီးကို မဖြစ်မနေခုတ်လှဲပစ်ဖို့ရန် အိမ်က ကျွန်တော့်အား တိုက်တွန်းလာပါသည်။ သစ်ပင်များကိုလှဲပစ်ရမှာ နှမြောသော ကျွန်တော်ကပြန်လည်ငြင်းဆန်ပါသည်။ လမ်းအသစ်လုပ်မည့် အကျယ်အဝန်းနှင့်လည်း အုန်းပင်အရင်းက အမြစ်ဖျားလေးများသာ ဖြတ်ပစ်လျှင်ရပါသည်။ သို့သော်လည်း အိမ်ကအတင်းခုတ်လှဲခိုင်းနေပါသည်။ ကွန်ကရစ်လမ်းခင်းမည်ဆိုသောကြောင့် အုန်းပင်ကို နှမြောနေစရာမလိုဟု ကျွန်တော့်ကိုပြောပါသည်။ ကျွန်တော်ငြင်းဆန်ဖို့ရန် ခက်နေပါသည်။ လမ်းအသစ်ပြုပြင်လုပ်ဆောင်ကြသောအလုပ်မှာ ကောင်းသောအလုပ်ဖြစ်ပါသည်။ ကျွန်တော်အဘယ့်ကြောင့် ခုတ်လှဲပစ်ဖို့ရာ တွန့်တိုနေရပါသလဲ။ ကိုယ့်ကိုယ်ကိုယ်မေးခွန်းထုတ်နေမိသည်။ ကိုယ့်ကိုယ်ကိုယ်သံသယဖြစ်နေမိသည်။


အုန်းပင်ကြီးကိုခုတ်လှဲပစ်ရန် အကြိမ်ကြိမ် စိတ်ထဲမှငြင်းဆန်နေမိသည်။ အကြိမ်ကြိမ်လည်း စိတ်ထဲမှာယာယီခုတ်လှဲပစ်ကြည့်နေမိသည်။ ထိုသို့ခုတ်လှဲတိုင်း အကြိမ်ကြိမ်ဝမ်းနည်းနေမိသည်။ လမ်းအသစ်ပြုလုပ်ခြင်းသည် အများနှင့်ဆိုင်သော ကိစ္စဖြစ်နေသည်။ အုန်းပင်ကြီးကိုခုတ်လှဲပစ်ဖို့ နှမြော တသရင်း ငြင်းဆန်မိနေခြင်းသည် ကျွန်တော်တစ် ဦးတည်း၏ ဆန္ဒဖြစ်နေသည်။ တစ်ယောက်သော သူသည် တစ်ခါတစ်ရံသည်လိုပဲ အရှုံးပေးရတတ်ပါသည်။ လေတို့က ပါးပါးလျားလျားတိုက်ခတ်နေ သည်။ အုန်းပင်ကြီး၏အလက်ကလေးများက လှုပ်ရုံမျှသာ။ တစ်စုံတစ်ရာကို စွန့်လွှတ်ရတော့ မည်ဟူသောအသိနှင့် ကျွန်တော်စိတ်လက်တို့ နွမ်း နေပါသည်။ အုန်းပင်ကြီးမှာလည်း အသီးသီးနိုင်ခွင့်များ၊ အလက်တို့ဝေဆာနိုင်ခွင့်များဆုံးရှုံးရ တော့မည့်အရိပ်အယောင်နှင့် လေအတိုးမှာအေး စက်စွာအလက်ငယ်လေးများ လှုပ်ခတ်နေပါသည်။ ထိုအရိပ်အယောင်များက စွန့်လွှတ်ရမည့်ရှင်သန် ခြင်း၊ စွန့်လွှတ်ရမည့်ပတ်ဝန်းကျင်၊ စွန့်လွှတ်ရမည့် ကျွန်တော့်ထံကို တစ်စုံတစ်ရာများပြော ကြားချင် နေသလားဟူ၍ ကျွန်တော်တွေးနေမိပါသည်။


အုန်းပင်ကြီး၏အသီးများမှာ တစ်ချိန်ချိန်တွင် လမ်းပေါ်သို့ကြွေကျလျှင် ကွန်ကရစ်လမ်းပျက်စီးမည် စိုးသောကြောင့် အိမ်မှခုတ်လှဲခိုင်းခြင်းဖြစ်ပါသည်။ ဒါကို ကျွန်တော်လက်ခံပါသည်။ လမ်းရှေ့ ရေးအတွက်ပေါ့။ ကျွန်တော်လက်မခံနိုင်သည်က အုန်းပင်ကြီး၏ အနာဂတ်ပေါ့။ ကျွန်တော့်ရှေ့တွင် ချထားသောလွှများ၊ ပုဆိန်များမှာ မှုန်ဝါးပျောက်ကွယ်ပြီး အမှန်တရားနှစ်ခုအဖြစ် ပုံရိပ်များထင်နေ တော့သည်။ လမ်းမပျက်စီးရေးအတွက်ဆိုသည်မှာလည်း တန်ဖိုးတစ်ခုအတွက် ရှေးရှုနေခြင်းပင် ဖြစ်သည်။ အုန်းပင်ကြီးဆက်လက်ရှင်သန်နေရေး မှာလည်း တန်ဖိုးတစ်ခုအတွက် ရှေးရှုမိခြင်းဖြစ်ပါသည်။ ကျွန်တော်တစ်ခုကို ကျိမ်းသေစွန့်လွှတ်ရ တော့မည်။ လွှသံများ၊ ခုတ်ထစ်သံများနှင့်အတူ ဗုန်းခနဲဟူသော လဲပြိုသံကြီးက ကျွန်တော့်နားထဲကို ရက်ရက်စက်စက် ဝင်ရောက်ခဲ့သည်။ ထို ဗုန်းခနဲ ဟူသောအသံကြီးက ရက်အတော်ကြာကြာ ကျွန် တော့်နားထဲမှာ ရိုက်ခတ်နေခဲ့ပါသည်။ အုန်းပင် ကြီးလဲကျသွားချိန် အနီးအနားမှ အပင်ငယ်လေး များအား ပွတ်သပ်ရိုက်ခတ်သွားသော ပုံရိပ်များဟာ ကျွန်တော့်အတွေးထဲ ယခုထိစွဲထင်ကျန်ရစ် နေဆဲပင်။ အနီးအပါးမှအပင် ငယ်လေးများအား နောက်ဆုံးနှုတ်ဆက်သွားခြင်းပေလား။ အုန်းပင် ကြီးကတော့ လေတိုးနေပေမယ့် လဲလျောင်းရင်း ငြိမ်သက်နေလျက်သာ။


ကျောက်ခင်းလမ်းပေါ်မှာ အရာရာဟာ အဆင်ပြေနေကြပါသည်။ နွေမိုးဆောင်းဖိနပ်သံ တရှပ်ရှပ်နှင့် လမ်းအသစ်ပြုလုပ်လိုက်ခြင်း၏ တန် ဖိုးကိုကောင်းစွာထိတွေ့နေကြပါသည်။ မိုးရွာချင် သလောက်ရွာရေကြီးချင်သလောက်ကြီး ခြောက် သွေ့သောအခါများတွင်ပင် ဖုန်မထတော့ပါ။ တန်ဖိုးတစ်ခု။ ကောင်းပါ၏။ ထိုတန်ဖိုးတစ်ခု ကြောင့် ကျွန်တော်တစ်ခါတစ်ခါ ကျေနပ်ပီတိဖြစ်မိ ပါသည်။ တစ်ခါတစ်ရံတော့ စိတ်ထဲမကျေမနပ် ဖြစ်နေရင်း တစ်စုံတစ်ခုကိုသတိရနေမိသည်။ အုန်းပင်ငုတ်တိုကြီးကို မြင်တွေ့မိတိုင်း ကျွန် တော်တစ်စုံတစ်ရာကို ဆုံးရှုံးရသလိုခံစားနေပါ သည်။ အုန်းအလက်များနှင့်အုန်းသီးများကို ရော ထွေးမြင်ယောင်နေခြင်းပေါ့။ အုန်းပင်ငုတ်တိုမှာလည်း အချိန်အတော်ကြာသည်အထိ ဆွေးမြည့်နိုင်သောသစ်ပင်အမျိုးအစားမဟုတ်ပါ။ ထိုအုန်း ပင်ငုတ်တိုကြီးအပေါ်မှာ ပုရွက်ဆိတ်များ၊ ခါချဉ် များက အမြဲယောက်ယက်ခတ်နေတတ်ပါသည်။ အုန်းပင်ကြီးရှိစဉ်က ထိုပုရွက်ဆိတ်တို့ ခါချဉ်တို့ အပင်ကြီး၏ အဖျားသို့တိုင်အောင် လှုပ်ရှားသွားလာနေတတ်ကြသည်။ အခုတော့ ငုတ်တိုကြီးအ ပေါ်မှာသာ သူတို့ကျင်လည်ခွင့်ရှိတော့သည်။ ကျွန် တော်လည်း မဆွေးမြည့်သေးသော အုန်းပင်ငုတ်တို ကြီးနှင့်မကြာခဏ ထိပ်တိုက်တွေ့နေရပါသည်။ ကြည့်မြင်မိလိုက်တိုင်း တန်ဖိုးတစ်ခုဆုံးရှုံးသွားသလိုအမြဲ ခံစားနေရပါသည်။


ကျွန်တော်တို့ရွာလမ်းမနှင့် ရွာအဆုံးမှ စာသင်ကျောင်းသည် အိမ်ရှေ့ရွာလမ်းမအတိုင်း တောက်လျှောက်သွား၍ရပါသည်။ မိုးတွင်းအခါ မှလွဲ၍ ကုန်းသာ(မိုးအကုန်ရာသီ)လာလျှင် ကျောင်းသား၊ ကျောင်းသူကလေးများမှာ စက်ဘီးကိုယ်စီနှင့်ကျောက်ခင်းလမ်း မပေါ်မှ နေ့စဉ်ဖြတ်သွားဖြတ်လာပြုနေကြတော့သည်။ အရင်က နွေ ရောက်လာလျှင် မြေသားလမ်းပေါ်မှာခြေကျင်လမ်း လျှောက်၍ ကျောင်းတက်ကြရသည်။ ယခုတော့ စက်ဘီးကလေးများကိုယ်စီနှင့်ပေါ့။ ထိုမြင်ကွင်း ထိုဖြစ်စဉ်များကို ကျွန်တော်မြင်တွေ့လိုက်ရတော့ ကြည်နူးသွားမိသည်။ အချိန်နှင့်အဖြစ်အပျက်များသည် အတွေးအခေါ်အမြင်များကို ပြောင်းလဲစေတတ်ခဲ့သည်။ သမိုင်းသည် သင်္ချာသဘောလို တစ်သမတ်တည်း မရှိသလိုပဲဖြစ်သည်။ ထိုကဲ့သို့ အပြောင်းအလဲများ ကြားမှာ ကျွန်တော့်အုန်းပင်ငုတ်တိုကြီးအကြောင်း ပြန်လည်တွေးမိတော့ အဘယ်ကြောင့် ကျွန်တော့် အတွေးများထဲမှာ အုန်းပင်ငုတ်တိုကြီးပျောက်ကွယ်သွားခဲ့ပါသလဲ။ အဘယ်ကြောင့် ဆွေးမြည့်ရ မည့်အချိန်မရောက်သေးဘဲနှင့် ကျွန်တော့်အတွေးထဲမှာ အုန်းပင်ငုတ်တို ကြီးဆွေးမြည့်သွားခဲ့ရပါသလဲ။


ကျွန်တော်တွေးတောနေမိတော့သည်။

 

ပြည်သစ်ဟန်

#democracytoday

Rate this item
(2 votes)
back to top