HIGHLIGHT NEWS
Main menu

Article [-- ဆောင်းပါများ ကဏ္ဍ --]

NLD အစိုးရလက်ထက် ထင်သာမြင်သာသော အစိုးရအဖွဲ့အပြောင်းအလဲ

NLD အစိုးရလက်ထက် ထင်သာမြင်သာသော အစိုးရအဖွဲ့အပြောင်းအလဲ

၂ဝ၁၇ ခုနှစ်အတွင်း NLD အနေ ဖြင့် အစိုးရအဖွဲ့၏ လုပ်ငန်းဆောင် ရွက်မှုများ ပိုမိုမြန်ဆန်လာရေးအတွက် ဝန်ကြီးဌာနအချို့တွင် လိုအပ်နေသော ဒုတိယဝန်ကြီးများကို ဖြည့်စွက်ခန့်ထားခဲ့သည်။ သို့သော် နှစ်ကုန်ပိုင်းတွင် အပြောင်းအလဲအချို့ ဖြစ်ပေါ်ခဲ့ပြီး ဇန်နဝါရီ ပထမပတ်မှ စတင်ကာ အစိုးရအဖွဲ့များအတွင်း ပြောင်းလဲမှုများစတင်လာခဲ့သည်။

အဆိုပါပြောင်းလဲမှုများမှာ ဝန်ကြီးအချို့၏ အပြောင်းအလဲများ၊ ဝန်ကြီးချုပ်အချို့ နုတ် ထွက်စာတင်ခြင်းနှင့် သဘောဆန္ဒအလျောက် ရာထူးမှ နုတ်ထွက်ခွင့်ပြုခြင်းတို့ ဖြစ်သည်။

၂ဝ၁၈ ခုနှစ်၊ နှစ်စ၌ပင် ပြည်ထောင်စု သမ္မတမြန်မာနိုင်ငံတော် နိုင်ငံတော်သမ္မတရုံး၏ လူမှုကွန်ရက်စာမျက်နှာ၌ ဧရာဝတီတိုင်းဝန်ကြီး ချုပ် မန်းဂျော်နီကို ၄င်း၏သဘောဆန္ဒအလျောက် ရာထူးမှ နုတ်ထွက်ခွင့်ပြုခဲ့ခြင်း၊ ရခိုင်ပြည်နယ် စည်ပင်ဝန်ကြီးကို ရာထူးမှရပ်စဲခြင်းများ ထုတ် ပြန်ကြေညာခဲ့သည်။ အလားတူပင် ဧရာဝတီ တိုင်းဒေသကြီး အစိုးရအဖွဲ့ စိုက်ပျိုးရေး၊ မွေး မြူရေး၊ သယံဇာတနှင့် ပတ်ဝန်းကျင်ထိန်းသိမ်း ရေး ဝန်ကြီးဌာနဝန်ကြီး ဦးဘဟိန်း၊ ပဲခူးတိုင်း ဒေသကြီး အစိုးရအဖွဲ့မှ သယံဇာတသစ်တော နှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးကျော်မင်းစံ၊ လူမှုရေးနှင့် စည်ပင်သာယာ ရေးဝန်ကြီး ဦးမောင်မောင်လွင်၊ မကွေးတိုင်း ဒေသကြီး အစိုးရအဖွဲ့မှ အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာနမှ ဝန်ကြီး ဦးနေမျိုးကျော်၊ စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီး ဦးစိုးမြင့်ကို နုတ်ထွက် ခွင့် ပြုခဲ့သည်။

''ဆရာကြီးကတော့ နိုင်ငံရေးနဲ့ပတ်သက် ရင် စိတ်အားထက်သန်သူပါ။ မိမိရဲ့ မိခင်ပါတီ အပေါ်မှာလဲ သစ္စာရှိတယ်။ နိုင်ငံရေးကလဲ လွှတ်တော်ကိုယ်စားလှယ် တစ်ဦးချင်းတောင် အင်တိုက်အားတိုက်လုပ်ရမယ့် အနေအထားမို့ ဆရာကြီးရဲ့ အသက်အရွယ်အရရော၊ ကျန်းမာ ရေးအားဖြင့်ရော လုပ်ငန်းပေါ်မှာ အာရုံစူးစိုက် မှုကတော့ လူကောင်းထက်စာရင်တော့ နည်း နည်း အားနည်းတယ်လို့ မြင်ပါတယ်''ဟု ကျုံ ပျော် ပြည်သူ့လွှတ်တော်ကိုယ်စားလှယ် ဦးစိုး အောင်နိုင်က ဧရာဝတီတိုင်းဝန်ကြီးချုပ်ဟောင်း အပေါ် သူ၏အမြင်ကို ပြောသည်။

ဝန်ကြီးများ နုတ်ထွက်စာတင်သည့်အပေါ် 'သဘောဆန္ဒအလျောက် နုတ်ထွက်ခွင့် ပြုလိုက် သည်'ဟု ထုတ်ပြန်ချက်များ၊ နိုင်ငံပိုင် သတင်း စာတွင် ဖော်ပြခဲ့သည်။ ယင်းကဲ့သို့ နှစ်နှစ်တာ အုပ်ချုပ်မှုကာလအတွင်း ဧရာဝတီတိုင်းဝန်ကြီး ချုပ် အပါအဝင် အလုပ်သမား၊ လူဝင်မှုကြီးကြပ် ရေးနှင့်ပြည်သူ့အင်အားဝန်ကြီးဌာနမှ ဝန်ကြီး ဦးနေမျိုးကျော်တို့ကဲ့သို့ ကောင်းမွန်သည့် ဝန် ကြီးချုပ်၊ ဝန်ကြီးများကို နိုင်ငံတော်သမ္မတမှ နုတ်ထွက်စာ တင်သွင်းခွင့်ပြုခဲ့ခြင်းမှာ ပြည်သူ တို့အတွက် အစိုးရအပေါ် ယုံကြည်အားကိုးမှုကို လျော့ကျစေကြောင်း နိုင်ငံရေးလေ့လာသုံးသပ် သူများက ဆိုသည်။

''ကျန်းမာရေးကြောင့် နုတ်ထွက်ခွင့်ပြုတာ၊ သဘောဆန္ဒအလျောက် နုတ်ထွက်ခွင့်ပြုထား တာတွေ တွေ့ရတယ်။ ဒါပေမဲ့ အကြောင်း အရင်း အတိအကျကို ပြည်သူတွေက သိချင် ကြတယ်။ သူတို့သဘောကျတဲ့ တာဝန်ကျေပွန် တဲ့ ဝန်ကြီးချုပ်တွေ၊ ဝန်ကြီးတွေ ထွက်သွားတာ ကို သဘောမကျတဲ့ ပြည်သူတွေရှိတဲ့အတွက် ဒါဟာ အစိုးရကို ထိခိုက်မှုတစ်ရပ် ဖြစ်လာနိုင် တယ်။ ဖိအားပေးပြီး နုတ်ထွက်ခိုင်းတာတွေ ရှိတယ်လို့ သတင်းတွေထွက်ပေါ်ခဲ့တာတွေလဲ ရှိခဲ့တော့ ပြည်သူတွေရဲ့အမြင်မှာ တစ်မျိုးထင် သွားနိုင်တယ်''ဟု မြန်မာနိုင်ငံအရေး လေ့လာ သုံးသပ်သူတစ်ဦးဖြစ်သူ ဦးစိန်ဌေးကပြောသည်။

နုတ်ထွက်စာတင်ခဲ့သည့် ဝန်ကြီးများအ တွင်းတွင် သဘောဆန္ဒအလျောက် နုတ်ထွက် ခြင်းနှင့် ကျန်းမာရေးအခြေအနေကြောင့် နုတ် ထွက်သူများ ရှိသော်လည်း ရာထူးမှနုတ်ထွက် ရန် ဖိအားပေး ခံရခြင်းများ ရှိကြောင်းလည်း သတင်းများ ထွက်ပေါ်ခဲ့သည်။
''ဧရာဝတီတိုင်းကို အနုတ်ဖြစ်အောင် ကျွန် တော် မလုပ်ခဲ့ဘူး။ အပေါင်းအားပဲဖြစ်အောင် ကြိုးစားနေတယ်။ ဒါပေမဲ့ ကျန်းမာရေးအရ အင် တိုက်အားတိုက် အလုပ်မလုပ်နိုင်တဲ့အတွက်၊ ပြည်သူအတွက် တာဝန်ထမ်းမှု မကျေပွန်မှာစိုး လို့ အနားယူခွင့်တောင်းလိုက်တာပါ''ဟု ဦးမန်း ဂျော်နီက သတင်းစာရှင်းလင်းပွဲတွင် ပြောကြား ခဲ့သည်။

သဘောဆန္ဒအလျောက် နုတ်ထွက်ခဲ့သည့် ဝန်ကြီးတစ်ဦးဖြစ်သူ ချင်းပြည်နယ်အစိုးရအဖွဲ့ စည်ပင်သာယာရေး၊ လျှပ်စစ်နှင့် စက်မှုလက်မှု ဝန်ကြီးဌာန ဝန်ကြီး ဆလိုင်းအိုက်ဇက်ခင်က လည်း ''မထွက်မဖြစ်လို့ ထွက်ရတယ်ဆိုတာ မဟုတ်ပါဘူး။ ထွက်ဖို့ကိစ္စက ကျွန်တော့်ရွေး ချယ်မှုပဲ ဖြစ်ပါတယ်''ဟု မီဒီယာများသို့ ပြော ကြားထားသည်။

ရာထူးမှနုတ်ထွက်ခြင်းသည် ဟားခါးဈေး တည်ဆောက်ရေး၊ ဖလမ်းရေပေးရေးကိစ္စနှင့် ပတ်သက်၍ သတ်မှတ်ထားသည့်အချိန်ကာလ အတွင်း ပြီးစီးအောင် ဆောင်ရွက်ပေးနိုင်ခြင်း မရှိသည့်အတွက် ပြည်သူလူထု၏ တိုင်ကြားမှု များ ရှိသည့်အတွက်ကြောင့် မိမိ၏ ကွပ်ကဲမှု အောက်တွင်ရှိသည့် ဌာနလုပ်ငန်းများဖြစ်သည့် အတွက် တာဝန်ယူသည့်အနေနှင့် သဘောဆန္ဒ အလျောက် နုတ်ထွက်ခဲ့ခြင်းဖြစ်ကြောင်း သိရ သည်။

အဆိုပါဝန်ကြီးနေရာ၌ ချင်းပြည်နယ်တွင် တတ်သိပညာရှင်ဟုဆိုကာ ဒုဗိုလ်မှူးကြီးဟောင်း ဦးစိုးထက်ကို ခန့်အပ်ရန် မေ ၂၅ ရက်တွင် ပြည်နယ်လွှတ်တော်၌ အဆိုတင်သွင်းရာတွင် ကန့်ကွက်မှုအချို့ ရှိခဲ့သည်။ သို့သော် ပြည် ထောင်စု မြန်မာနိုင်ငံတော် ဖွဲ့စည်းပုံအခြေခံ ဥပဒေပုဒ်မ ၂၆၂၊ ပုဒ်မခွဲ(စ)၊ ပုဒ်မ၂၆၄၊ ပုဒ်မ ခွဲ(ဂ)၊ ပြည်ထောင်စုအစိုးရအဖွဲ့ ဥပဒေပုဒ်မ ၈၊ ပုဒ်မခွဲ(ဆ)၊ ပုဒ်မ ၅၆၊ ပုဒ်မခွဲ(က)တို့ပါ ပြဋ္ဌာန်း ချက်များအရ ဦးစိုးထက်ကို ချင်းပြည်နယ်အစိုးရ အဖွဲ့ စည်ပင်သာယာရေး၊ လျှပ်စစ်နှင့် စက်မှု လက်မှုဝန်ကြီးဌာန ဝန်ကြီးအဖြစ် ခန့်အပ်တာ ဝန်ပေးခဲ့သည်။

ထို့ကြောင့် ဝန်ကြီးချုပ်နှင့်၊ ဝန်ကြီးအချို့ နုတ်ထွက်မှုများအပြီး တစ်ပြိုင်တည်းမှာပင် အစား ထိုး ဝင်ရောက်လာမည့်သူများ၏ စွမ်းဆောင် ရည်အပေါ် စောင့်ကြည့်ဝေဖန်မှုများရှိနေသည် မှာ မြင်သာပေသည်။

နုတ်ထွက်ခြင်း၊ နုတ်ထွက်ခွင့် ပြုခြင်းတို့ သည် ၂ဝဝ၈ ဖွဲ့စည်းပုံအခြေခံဥပဒေနှင့်အညီ နိုင်ငံတော်သမ္မတက အစိုးရအဖွဲ့ဝင် ဝန်ကြီး အပြောင်းအလဲကို ဆောင်ရွက်ခြင်း ဖြစ်သော် လည်း NLD သည် လက်ရှိအာဏာရပါတီဖြစ် သည့်အတွက် ပါတီစည်းကမ်းထိန်းသိမ်းရေး နှင့် စုံစမ်းစစ်ဆေးမှု အစီရင်ခံစာများနှင့်လည်း ပတ်သက်နိုင်ကြောင်း မြန်မာ့အရေးလေ့လာ သူ ဒေါက်တာရန်မျိုးသိမ်း၏ သုံးသပ်မှုများ ရှိ ခဲ့သည်။

မကြာမီရက်ပိုင်းအတွင်းကလည်း အဂတိ လိုက်စားမှုတိုက်ဖျက်ရေးကော်မရှင်က စစ်ဆေး နေသည်ဟု ပြောကြားထားသည့် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းကို ၄င်း၏သဘောဆန္ဒအလျောက် ရာထူးမှ နုတ်ထွက်ခွင့်ပြုကြောင်း နိုင်ငံတော် သမ္မတရုံးက မေ ၂၅ ရက် ညပိုင်းတွင် သတင်း ထုတ်ပြန်ခဲ့သည်။

ထုတ်ပြန်ချက်တွင် မြန်မာနိုင်ငံတော် ဖွဲ့ စည်းပုံ အခြေခံဥပဒေပုဒ်မ ၂၃၅၊ ပုဒ်မခွဲ (ခ)နှင့် ပြည်ထောင်စုအစိုးရအဖွဲ့ ဥပဒေပုဒ်မ ၆၈၊ ပုဒ်မခွဲ(က)တို့ပါ ပြဋ္ဌာန်းချက်များအရ နုတ်ထွက် ခွင့်ပြုခဲ့ခြင်းဖြစ်ကြောင်း သိရသည်။

ရာထူးမှ နုတ်ထွက်ခဲ့သည့် ဦးကျော်ဝင်း နှင့်ပတ်သက်၍ အဂတိလိုက်စားမှုတိုက်ဖျက် ရေးကော်မရှင်မှ စစ်ဆေးတွေ့ရှိချက်များကို နိုင်ငံတော်သမ္မတရုံးသို့ တင်ပြခဲ့ပြီး လျှို့ဝှက် အဆင့်အတန်း သတ်မှတ်ထားကြောင်း အဂတိ လိုက်စားမှုတိုက်ဖျက်ရေးကော်မရှင်မှ သိရသည်။

သမ္မတရုံးမှ အမိန့်စာထုတ်ပြန်ပြီး နောက် ပိုင်းတွင် ထင်မြင်ယူဆချက်များစွာရှိခဲ့ပြီး အဂတိ လိုက်စားမှုနှင့် တိုင်ကြားခံထားရသည့် ပြည် ထောင်စုအဆင့်ဝန်ကြီးကို စိစစ်ကာ ကျူးလွန် ခြင်း ရှိ၊ မရှိ မသိရသေးချိန်၌ မိမိသဘောဆန္ဒ အလျောက် နုတ်ထွက်ခွင့် ပြုခဲ့သည့်အတွက် ဝေဖန်မှုများ မြင့်တက်လျက်ရှိသည်။

''အဂတိလိုက်စားတာနဲ့ပတ်သက်လို့ လက် ရှိမှာ လွှတ်တော်ကိုယ်စားလှယ်တွေ၊ ဝန်ကြီး တွေကို အရေးယူတာတွေ တစ်စုံတစ်ရာ မပြု လုပ်နိုင်သေးသလို စုံစမ်းစစ်ဆေးမှုတွေမှာလဲ ပြည်သူတွေကို ပွင့်လင်းမြင်သာစွာ ချပြတာတွေ လဲ မရှိသေးဘူး။ ပြီးတော့ စုံစမ်းစစ်ဆေးမှုမပြီး ခင်မှာ နုတ်ထွက်ခွင့်ပြုလိုက်တာက ပြောစရာ တစ်ခုလို ဖြစ်သွားတယ်။ ထိထိရောက်ရောက် အရေးယူမှု မရှိသေးဘဲ နုတ်ထွက်ခွင့်ပေးလိုက် တာ ဝေဖန်စရာဖြစ်သွားတာပေါ့''ဟု အထက် တန်းကျောင်းအုပ်(ငြိမ်း) ဦးအုန်းခင်က ပြော သည်။

အစိုးရသစ်သက်တမ်း နှစ်နှစ်ကျော်လာ ချိန်တွင် ပြုပြင်ပြောင်းလဲမှုများအနေဖြင့် ဆောက် လုပ်ရေးဝန်ကြီး ဦးဝင်းခိုင်ကို လျှပ်စစ်နှင့် စွမ်း အင်ဝန်ကြီးအဖြစ် ပြောင်းလဲတာဝန်ပေးအပ်ခဲ့ ပြီး ပြည်သူ့ဆောက်လုပ်ရေး ညွှန်ကြားရေးမှူး (ငြိမ်း) ဦးဟန်ဇော်ကို ဆောက်လုပ်ရေးဝန်ကြီး အဖြစ် ခန့်အပ်ခဲ့သည်။ ထို့ပြင် ပြန်ကြားရေး ဒုတိယဝန်ကြီးအဖြစ် စာနယ်ဇင်းကောင်စီဥက္ကဋ္ဌ (၁) ဦးအောင်လှထွန်းကို ခန့်အပ်ခဲ့ပြီး ပို့ဆောင် ရေးနှင့် ဆက်သွယ်ရေး ဒုတိယဝန်ကြီးအဖြစ် ဦးသာဦးကို ခန့်အပ်ခဲ့သည်။

အစိုးရသက်တမ်း၏ ပထမနှစ် ဇန်နဝါရီ လအတွင်း၌ ပထမဆုံးအကြိမ်အဖြစ် မွန်ပြည် နယ် ဝန်ကြီးချုပ် ဦးမင်းမင်းဦးမှာ ရာထူးမှ နုတ် ထွက်ခဲ့ပြီး ရာထူးတာဝန်မှ ရပ်စဲခြင်းခံရသူနှစ်ဦး မှာ လယ်ယာစိုက်ပျိုးရေး ဒုတိယဝန်ကြီးဖြစ် သည့် ဦးကျော်ဝင်းနှင့် မကြာသေးမီကာလက တာဝန်မှ ရပ်စဲခြင်းခံရသူ တစ်ဦးဖြစ်သူ ရခိုင် ပြည်နယ် စည်ပင်သာယာရေးဝန်ကြီး ဦးမင်း အောင်တို့ဖြစ်ကြောင်း ထုတ်ပြန်ကြေညာခဲ့သည်။

၂ဝ၁၈ ခုနှစ် မေ ၂၈ ရက်တွင် ကျင်းပခဲ့ သည့် ပြည်ထောင်စုလွှတ်တော်တွင်လည်း စီမံ ကိန်းနှင့် ဘဏ္ဍာရေးဝန်ကြီးဌာနဝန်ကြီးအဖြစ် ဦးစိုးဝင်းကို သမ္မတမှ အမည်စာရင်းတင်သွင်း ခဲ့သည်။ ဦးစိုးဝင်းသည် ဘဏ်လုပ်ငန်းနှင့်ပတ် သက်၍ ကျွမ်းကျင်သူတစ်ဦးဖြစ်ကာ နိုင်ငံတကာ နှင့် ပြည်တွင်းအကြံပေးပညာရှင်အဖြစ် လုပ် ငန်းအတွေ့အကြုံမှာ ၄၆ နှစ် ရှိပြီဖြစ်သည်။ မြန်မာ့စီးပွားရေးဘဏ်တွင်လည်း ဒုတိယမန် နေဂျာအဖြစ် ၁၉၆၁ ခုနှစ်မှ စတင်လုပ်ကိုင်ခဲ့ပြီး နောက်ပိုင်းတွင် နိုင်ငံတကာအကြံပေးကုမ္ပဏီ Deleitte Touche ၏ မြန်မာနိုင်ငံဆိုင်ရာ အစု စပ်ပိုင်ရှင်အဖြစ် တာဝန်ယူခဲ့ကြောင်း သိရသည်။

မည်သို့ပင်ဆိုစေကာမူ အရပ်သားအစိုးရ ၏သက်တမ်း နှစ်နှစ်ကျော်လာချိန်တွင် ဝန်ကြီး ချုပ်နှင့် ဝန်ကြီးများ ပြောင်းလဲမှုများအပေါ် NLD အစိုးရလက်ထက်တွင် ထင်သာမြင်သာ ရှိသဖြင့် ပြည်သူအများအပြား စိတ်ဝင်စားမှု ရှိခဲ့ပြီး လစ်လပ်နေရာများတွင် ထပ်မံခန့်အပ် မည့် ဝန်ကြီးများ၊ ဝန်ကြီးများထပ်မံနုတ်ထွက်မှု၊ ပြောင်းလဲမည့်နေရာတွင် ပြည်သူလူထုမှ ရွေး ချယ်တင်မြှောက်ခဲ့သော အစိုးရတစ်ရပ်အနေ ဖြင့် ပြည်သူ့ဆန္ဒနှင့် တစ်ထပ်တည်း ကျ မကျ၊ မည်သည့်အကြောင်းအရင်းကြောင့် နုတ်ထွက် ခွင့်ပြုခဲ့ခြင်း၊ တာဝန်ရပ်စဲခြင်းများကို ပြည်သူ လူထုမှ စောင့်ကြည့်လျက်ရှိသည်။

 

P2

Rate this item
(0 votes)
back to top