HIGHLIGHT NEWS
Main menu

Article [-- ဆောင်းပါများ ကဏ္ဍ --]

ဆင်းရဲသားများအတွက် ရန်ပုံငွေ  

ဆင်းရဲသားများအတွက် ရန်ပုံငွေ   

မောင်သိန်းညွန့်(ကော့ကရိတ်)

-----------------------------------

၂၀၁၈ ခုနှစ် စက်တင်ဘာလအတွင်းမှာ ဆင်းရဲသားများအတွက် ရန်ပုံငွေထူထောင်တဲ့သတင်းတွေကို ဖတ်ရတဲ့အခါမှာ လွန်စွာဝမ်းသာကြည်နူး ဖြစ်ရပါတယ်။ တစ်ကြိမ်တည်းမှာ ကျွန်တော်ပထမအကြိမ် လွှတ်တော်ကိုယ်စားလှယ်သက်တမ်းအတွင်း ဆင်းရဲမှုအဆင့် ၂၆ ရာခိုင်နှုန်းရှိတဲ့ မြန်မာနိုင်ငံသားတစ် ယောက်အနေနဲ့ သူတို့ရဲ့အစီအစဉ်တွေ၊ ပရဟိတရန်ပုံငွေ ထူထောင် ကြတဲ့သတင်းတွေကို လေ့လာသင်ယူပြီး ပြန်လည်မျှဝေလို့ရပါတယ်။

အစိုးရအဖွဲ့အနေနဲ့ဆိုရင် ပြင်သစ်နိုင်ငံသမ္မတ အီမန်နူရယ် မက်ခရွန်ရဲ့ ဆင်းရဲနွမ်းပါးမှုတိုက်ဖျက်ရေးအတွက် ယူရို ၈ ဘီလီယံ (ဒေါ်လာ ၉ ဒသမ ၃ ဘီလီယံ)တန်ဖိုးရှိတဲ့ အစီအစဉ်ပါ။ ချမ်းသာသူများအတွက် အခွန်လျှော့ပေးမှုကြောင့် ''လူချမ်းသာများ၏ သမ္မတ''လို့ ဝေဖန်ခံနေရတဲ့ မက်ခရွန်က ၁၃. ၉.၂ဝ၁၈ ရက်နေ့က သူ့ရဲ့ဆင်းရဲနွမ်းပါးမှု လျှော့ချရေးအစီအစဉ်ကို ထုတ် ပြန်ခဲ့ပါတယ်။ မည်သည့်ကဏ္ဍတွင် မည်ရွေ့မည်မျှ ငွေကြေးပမာ ဏသုံးစွဲမည်ကို အသေးစိတ်ထုတ်ပြန်ကြေညာခြင်း မရှိသော်လည်း အစိုးရအဖွဲ့အနေဖြင့် ပြည်သူလူထုရဲ့ အလုပ်အကိုင်အခွင့်အလမ်းများ ပြန်လည်ရရှိရန်နှင့် လုပ်ငန်းခွင်သို့ ပြန်လည်ရောက်လာနိုင်စေရန် အထောက်အကူပြုမည့်နည်းလမ်းများကို ဆောင်ရွက်သွားမည် ဖြစ်ကြောင်း ပြောရေးဆိုခွင့်ရှိသူက ပြောကြားခဲ့ပါတယ်။


သူ့ရဲ့အစီအစဉ်ထဲမှာ အဆင်းရဲဆုံးကလေးများကို နံနက်စာအခမဲ့ကျွေးခြင်း၊ ယူရိုရှစ်ဒေါ်လာသာ ပေးရမည့် ကျောင်းနေ့လယ်စာ ထောက်ပံ့ခြင်း၊ ဆင်းရဲသူများကို နေထိုင်ရာ ဒေသမှာ ကလေးထိန်းကျောင်း အသစ်များ ဖွင့်လှစ်ပေးခြင်း၊ အလုံးစုံအခမဲ့ ဆေးကုသခွင့်ရရှိရေး၊ အထက်တန်း ကျောင်းမှထွက်သည့်နှုန်း လျှော့ချရေးစသည်တို့ ပါဝင်ပါတယ်။ ဝင်ငွေနည်းပါးတဲ့ မိသားစုများမှ မွေးဖွားလာတဲ့ ကလေးများရဲ့ဘဝအခွင့်အရေးကို တိုးတက်ရန်ရည်ရွယ်ပြီး ဆင်းရဲနွမ်း ပါးမှုတိုက်ဖျက်ရေးကို ပြင်သစ်လို ဖွံ့ဖြိုးပြီးနိုင်ငံကပင် အရေးထားလာကြ ပါတယ်။


အရေးမထား၍လည်းမရပါ။ ယနေ့ကမ္ဘာပေါ်မှာ ဆင်းရဲမွဲတေသူအရေအတွက်ဟာ ၂ ဘီလီယံ ရှိနေပါပြီ။ ပြင်သစ်နိုင်ငံမှာလည်း ဆင်းရဲနွမ်းပါးသူအရေအတွက်က ၈ ဒသမ ၈ သန်းရှိပါတယ်။ လက်ရှိပြင်သစ်ရဲ့ ဆင်းရဲမွဲတေမှုနှုန်း ဟာ ၁၄ ရာခိုင်နှုန်းဖြစ်တယ်ဟု အမျိုးသားစာရင်းအင်းရုံး (INSEE) ကထုတ်ပြန်ထားပါတယ်။ ဒါကြောင့် မက်ခရွန်က သူ့ရဲ့နိုင်ငံရေးရွေး ချယ်မှုဖြင့် ဆင်းရဲနွမ်းပါးမှုလျှော့ချရေး နည်းဗျူဟာအသစ်များကို ဖော်ထုတ်လာတဲ့အတွက် အသိအမှတ်ပြုရမှာပါ။ ဒီလိုပါပဲ ပြည် သူလူထုရဲ့ စားဝတ်နေရေး လွတ်လပ်စွာ၊ လုံခြုံစွာ ဖွံ့ဖြိုးတိုးတက် ရေးအတွက် အဓိကတာဝန်ရှိတဲ့ အစိုးရမှန်သမျှက မိမိနိုင်ငံရဲ့ ဆင်းရဲနွမ်းပါးမှု လေ့လာရေးဆိုင်ရာ သုတေသနအဖွဲ့များဖွဲ့စည်းပြီး ဆင်းရဲနွမ်းပါးမှု လျှော့ချရေးဆိုင်ရာ အထူးကော်မတီများဖွဲ့ပြီး လက်တွေ့ အလုပ်လုပ်ပြရပါလိမ့်မယ်။


သူတို့လို ဖွံ့ဖြိုးပြီးနိုင်ငံတွေမှာတော့ အစိုးရများ၊ သာမန်လူချမ်းသာများကပင် ဆင်းရဲသားများအတွက် ပရဟိတရန်ပုံငွေများ ထူထောင်နေကြပါပြီ။ မိုက်ခရိုဆော့(ပ်) တည်ထောင်သူ ဘီလ်ဂိတ်စ်ဟာ သူပိုင်ဆိုင်တဲ့ ဒေါ်လာဘီလီယံထောင်ပေါင်းများစွကို ၎င်းရဲ့ဖောင်ဒေးရှင်းကို လှူဒါန်းခဲ့ပါတယ်။ Facebook တည် ထောင်သူ မာခ်ဇူကာဘတ်ကလည်း ကုမ္ပဏီရှိ ၎င်းပိုင်ရှယ်ယာ ၉၉ ရာခိုင်နှုန်းကို ပရဟိတအဖွဲ့သို့ လှူဒါန်းမယ်လို့ ကတိပြုထားပါပြီ။ အခုလည်း ကမ္ဘာပေါ်မှာ အချမ်းသာဆုံးပုဂ္ဂိုလ်ဖြစ်တဲ့ အမေဇုန်ကုမ္ပဏီတည်ထောင်သူ ဂျက်ဇ်ဘဲဇိုစ်နှင့် ဇနီးဖြစ်သူ မက်ကန်ဇီးတို့က အိမ်ခြေရာမဲ့မိသားစုများကို အကူအညီပေးရေး၊ ဝင်ငွေနည်းရပ်ကွက်များတွင် မူကြိုကျောင်းများတည်ထောင်ရန် ပရဟိတရန်ပုံငွေတစ်ခုကို တည်ထောင်လိုက်ပါပြီ။ အဲဒီအတွက် ကနဦးထည့်ဝင်ငွေအဖြစ် ဒေါ်လာနှစ်ဘီလီယံကို သတ်မှတ်ထားပါတယ်။


သူတို့အစိုးရနှင့် သူတို့နိုင်ငံရဲ့ ချမ်းသာသူများက အာဟာရ ချို့တဲ့သူများ၊ ကျောင်းမနေနိုင်သူများ အလုပ်လက်မဲ့များအတွက် ကြိုးပမ်းဆောင်ရွက်နေမှုများကို ဖတ်ရကြားရတဲ့အခါမှာ ကျွန်တော်တို့နိုင်ငံက ဆင်းရဲသူများအတွက် မိမိတို့လက်ထက်မှာ ဘာလုပ်ကြမလဲ၊ ကမ္ဘာ့ဘဏ်သတ်မှတ်ချက်အရ နှစ်စဉ်ဝင်ငွေ အမေရိကန် ဒေါ်လာ ၃၇ဝ ထက် လျော့နည်းရရှိသူ ဆင်းရဲနွမ်းပါးသူ အရေအတွက်ဟာ မြန်မာနိုင်ငံမှာ ယနေ့ဘယ်ရာခိုင်နှုန်းရှိနေပြီလဲ၊ ဆင်းရဲချမ်းသာကွာဟမှုကလည်း ဘယ်အဆင့်ကို ဆိုက်ရောက်နေပြီလဲ။


ယနေ့ ဆန်၊ ဆီ၊ သားငါး၊ အာလူး၊ ကြက်သွန်များ ဈေးနှုန်း မြင့်တက်နေတဲ့ စားရေးအတွက် ဆင်းရဲသူများဟာ ဘယ်လိုဖြေရှင်း နေရပါသလဲ။ သူတို့ ကလေးတွေ အတွက် ရပိုင်ခွင့်များ လက်လွှတ်ဆုံးရှုံးနေရမှုကို ဘယ်လိုကုစား ပေးနေကြပြီလဲ။ မြင့်မားလှတဲ့ အိမ်လခ ဈေးနှုန်းတွေအောက်မှာ ဆင်းရဲသူများရဲ့ နေထိုင်ရေးဟာလည်း ဘယ်လိုအခြေအနေ ရှိနေပါသလဲ။ စေတနာရှင်လူများကြောင့် အဝတ်သစ်များ ဝတ်ဆင်နိုင်သူအရေအတွက် ဘယ်ရွေ့ဘယ်မျှရှိနေပြီလဲ။ ပြည်တွင်း အလုပ်အကိုင်ရှားပါးမှုကြောင့် နိုင်ငံခြားထွက်ခွာသူအရေအတွက်ဟာ ထိုင်းနိုင်ငံမှာ သုံးသန်းကျော်နှင့် မလေးရှား၊ စင်ကာပူစတဲ့ နိုင်ငံတွေပေါင်းရင် လူဦးရေလေးသန်းကျော်လို့ ဆိုနေကြပါပြီ။


ချုပ်၍တင်ပြရလျှင် ဆင်းရဲနွမ်းပါးမှုလျှော့ချရေးအတွက် အစိုးရများဟာ အခွင့်အလမ်းဆိုင်ရာမူဝါဒ၊ ဝင်ငွေလုံခြုံရေးဆိုင် ရာမူဝါဒများ ရှင်းရှင်းလင်းလင်းချမှတ်ပြီး အလုပ်အကိုင်အခွင့် အလမ်းများပံ့ပိုးပေးခြင်း၊ အစားအစာကူညီထောက်ပံ့မှု အစီအစဉ်များချမှတ်ခြင်း စသည်တို့ အကောင်အထည်ဖော်ဖို့လိုပါတယ်။ တစ်ကြိမ်တည်းမှာ ကျွန်တော်တို့နိုင်ငံက ချမ်းသာသူများအပါအဝင် ပရဟိတစိတ်ရှိသူအားလုံးကလည်း ဘဝအကျပ်အတည်းများ ကြောင့် ဒုက္ခပင်လယ်ဝေနေတဲ့ ဆင်းရဲနွမ်းပါးသူများအတွက် မိမိတို့တတ်နိုင်သမျှ ကိုယ်ပိုင်နည်းလမ်းများ ကူညီနေမှုများကို အရှိန် မြှင့်ကြပါလို့ တိုက်တွန်းပါရစေဗျာ....။ ။

မောင်သိန်းညွန့်(ကော့ကရိတ်)

#democracytoday

<<<<<<<<<<>>>>>>>>>>>

Rate this item
(0 votes)
back to top