HIGHLIGHT NEWS
Main menu

Article [-- ဆောင်းပါများ ကဏ္ဍ --]

ပိုမို အရွယ်ကျစေသော အကြောင်းရင်းများ

ပိုမို အရွယ်ကျစေသော အကြောင်းရင်းများ

ဒေါက်တာလွင်သန့်

ယနေ့ခေတ်ကဲ့သို့ သုတ်သုတ်လုပ်၊ သုတ်သုတ်သွား၊ သုတ်သုတ်စားကာလမှာ လူသားတို့အနေဖြင့် စိတ်မထားတတ်ပါက ပတ်ဝန်းကျင်အစားအသောက်နှင့် နေထိုင်မှုစရိုက်များသည် အသက်အရွယ်ကို အမြန်အိုမင်းရင့်ရော်စေသည်။ ပတ်ဝန်းကျင်၊ နေထိုင်မှုစရိုက်၊ အစားအသောက်၊ စားသုံးဆီ၊ မကောင်းသော အဆီနှင့်စနပ်များ ချက်ပြုတ်နည်းများအစရှိသဖြင့် ခွဲ ခြားစိုးမိုးထားပါသည်။

ပတ်ဝန်းကျင်
ပတ်ဝန်းကျင်ကို ရွေးချယ်ရခက်ခဲမည်ဖြစ်သည်။ မြို့ပြပတ်ဝန်းကျင်မှ လေထုညစ်ညမ်းမှုကို မရှောင်နိုင်ပါ။ ကောင်းမွန်သော ပတ်ဝန်းကျင်မှာ စက်ရုံအလုပ်ရုံနီးသော အရပ်တွင်မနေသင့်ပါ။ လေကောင်းလေသန့်ရသော ကမ်းခြေနှင့်နီးသောမြို့၊ ရွာများက ပိုပြီးသင့်လျော်ပါသည်။ ပျော်ရာမှာမနေတော်ရာမှာနေရဆိုသော စကားနှင့်အညီ၊ လူတို့သည် မိမိတို့ အလုပ်အကိုင်နှင့်အဆင်ပြေရာမှာ နေထိုင်ကြရပါသည်။


နေထိုင်မှုစရိုက်
လူသားတို့ငယ်ရွယ်စဉ် လူမှန်းသိတတ်သော အချိန်မှစ၍တစ်ကိုယ်ရေသန့်ရှင်းမှုကို ဂရုပြုဆောင်ရွက်ကြရပေမည်။ လက်ဦးဆရာ မိဘများ၏သင်ပြမှု၊ ကျောင်းမှကျန်းမာရေးပညာပေးမှုတို့ကို ဘဝတစ်လျှောက်လိုက်နာဆောင်ရွက်သင့်ပေသည်။ လူသားတို့ငယ်ရွယ်စဉ် ကလေးဘဝမှစ၍ ကိုယ်လက်လှုပ်ရှားအားကစား နေ့စဉ် နာရီဝက်မှတစ်နာရီအပြေး၊လမ်းလျှောက်၊ စက်ဘီးစီး၊ ရေကူးပြုလုပ်ပေးသင့်သည်။ အသက်ကြီးမှ ရောဂါတစ်ခုခုရှိမှ ဆရာဝန်က ''လေ့ကျင့်ခန်းလုပ်ပါ ဆိုသည့်အချိန်မှာ ထင်သလောက် မလုပ်ကိုင်နိုင်ကြ တော့ပါ။ ငယ်ရွယ်စဉ် ကတည်းက လေ့ကျင့်ခန်းလုပ်သူများမှာ အခက်အခဲမရှိဆက်လက်လုပ်ကိုင်နိုင်မှာ ဖြစ်သည်။


အစားအသောက်
အစားအသောက်မှ မသင့်သောအစားအစာများရှိ နေသည်။ သကြားဓာတ်မှာ တစ်နေ့တာအတွက် ဘယ်နှဇွန်းစားသလဲ အလွန်အရေးကြီးသည်။ အနောက်နိုင်ငံများတွင် သွေးတွင်းသကြားဓာတ်ပမာဏလွန်ကဲနေပါက သင်၏ရုပ်ရည်ကို အမြန်အိုမင်း ရင့်ရော်စေသည်။ သွေးအတွင်းသကြားဓာတ် (Blood Suger) များပါကသင်နှင့်သက်တူရွယ်တူထက် အိုမင်းနေလိမ့်မည်။ သွေးအတွင်း သကြားတက်သည့် တစ်သျှူးမှ ကော်လဂျင်နှင့်ပေါင်းပြီး ပင်ကိုကော်လဂျင်၏ပျော့ပျောင်းလွယ်မှု (Flexibility)ကိုကျဆင်း စေသည်။ ကော်လာဂျင်၏ လုပ်ငန်းများမှသင့်လျော် သောအသားအရေကို နုပျိုတင်းရင်းစေရန် အထူးအရေးပါသော ဓာတ်ပစ္စည်းဖြစ်သည်။ သွေးတွင်းသကြားဓာတ်များပါက အင်ဆူလင်ထုတ်လုပ်မှုနှုန်းကို ကျဆင်းစေသဖြင့် သင့်အား အိုမင်းစေသည်။ ယင်းအပြင်နှလုံးရောဂါ၊ ဆီးချိုရောဂါများပါဖြစ်လာစေနိုင်သည်။


စားသုံးဆီ
ကျန်းမာရေးနှင့် မညီညွတ်သော စားအုန်းဆီ (Unhealthy Vegetable Oil) များ သုံးခြင်းဖြင့် ခန္ဓာကိုယ်အတွင်းဖရီးရယ်ဒီကယ် (Free Radicals) များထွက်လာပြီး အောက်ဆီဂျင်ကိုခွဲယူအသုံး ပြုသဖြင့်ပုံမှန်ဆဲလ် (Cells) များအောက်ဆီဂျင်ကို အသုံးမပြုနိုင်၍ အမြန်အိုမင်းရင့်ရော်စေသည်။ အရေ ပြားတွန့်ခြင်း၊ အမြင်အာရုံမှုန်ဝါးခြင်း၊ ဆံပင်ဖြူခြင်းများ စောစီးစွာဖြစ်ပေါ်လာစေသဖြင့် စားသုံးဆီကို မပြည့်ဝဆီ၊ နှမ်းဆီ၊ နေကြာဆီ၊ မြေပဲဆီ၊ သံလွင်ဆီတို့ကိုသာ အသုံးပြုသင့်ပါသည်။


မြေထဲပင်လယ်အစာ (Mediterranean Food)
မြေထဲပင်လယ်အစာက အိုမင်းခြင်းကိုရှောင် လွှဲနိုင်သည်။ ပင်လယ်ငါး၊ သံလွင်ဆီနှင့် ဟင်းသီးဟင်းရွက်တို့ သင့်ရုံချက်ပြုတ်စီစဉ်ထားခြင်းပဲဖြစ်ပါတယ်။ မကောင်းသော အဆီပြည့်ဝဆီတို့တွင် အိုမီဂါ (၆) အဆီများစွာပါဝင်သဖြင့် ဆိုးရွားသောရောဂါများ ဖြစ်သော ဆီးချိုရောဂါ၊ အယ်ဇိုင်းမား (Alzheimer)ရောဂါ၊ မှတ်ဥာဏ်စောစီးချို့တဲ့ရောဂါ၊ နှလုံးသွေး ကြောရောဂါ၊ သွေးတိုးနှင့်ကင်ဆာရောဂါများဖြစ်စေနိုင်သည်။ သင့်ရုံမျှဆိုပါက ခန္ဓာကိုယ်အတွက် မသိသာသော်လည်း ယင်းထက်ပိုများလာပါက ဆိုးကျိုးများစွာ ရရှိနိုင်ပါသည်။ ကျန်းမာရေးအတွက် မပြည့် ဝဆီ၊ မြေပဲဆီ၊ နှမ်းဆီ၊ နေကြာဆီတို့ကို ရွေးချယ်စားသုံးသင့်ပါသည်။


စနပ် (Snap)
စနပ် (Snap) အစာ(သို့မဟုတ်) အလွယ်စား၍ ရသောအစာမှာ ပါဝင်သောဆိုဒါ၊ ဖော့စပိတ်နှင့် တာရှည်ခံအောင်ပြုလုပ်ထားသော အသင့်စား၊ အမြန်စား အစာ (ဟမ်ဘာဂါ၊ ဆင်ဒဝစ်၊ ပီဇာ၊ အာလူးချောင်း ကြော်များသည် လူကိုအချိန်မတိုင်မီ အိုမင်းစေပါသည်။)


အစားအသောက်များကိုချက်ပြုတ်သော အပူချိန်
သင်ဝယ်ယူထားသောအသား၊ ဟင်းသီးဟင်းရွက်တို့သည် သဘာဝစီမံထားသောအော်ဂဲနစ် (Organic Product )များဖြစ်သော်လည်းချက်ပြုတ် ရာတွင် အပူချိန်ပြင်းထန်ပါက ယင်းတွင်ပါဝင်သော သက်စောင့်ဓာတ်များ သတ္တုဓာတ်များပျက်စီးသွားသ ဖြင့် ကျန်းမာရေးနှင့်မညီသော အစားအစာများဖြစ်သွားနိုင်ပါသည်။ အပူချိန်ပြင်းထန်ပါက (Advance Glycations End Products- AGES) ဖြစ်သွားပြီး ခန္ဓာကိုယ်တွင်းအန္တရာယ်ဖြစ်စေနိုင်သည်။ သင်၏အစားအသောက်များကို အပူချိန်နည်းနည်းနှင့် ကြာကြာချက်ပြုတ် (Slow Cook) စားနိုင်ခြင်းဖြင့် ကာကွယ်နိုင်ပါသည်။


အစားအသောက်များကိုပြုတ်ခြင်း (Boiling)
အစားအသောက်များကို ပြုတ်ခြင်း၊ ပေါင်းခြင်း၊ ကင်ခြင်း၊ ရေနွေးငွေ့ပေးခြင်း (Steaming) လုပ်၍ စားသောက်ပါက အရွယ်ကျစေခြင်းကိုလျော့နည်း စေ၍ ဆီကြော်များစားသုံးခြင်း ရှောင်သင့်ပါသည်။


တီလိုမာ (Telomeres) နည်း
''တီလိုမာ'' စကားလုံးမှာ လူတို့ခန္ဓာ၊ ဘဝတစ်သက်တာအတွက်အရေးကြီးသည့် တီလိုမာ(Telomeres) သည်ခန္ဓာကိုယ်ရှိ ဒီအင်န်အေအမျှင်တန်းများကို အကာအကွယ် (Cup)အနေနှင့်ဆောင်ရွက်သည်။ ယင်းမရှိပါက ဒီအင်န်အေပုံစံ (DNA Strand) များပျက်စီးဆုံးရှုံးရသည်။ လူတို့အသက်အရွယ် အိုမင်းလာသည်နှင့်အမျှ တီလိုမာများတဖြည်းဖြည်း လျော့နည်းလာတတ်သည်။  လူသားတို့သည် တီလိုမာ(Telomers)များ အချိန်စောစွာ ပျက်စီးလျော့နည်းသွားခြင်းကို ကာကွယ်ရန်လိုအပ်သည်။ သိပ္ပံနည်းအရ အသွင်ပြောင်းအစာ (Proce ssed Food) များစားခြင်းအားဖြင့် ''တီလိုမာ'' များလျော့စေသည်။ အသွင်ပြောင်းအစာ(Processed Food)  ရှောင်၍၊ အော်ဂဲနစ်သီးနှံများ ရွေးချယ်စား သုံးခြင်းကပို၍ ကောင်းမွန်ပါသည်။


အိုမင်းခြင်း (Graceful Aging)
အထက်ပါဖော်ပြပါ အကြောင်းရင်းများကို သိရှိကြပြီးနောက် ဗဟုသုတအသိပညာကြွယ်ဝ၍ ရှောင်ရှားသင့်သည်ကိုရှောင်၊ ဆောင်သင့်သည်ကို ဆောင်ထားပါက ကျွန်ုပ်တို့၏ အိုမင်းခြင်းကိုတားဆီး လျော့ကျနိုင်ပါသည်။ အလုံးစုံလျော့ကျခြင်းမှာမူ မဖြစ်နိုင်ပါ။ ။

 

ဒေါက်တာလွင်သန့်

#democracytoday

Rate this item
(0 votes)
back to top