RelatedPosts
ရန်ကုန်၊ မတ် ၁-သီလ၀ါအထူး စီးပွားရေးဇုန်တွင် လက်ရှိအချိန်ထိ ရင်းနှီးမြှုပ်နှံမှုပမာဏ အမေရိကန် ဒေါ်လာတစ်ဘီလီယံပြည့်သွားပြီ ဖြစ်ပြီး ဘီလီယံ ၄၀ ခန့်အထိ ရင်း နှီးမြှုပ်နှံမှုရရှိနိုင်ဟု ပညာရှင်များ ခန့်မှန်းထားကြောင်း စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န် ကြီးဦးဆက်အောင်ကပြောသည်။
မတ်လ ၁ရက်က သီလ၀ါအ ထူးစီးပွားရေးဇုန်တွင် JETRO က စီစဉ်ကျင်းပသည့် သီလ၀ါအထူးစီး ပွားရေးဇုန် နောက်ဆုံး အခြေအနေ နှင့် ပတ်သက်သည့် သတင်းစာရှင်း လင်းပွဲ၌ ဒုဝန်ကြီးက အထက် ပါအတိုင်းပြောကြားခဲ့ခြင်း ဖြစ် သည်။
“ဒီထဲမှာတော့ ၄၀ ဘီလီယံ လောက်ထိဝင်လာမယ်လို့ ခန့်မှန်း ထား တာပေါ့။ ဒါကတော့ expert တွေက analysis ပေါ်မူ တည်ပြီးတော့ ခန့်မှန်းထားတာဖြစ်ပါတယ်” ဟု ၎င်း ကဆိုသည်။
သို့သော်လည်း ရင်းနှီးမြှုပ်နှံမှု မည်မျှရရှိမည်ဆိုသည့် ရည်ရွယ် ချက်ထက် ရိုးရှင်းကောင်းမွန်ပြီး အားလုံးအတွက်အဆင်ပြေစေနိုင် မည့် ရင်းနှီးမြှုပ်နှံမှုဝန်းကျင်ကိုဖန် တီးနိုင်ရန်သာရည်ရွယ်ကြောင်း ၎င်းင်း ကဆက်လက်ပြောသည်။
သီလ၀ါအထူးစီးပွားရေးဇုန် နှင့်ပတ်သက်ပြီး ဂျပန်အစိုးရက ၂၀၁၃ ခုနှစ်တွင် ကွင်းဆင်းလေ့ လာတွေ့ရှိချက်များအရ သီလ၀ါ အထူးစီးပွားရေးဇုန်ဖော်ဆောင် ပါက အလုပ်သမား ၃၈၀၀၀၀ ခန့် အလုပ်အကိုင်ရရှိနိုင်မည်ဟု ခန့်မှန်း ခဲ့သော်လည်း ယခုပြန်လည်လေ့လာ တွက်ချက်မှုများအရ နောင်တွင် အလုပ်သမား ၁၅ သိန်းခန့်ကို အလုပ်အကိုင်ပေးနိုင်မည်ဟုတွေ့ရှိ ရကြောင်း ဂျပန်နိုင်ငံအစိုးရစက်မှု၊ စီးပွား/ကူးသန်းဝန်ကြီးဌာန၊ ကုန် သွယ်ရေးနှင့် စီးပွားရေး ပူးပေါင်း ဆောင် ရွက်မှုဆိုင်ရာ ဦးစီးဌာန မှ ဒုတိယညွှန်ကြားရေးမှူး ချုပ်က သတင်းစာရှင်းလင်းပွဲတွင်ပြော သည်။
“ဒါဟာ အရင်ခန့်မှန်းထား တာထက် လေးဆလောက်ပိုမို များ ပြားပါတယ်” ဟု ၎င်းင်းကဆိုသည်။
ယင်းအပြင် ယခင်ကွင်းဆင်း လေ့လာချက်များအရ သီလ၀ါ အထူးစီး ပွားရေးဇုန်မှ နောင်တွင် ကန်ဒေါ်လာ ၂၄ ဒသမ ၈ ဘီလီ ယံခန့် အကျိုးအမြတ်ရှိနိုင်မည်ဟု ခန့်မှန်းခဲ့သော်လည်း ယခုလာ ရောက် လုပ်ကိုင်မည့် ကုမ္ပဏီများ အပေါ် အခြေခံ၍ ပြန်လည်တွက် ချက်ကြည့်သည့်အခါ ၄၅၇ ဘီလီ ယံခန့်အထိ အကျိုးအမြတ်ရရှိနိုင် ရန် အလားအလာရှိနေကြောင်း ၎င်း က ဆက်လက်ပြောကြားခဲ့သည်။
သီလ၀ါအထူးစီးပွားရေးဇုန် တွင် လည်ပတ်နေသည့် စက်ရုံ ၄၀ ခန့်ရှိပြီဖြစ်သော်လည်း ထုတ်လုပ်မှု ပမာဏနှင့်ပတ်သက်ပြီး အသေး စိတ်မပြောနိုင်သေးကြောင်း ဒုတိယ ၀န်ကြီးဦးဆက်အောင်ကပြော သည်။
သီလ၀ါအထူးစီးပွားရေးဇုန် ၌ လက်ရှိအလုပ်အကိုင်ပေးထား နိုင်သည့် ပမာဏနှင့်ပတ်သက်ပြီး အတိအကျမပြောနိုင်သော်လည်း အထူးစီးပွားရေးဇုန်အတွင်း လက် ရှိအလုပ်လုပ်ကိုင်နေသည့် ရာခိုင် နှုန်း ၈၀ မှာ သန်လျင်၊ ကျောက် တန်းမှ ဒေသခံ များဖြစ်ကြောင်း ၎င်းင်း ကဒီမိုကရေစီတူဒေးသို့ပြောသည်။
ဇုန်(က)တွင် စက်ရုံများအတွက် မြေနေရာစုစုပေါင်း၏ ၉၆ ရာခိုင် နှုန်းကို ရောင်းချပြီးဖြစ်ကြောင်း သိရသည်။
HWA/Democracytoday
Discussion about this post