RelatedPosts
ရန်ကုန်၊ စက်တင်ဘာ ၂
ပဲခူးကမ္ဘောဇသာဒီ နန်းတော်ကြီးဝင်းအတွင်းရှိ တူးဖော်ဆဲကုန်းများနှင့် မြေအောက်ရှိ အမွေအနှစ်များကို အထိခိုက်မခံဘဲ ခရီးသွားများအား ဆွဲဆောင်နိုင်မည့် Historical Park ပြုလုပ်နိုင်ရန် ဆွေးနွေးတိုင်ပင်မှုများရှိကြောင်း ရှေးဟောင်း သုတေသနနှင့် အမျိုးသားပြတိုက်ဦးစီးဌာန(ပဲခူး)မှ သိရသည်။
အဆိုပါ နန်းတော်ကြီးအား ခရီးသွားများ စိတ်ဝင်စားရန် အဆင့်မြှင့်တင် ထိန်းသိမ်းခြင်းလုပ်ငန်းများကို ဆောင်ရွက်ရန်ရှိနေပြီး အမွေအနှစ်များထိခိုက်မှုမရှိ အောင်ဦးစားပေး ဆောင်ရွက်မည်ဟုဆိုသည်။ ”ကမ္ဘောဇသာဒီ နန်းတော်ကြီးမှာ ရှေးဟောင်းယဉ်ကျေးမှု တွေထိခိုက်မှုမရှိဘဲ အဆင့်မြှင့်တင်ထိန်းသိန်းရေးတွေ လုပ်ဖို့ရှိပါတယ်။ အဓိကကတော့ ပြည်တွင်း၊ ပြည်ပခရီးသွားတွေကို ဆွဲဆောင်ဖို့ Historical Park တစ်ခုလုပ်ဖို့ ပဲခူးတိုင်းဒေသကြီး အစိုးရရယ်၊ အသိပညာရှင်၊ အတတ်ပညာရှင် တွေ၊ ရှေးဟောင်းသုတေသနဌာနကသူတွေ ပူးပေါင်းလုပ်ဖို့ရှိပါတယ်။ အခုကတော့လုပ်ဖို့ ဆွေးနွေးတိုင် ပင်နေတဲ့အဆင့်မှာပဲ ရှိပါတယ်”ဟု ရှေးဟောင်းသုတေသနနှင့် အမျိုးသားပြတိုက်ဦးစီးဌာန(ပဲခူး) ညွှန်ကြားရေးမှူး ဦးညိုမြင့်ထွန်း ကစက်တင်ဘာ ၁ရက်တွင်ပြောသည်။
ရှေးဟောင်းအမွေအနှစ်များ ရှိသောနေရာ ဖြစ်သောကြောင့် အပင်များစိုက်ရန် မြေနက်နက် တူးခြင်းပြုလုပ်မည်မဟုတ်ကြောင်း နှင့်တူးဖော်ဆဲကုန်းများကို ရှောင်ကွင်းသွားမည် ဖြစ်ကြောင်းသိရသည်။ ”တကယ်လို့ လုပ်ဖြစ်ခဲ့ရင် တော့ တူးဖော်ဆဲကုန်းတွေကို ရှောင်ကွင်းဆောင်ရွက်မယ်။ ပေ ၁၂ဝ ခန့်အကွာလောက်ကနေ ဆောင်ရွက်မယ်။ တူးတာတွေကို တတ်နိုင်သလောက် ရှောင်မယ်။ တစ်ပေလောက်ပဲတူးမယ်။ အားလုံး ကို အနီးကပ်စောင့်ကြည့်ပြီး မြေ အောက်က ရှေးဟောင်းပစ္စည်း တစ်ခုခုတွေ့တာနဲ့ လုပ်တာတွေကို ရပ်ဆိုင်းထားပါမယ်။ အမွေအနှစ် တွေကိုပျက်စီးအောင် ထိခိုက်အောင် မလုပ်ဘူး”ဟု ၎င်းကဆက်လက် ပြောသည်။
ကမ္ဘောဇသာဒီ နန်းတော်ကြီးကိုခရီးသွားများစိတ်ဝင်စား လာရန်ထိုင်းမိဖုရား၏ ပုံတူရုပ်တု ထားရှိရန် သာသနာရေးနှင့်ယဉ် ကျေးမှုဝန်ကြီးဌာန ပြည်ထောင်စု ဝန်ကြီးက လမ်းညွှန်ခဲ့ဖူးသလို နိုင်ငံတကာတွင် နန်းတော်များကို လူအများစိတ်ဝင်စားစေရန်နန်းတွင်း ဝတ်စုံများဖြင့်လူများကို နမူနာထားရှိပြီး ထိုလူများမှဓာတ်ပုံ အရိုက်ခံခြင်း၊ သမိုင်းကြောင်းရှင်းလင်းပြောပြခြင်းများ ဆောင်ရွက် လေ့ရှိကြောင်းနှင့် ယင်းကဲ့သို့လည်း ဆောင်ရွက်ရန်အစီအစဉ် ရှိကြောင်းသိရသည်။
TTHL
#democracytoday
Discussion about this post