HIGHLIGHT NEWS
Main menu

Business News [-- စီးပွားရေး သတင်းများ --]

ဒေါ်လာဈေးပြန်အကျမှာ ဘာကြောင့် စက်သုံးဆီဈေးနှုန်းက တက်

ဒေါ်လာဈေးပြန်အကျမှာ ဘာကြောင့် စက်သုံးဆီဈေးနှုန်းက တက်

မင်းဗညား

ရန်ကုန်

နိုင်ငံခြား ငွေလဲလှယ်မှုနှုန်းထားသည် ပြည်တွင်းဈေးကွက်အတွင်း အမြင့်ဆုံးသို့ စံချိန်တင် ရောက်ရှိခဲ့ရာမှ အောက်တိုဘာ ပထမပတ်အတွင်း တရိပ်ရိပ် ပြန်လည်ကျဆင်းလာခဲ့သည်။ တစ်ဒေါ်လာလျှင် မြန်မာငွေကျပ် ၁၆ဝဝ ကျော်ခန့်အထိ စံချိန်တင် မြင့်တက်ခဲ့ရာမှ အဝယ်ဈေး ၁၄၉ဝ ကျပ်၊ ရောင်းဈေး ၁၅၂ဝ ကျပ် ဝန်းကျင်အထိ ပြန်လည်ကျဆင်းလာခဲ့သည်။ နိုင်ငံခြားငွေလဲလှယ်ဈေးနှုန်း ပြန်လည် ကျဆင်းလာချိန်တွင်မူ ထိုအခြေအနေနှင့်အတူ မြင့်တက်ခဲ့သည့် ပြည်တွင်းဈေးကွက်ရှိ စက်သုံးဆီဈေးနှုန်းမှာ တက်ဈေးဖြင့်သာ ရပ်တည်လျက် ရှိနေခြင်းကြောင့် ပြည်တွင်းဈေးကွက်သို့ ရိုက်ခတ်မှုများ ရှိနေဆဲဖြစ်သည်။

စံချိန်တင်မြင့်တက်ခဲ့သည့် ကန်ဒေါ်လာ

အမေရိကန်နှင့် တရုတ်နိုင်ငံတို့၏ ကုန် သွယ်မှုမူဝါဒ အပြောင်းအလဲများကြောင့် စီး ပွားရေးကျပ်တည်းမှုသည် ကမ္ဘာ့နိုင်ငံအသီးသီး သို့ ရိုက်ခတ်မှုများရှိခဲ့သည်။ ထိုအထဲတွင် မြန် မာနိုင်ငံသည်လည်း တစ်ခုအပါအဝင်ဖြစ်ပြီး ရိုက်ခတ်မှုဒဏ် ပြင်းထန်ခဲ့သည်။ ထိုဂယက် ကြောင့် မြန်မာကျပ်ငွေ တန်ဖိုးကျဆင်းမှုနှင့် အတူ ငွေကြေးဖောင်းပွမှုများ မြင့်တက်ခဲ့သည်။ ထို့အပြင် စီးပွားရေးလုပ်ငန်းရှင်အချို့၏ ဈေး ကစားမှုကြောင့် ဈေးကွက်အတွင်း အထိနာခဲ့ရ ပြန်သည်။ 

 

လက်တွေ့ဘဝတွင်မူ ပြည်သူများသည် တရိပ်ရိပ် မြင့်တက်လျက်ရှိသည့် ကုန်ဈေးနှုန်း ကြီးမြင့်မှုဒဏ်ကို ခါးစည်းခံနေကြရသည်။ အခြေ ခံလူတန်းစား ပြည်သူများအနေဖြင့် ဝင်ငွေနှင့် ထွက်ငွေ မမျှတမှုများကြောင့် ညည်းတွားသံများ ပိုမိုတိုးပွားလျက်ရှိချိန်လည်း ဖြစ်သည်။စက်တင်ဘာနောက်ဆုံးပတ်ခန့်က အစိုးရတာဝန်ရှိသူများအနေဖြင့် ပြည်တွင်းရှိ နိုင်ငံခြား ငွေဈေးကွက်အတွင်း လက်ဝါးကြီးအုပ် ဈေးကစားနေမှုများကို အရေးယူဆောင်ရွက်သွားမည်ဟု ပြောကြားခဲ့သည်။ ထိုသို့ပြောကြားခဲ့ပြီး မကြာမီအချိန်အတွင်း အဆိုပါဈေးကွက်မှ လေး ဦးခန့်ကို ခေါ်ယူထိန်းသိမ်း၍ စုံစမ်းစစ်ဆေးခြင်းများ ဆောင်ရွက်ခဲ့သည်။ ထို့နောက် စံချိန်တင် မြင့်တက်ခဲ့သည့် ဒေါ်လာဈေးနှုန်းမှာ တရိပ်ရိပ် ပြန်လည်ကျဆင်းလာခဲ့သည်။ သို့သော် စံချိန်တင် မြင့်တက်ခဲ့သည့် ဒေါ်လာဈေးနှုန်းနှင့်အတူ မြင့်တက်ခဲ့သည့် ပြည်တွင်းစက်သုံးဆီဈေးနှုန်းကမူ တက်ဈေးနှင့်ပင် ရှိနေဆဲဖြစ်သည်။


''ဒေါ်လာဈေးက အရင်အပတ်က တအားခုန်တက်သွားတာက ဈေးကစားတဲ့လူတွေဝင်ပြီး ဈေးကစားတာပေါ့။ တချို့က ပြောတာတော့ ရွှေသမားတွေလို လေပတ်ကားလို့ ပြောတာ ပေါ့။ လေနဲ့ဝင်ပြီးတော့ အရောင်းအဝယ်လုပ်ကြတာ။ အဲဒါကြောင့် ဒေါ်လာဈေးက မလိုအပ်ဘဲနဲ့ ပြန်တက်သွားတာ။ နိုင်ငံတကာမှာက ဒေါ်လာဈေးက တက်တော့တက်တယ်။ ဒါပေမဲ့ ထိုင်းနဲ့မြန်မာကျပ်ငွေနဲ့ လဲလှယ်တဲ့နှုန်းမှာ ထိုင်းကအများကြီး အသာစီးရသွားတယ်။ ဒါကိုထောက် တော့ သူတို့က ဒေါ်လာနဲ့ သိပ်ပြီးမကွာဘူးဆိုတာကိုပြတာ''ဟု ပြည်တွင်း၌ ပို့ကုန်သွင်းကုန် ဆောင်ရွက်နေသည့် လုပ်ငန်းရှင်တစ်ဦးက ပြောသည်။


မြန်မာကျပ်ငွေ တန်ဖိုးကျဆင်းခဲ့မှု အခြေ အနေသည် ပြည်ပသက်ရောက်မှုများမှ စတင်ခဲ့သော်လည်း ပြည်တွင်း၌ စီးပွားရေးအခြေအ နေ မညီမျှမှု ပြဿနာများ၊ စီးပွားရေးနှင့် ပတ်သက်သည့် အခြေခံအားနည်းချက်များ ရှိနေ ကြောင်း အစိုးရအဖွဲ့ တာဝန်ရှိသူများက ပြော ဆိုထားသည်။ ထို့အပြင် ပြည်တွင်း၌ လိုအပ်ချက်ကြီး မားလျက်ရှိသည့် နိုင်ငံခြားငွေကြေးသည် တိုင်း ပြည်၏ ကုန်သွယ်မှုကဏ္ဍတွင် အရေးကြီးသည့် အခန်းကဏ္ဍမှ ပါဝင်လျက်ရှိခဲ့သည်။ ထို့ကြောင့် ကုန်သွယ်မှုလိုငွေ လျှော့ချနိုင်ရန်နှင့် ပြည်တွင်း စီးပွားရေး ဖွဲ့စည်းတည်ဆောက်မှု မှန်ကန်ခိုင်မာပြီး သက်ရောက်မှုအမျိုးမျိုးကို ခံနိုင်ရည်ရှိ စေရန်အတွက် အစိုးရအနေဖြင့် ပုဂ္ဂလိကကဏ္ဍမှ သက်ဆိုင်သူများနှင့်ထိတွေ့၍ ပြုပြင်ပြောင်းလဲမှုများကို ဆောင်ရွက်လျက်ရှိကြောင်း ထုတ် ဖော်ပြောဆိုထားသည်။


စက်သုံးဆီဈေးနှုန်းဂယက်

''ကားကတော့ ဆွဲမကောင်းဘူး။ ဆီဈေး တွေကတက်တော့ ပုံမှန်ဈေးနဲ့ တောင်းလို့မရ တော့ဘူး။ ခရီးသည်ကလဲ ဈေးတက်တော့ သိပ်မစီးတော့ဘူး။ CNG ကားတွေလိုလဲ ခရီးသည်ကို ပတ်ပြီးရှာလို့မရတော့ဘူး။ အခုတော့ ဆီဖိုးအရင်းကျေအောင် မနည်းဆွဲနေရတယ်။ အိမ် ကို ဈေးဖိုးကျန်အောင် မနည်းရှာနေရတယ်။ ဆီဈေးတက်တော့ အရင်က တစ်သောင်းဖိုးဆိုရင်ရတဲ့ ဂါလန်ပမာဏက အခုဈေးတက်တော့ နည်းသွားတယ်။ ပိုက်ဆံကပိုကုန်ပြီး အရင်လို မောင်းလို့မရတော့ဘူး''ဟု အငှားယာဉ်မောင်းတစ်ဦးက ပြောသည်။ 

 

inthis 10

 

ထို့အတူ တပ်မတော်မှ အငြိမ်းစားယူပြီး နောက် အငှားယာဉ်မောင်းနှင်နေသည့် ဗိုလ်ကြီးတစ်ဦးကလည်း ''ဒေါ်လာဈေး ကျပြန်တော့လဲ ဆီဈေးကမကျဘူး။ ဆီဈေးမကျတော့ တစ်နေ့ တစ်နေ့ ဆီဖိုးရအောင်ရှာရတာနဲ့ မိသားစုအတွက် အိမ်ဝင်ငွေရအောင် မနည်းရှာရနေတယ်။ အရင်ကထက်ပိုပြီးတော့ အလုပ်ချိန် ပိုများသွားတယ်။ ဒီလိုမှမရှာပြန်ရင်လဲ စားဖို့အတွက်တောင် ဈေးဖိုးရမှာမဟုတ်တော့ဘူး''ဟု ပြောသည်။  အဆိုပါအခြေအနေများသည် ပြည်သူများ လက်ရှိကြုံတွေ့နေရသည့် အခက်အခဲများ ဖြစ်သည်။ အငှားယာဉ်မောင်းများမှအစ အခြေခံ ကုန်စည်များနှင့် ထိတွေ့လျက်ရှိသည့် ပြည်သူများသည် အဆိုပါအခက်အခဲကို ခါးစည်းခံနေရဆဲ ဖြစ်သည်။


''စက်သုံးဆီဈေးကလဲ အမှန်က ဒီလောက်ကြီးတော့ မတက်ရဘူးပေါ့။ သူကတက်ပြီးရင်း တက်ရင်းနဲ့ ပြန်မကျဘူးဖြစ်နေတယ်။ အဲဒါကလဲ သူတို့စက်သုံးဆီအသင်းက ပြောနေကြတာပဲ။ အမှန်ကတော့ မဟုတ်ဘူး။ ဈေးတက်တုန်းက ဝယ်ထားတာမှ မဟုတ်တာ။ အရင် တချို့ လက်ကျန်တွေ အများကြီးရှိတယ်။ တက်စရာကို မလိုတာ။ ဒေါ်လာကျပြီဆို သူတို့ပြန်မကျ ဘူးဆိုတာ မဖြစ်သင့်ဘူးပေါ့''ဟု စီးပွားရေးပညာရှင်တစ်ဦးဖြစ်သည့် ဦးလှမောင်ကပြောသည်။  သို့သော် စက်သုံးဆီလုပ်ငန်းရှင်များကမူ ပြည်တွင်း၌ ဖြန့်ဖြူးရောင်းချလျက်ရှိသည့် စက်သုံးဆီများမှ လုပ်ငန်းရှင်များအနေဖြင့် အမြတ်ရာခိုင်နှုန်း နည်းပါးခြင်း၊ အာဆီယံနိုင်ငံများနှင့် နှိုင်းယှဉ်ပါက ဈေးနှုန်းသည် အနည်းဆုံးအခြေ အနေတွင်ရှိကြောင်း ပြောဆိုထားသည်။


ပြီးခဲ့သည့်ရက်ပိုင်းအတွင်းက နိုင်ငံတော် ဒုတိယသမ္မတ(၁) ဦးဆောင်သည့် ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီနှင့် ပုဂ္ဂလိက လုပ်ငန်းရှင်များ တွေ့ဆုံပွဲကို ကျင်းပခဲ့သည်။ ထိုအစည်းအဝေးတွင် စက်သုံးဆီလုပ်ငန်းကဏ္ဍနှင့်ပတ်သက်၍ မြန်မာနိုင်ငံ စက်သုံးဆီ တင် သွင်းရောင်းချဖြန့်ဖြူးရေးအသင်း ဗဟိုအလုပ်အမှုဆောင် ဦးသိန်းဝင်းဇော်နှင့် ယင်းအသင်း၏ အတွင်းရေးမှူးဖြစ်သူ ဒေါက်တာဝင်းမြင့်တို့က စက်သုံးဆီ တင်သွင်းမှုနှင့်ပတ်သက်သည့် အခွန်ကိစ္စများကို တင်ပြမှုများရှိခဲ့သည်။ ၎င်းတို့၏ တင်ပြချက်များတွင် ပြည်တွင်း သို့ စက်သုံးဆီတင်သွင်းရာတွင် ကြိုတင်ဝင်ငွေခွန် ၂ ရာခိုင်နှုန်း အကောက်ခွန် ၁ ဒသမ ၅ ရာ ခိုင်နှုန်း၊ ကုန်သွယ်ခွန် ၅ ရာခိုင်နှုန်း၊ အထူးကုန် စည်ခွန် ၅ ရာခိုင်နှုန်း စသည့် အခွန်စုစုပေါင်း ၁၃ ဒသမ ၅ ရာခိုင်နှုန်းကို အစိုးရသို့ပေးဆောင် နေရကြောင်း တင်ပြခဲ့သည်။


ထို့အတွက်ကြောင့် ပြည်ပမှ စက်သုံးဆီတင်သွင်းရာတွင် ကြိုတင်ဝင်ငွေခွန် ၂ ရာခိုင်နှုန်း ပေးသွင်းနေရခြင်းကြောင့် စက်သုံးဆီဈေးနှုန်း ကြီးမြင့်ကြောင်းနှင့် ထိုအခွန် ပေးသွင်းရာတွင် အခက်အခဲဖြစ်ပေါ်နေကြောင်း တင်ပြခဲ့သည်။ ထို့အပြင် ဝင်ငွေခွန် ၂ ရာခိုင်နှုန်းအား ကြိုတင်ပေးသွင်းရသည့်စနစ်ကို ပြောင်းလဲ၍ ၃လတစ်ကြိမ် ရှင်းလင်းပေးသွင်းပေးခွင့်ကို ခွင့် ပြုပေးရန်အတွက်လည်းတင်ပြခဲ့သည်။ ''အခု တော်တော်များများက အရင်းအောက်ကို လျှော့ရောင်းနေကြတယ်။ အကြောင်းအမျိုးမျိုးနဲ့ လျှော့ရောင်းတဲ့အခါကျတော့ နိုင်ငံခြား ဆီဈေးကျနေချိန် နဂိုကတည်းက အရင်းအောက်ကို ရောက်နေတယ်။ နိုင်ငံခြားဆီဈေးကလဲကျတယ်။ ဒေါ်လာဈေးကလဲကျတယ်ဆိုပေမယ့် နဂိုကတည်းက အရင်းမရတဲ့ဈေးဆိုတော့ အဲဒီကျသွားတဲ့ဈေးမှာ အရင်းပဲရသေးတဲ့အခါကျ တော့ မချနိုင်တော့ဘူး။ မချနိုင်တဲ့အခါကျ ပြင်ပ မြင်တဲ့အမြင်ကကျတော့ ဒေါ်လာဈေးနဲ့ စက်သုံးဆီဈေး ကျသွားတာကိုပဲ တွေ့တာ။ စော စောတုန်းက အရင်းဈေးအောက်ရောက်နေတာကို အဲဒီလောက်အထိ လိုက်ပြီးမတွေ့နိုင်ကြ တော့ဘူး။ မတွေ့နိုင်တဲ့အခါကျတော့ အထင်လွဲမှားစရာတွေ ဖြစ်တယ်''ဟု မြန်မာနိုင်ငံ စက် သုံးဆီ တင်သွင်းရောင်းချဖြန့်ဖြူးရေးအသင်း မှ အတွင်းရေးမှူး ဒေါက်တာဝင်းမြင့်က ရန် ကုန်တိုင်းမ်ဂျာနယ်နှင့်တွေ့ဆုံစဉ် ပြောဆိုခဲ့ခြင်း ဖြစ်သည်။

 

inthis 11


ဈေးကွက်အတွင်း စက်သုံးဆီဈေးနှုန်းများကို ရောင်းချရာတွင် လက္ကားစနစ်ဖြင့် ရောင်းချပါက အမြတ်ငွေ ၂ ရာခိုင်နှုန်းထက် မကျော်လွန်ရန်နှင့် လက်လီစနစ်တွင် ၄ ရာခိုင်နှုန်းဖြင့် ပိုမယူရန် ထို့အပြင် ဈေးနှုန်းလျှော့၍ ရောင်းချ ခြင်းနှင့် အရင်းဈေးနှုန်းအတိုင်း ရောင်းခြင်းများ ကို ပြုလုပ်နိုင်ကြောင်း မြန်မာနိုင်ငံ စက်သုံးဆီတင်သွင်းရောင်းချဖြန့်ဖြူးရေးအသင်းက ပြောဆိုထားသည်။  စက်သုံးဆီဈေးနှုန်းသည် နိုင်ငံခြားငွေဈေး နှုန်းနှင့် နိုင်ငံခြားဆီဈေးနှုန်းများပေါ် မူတည် နေသည်။ ပြည်ပငွေကြေးတန်ဖိုးနှင့် ပြည်ပစက်သုံးဆီဈေးနှုန်းများ ပြန်လည်ကျဆင်းလာသော်လည်း ပြည်တွင်းဈေးကွက်တွင်မူ ပြန်လည်ကျဆင်းခြင်း မရှိသေးခြင်းကြောင့် ဝေဖန်မှု မြင့်တက်နေခြင်းလည်း ဖြစ်သည်။


မြန်မာနိုင်ငံတွင် စက်သုံးဆီများကို ပြည်ပနိုင်ငံများမှ ၉ဝ ရာခိုင်နှုန်းခန့်ကို တင်သွင်း ရောင်းချလျက်ရှိပြီးကျန်ရှိသည့် ၁ဝ ရာခိုင်နှုန်းသည် ပြည်တွင်းထုတ်ကုန်များဖြစ်ကြောင်း သိရသည်။ စက်သုံးဆီဈေးနှုန်း မြင့်တက်မှုသည် တိုင်းပြည်၏ အထွေထွေကုန်စည်စီးဆင်းမှုနှင့် တိုင်းပြည်၏ စီးပွားရေးဖွံ့ဖြိုးတိုးတက်မှုလုပ်ငန်းများနှင့်ပါ တိုက်ရိုက်အချိုးကျနေကြောင်း စီးပွားရေး ပညာရှင်များက ထောက်ပြပြောဆို ကြသည်။  စီးပွားရေးလုပ်ငန်းတစ်ခု ဆောင်ရွက်ရာတွင် အရှုံးအမြတ်သည် ရာခိုင်နှုန်းတစ်ခုအရ ရှိစမြဲဖြစ်သည်။ ထို့ကြောင့် စက်သုံးဆီဈေးကွက်အတွင်း အရှုံးခံရောင်းချနေသည်ဟု ပြောဆိုသံများထွက်ပေါ်ခဲ့ခြင်းကြောင့် အရှုံးပေါ်နေသည့် စက်သုံးဆီဆိုင်များကို လုပ်ငန်းရပ်ဆိုင်း ပိတ်သိမ်းကာ အသစ်ဝင်ရောက်မည့် လုပ်ငန်း ရှင်များကို မြေနေရာဖန်တီး၍ လုပ်ကိုင်ခွင့်ပေးသင့်ကြောင်း မင်္ဂလာတောင်ညွန့်မြို့နယ် မဲဆန္ဒနယ် အမှတ်(၁)မှ လွှတ်တော်ကိုယ်စားလှယ် ဦးလှဌေးက ရန်ကုန်တိုင်းဒေသကြီးလွှတ်တော်တွင် ဆွေးနွေးခဲ့သည်။


''စက်သုံးဆီလုပ်ငန်းရှင်တွေဟာ အမြဲတမ်း အရှုံးပေါ်နေတယ်လို့ ကြားသိရပါတယ်။ တိုင်း ပြည်မှာ အမြဲတမ်း အရှုံးပေါ်နေတဲ့လုပ်ငန်း ရှိ နေတယ်ဆိုတာဟာ တိုင်းပြည်ရဲ့စီးပွားရေးဖွံ့ ဖြိုးတိုးတက်မှု ဂုဏ်အင်္ဂါရပ်ကို ထိခိုက်စေတာ ပဲဖြစ်တယ်''ဟု ဦးလှဌေးက ပြောထားသည်။  နိုင်ငံတစ်ခုတွင် သယ်ယူပို့ဆောင်ရေးလုပ်ငန်းသည် အရေးပါသည့်အခန်းကဏ္ဍမှ ပါဝင်လျက်ရှိသည်။ ကုန်စည်စီးဆင်းမှု မှန်ကန်မြန် ဆန်ရေးနှင့် အခြေခံကုန်ဈေးနှုန်း အခြေအနေတည်ငြိမ်ရေးသည် သယ်ယူပို့ဆောင်ရေးကဏ္ဍ ပေါ်တွင်များစွာ အမှီသဟဲပြုလျက် ရှိသည်။ စက်သုံးဆီဈေး မြင့်တက်လာမှုကြောင့် သယ်ယူပို့ဆောင်ရေးစရိတ် ကြီးမြင့်လာမှုနှင့်အတူ အ ခြေခံစားသောက်ကုန်စည်များ မြင့်တက်လာပြီး ထိုဒဏ်ကို ပုံမှန်လခစား အလုပ်သမားများအ နေဖြင့် ဦးစွာကြုံတွေ့နေရပေသည်။ ထို့နောက် သယ်ယူပို့ဆောင်ရေးစရိတ် ကြီးမြင့်လာမှုကြောင့် တိုင်းပြည်၏ စီးပွားရေးဖွံ့ဖြိုးတိုးတက်မှုများကို အနှောင့်အယှက် ဖြစ်ပေါ်လာနိုင်စေကြောင်း စီးပွားရေးပညာရှင်များက သုံးသပ်ကြသည်။


''ဒေါ်လာကျပြီဆို သူတို့ပြန်မကျဘူးဆိုတာ မဖြစ်သင့်ဘူးပေါ့။ နောက်တစ်ခုကလဲ ဒီအတိုင်းသာဆိုရင် အစိုးရ ဝင်ပါရမယ့်သဘော ဖြစ်လာတယ်။ အစိုးရဝင်ပါတယ်ဆိုတဲ့ အဓိပ္ပာယ်က လိုအပ်ရင် ခေါ်မေးတာတို့ အရေးယူတာတို့ကို ပြောတာ။ အဲလိုမလုပ်သေးသရွေ့ တက် နေတာပေါ့။ အဲဒါကြောင့် ဒါကို ဒီအတိုင်း ကြာ ရှည်ထားလို့ မကောင်းဘူး။ အစိုးရက ဝင်ပါလာရမယ့် အခြေအနေဖြစ်တယ်''ဟု ဦးလှမောင်က အကြံပြုပြောဆိုသည်။ သြဂုတ်နောက်ဆုံးပတ်အတွင်း ပြည်တွင်း ရှိ စက်သုံးဆီ ဈေးနှုန်းများသည် ဒီဇယ် တစ်လီတာလျှင် ၉၆ဝ ကျပ်၊ ပရီမီယံဒီဇယ် တစ်လီတာလျှင် ၉၇ဝ ကျပ်၊ အောက်တိန်း ၉၂ တစ်လီတာလျှင် ၉၃ဝ ကျပ်နှင့် အောက်တိန်း ၉၅ တစ်လီတာလျှင် ၉၈ဝ ကျပ်ဖြင့် ဈေးကွက် ပေါက်ဈေးရှိခဲ့ကြောင်း သိရသည်။


အောက်တိုဘာ ၈ ရက်အထိ စာရင်းများအရ ပြည်တွင်းရှိ စက်သုံးဆီဈေးနှုန်းများသည် ဒီဇယ်တစ်လီတာ ၁ဝ၈၅ ကျပ်၊ ပရီမီယံဒီဇယ် တစ်လီတာ ၁ဝ၉၅ ကျပ်၊ အောက်တိန်း ၉၂ တစ်လီတာ ၁ဝ၅၅ ကျပ်နှင့် အောက်တိန်း ၉၅ တစ်လီတာ ၁၁ဝ၅ ကျပ်အထိ ဈေးကွက်ပေါက် ဈေးရှိခဲ့ကြောင်းသိရသည်။ ထို့ကြောင့် တစ်လ ကျော်ကြာအတွင်း စက်သုံးဆီ ဈေးနှုန်းသည် တစ်လီတာလျှင် ပျမ်းမျှ ၁၂၅ ကျပ် ဝန်းကျင်ခန့်အထိ မြင့်တက်လာခဲ့ပြီး နိုင်ငံခြားငွေလဲလှယ် နှုန်းထားများ ပြန်လည်ကျဆင်းလာသော်လည်း စက်သုံးဆီ ဈေးနှုန်းမှာ ပြန်လည်ကျဆင်းခြင်း မရှိသေးပေ။


အာဏာရှင်စနစ်များ လွန်မြောက်လာခဲ့ ပြီးနောက်ပိုင်း ဒီမိုကရေစီစနစ်ကို လျှောက်လှမ်း နေချိန် အစိုးရအနေဖြင့် တိုင်းပြည်ရှိ စီးပွားရေး လုပ်ငန်းများကို တိုက်ရိုက်ဝင်ရောက်စွက်ဖက်ခွင့် မရှိသော်လည်း ပြည်တွင်း၌ မြင့်တက်လျက်ရှိသည့် စက်သုံးဆီဈေးနှုန်း မြင့်တက်မှုဒဏ် ကြောင့် ပြည်သူများ ကြုံတွေ့နေရသည့် အခက်အခဲများကို အရေးကြီးကဏ္ဍအနေဖြင့် ထည့်သွင်းစဉ်းစားရန် လိုအပ်ပြီဖြစ်သည်။ ပြည်သူများ၏ အခက်အခဲကို အောင်မြင်စွာ ဖြေရှင်း ဆောင်ရွက်နိုင်ပါက ဒီမိုကရေစီအရပ်သားအစိုးရ၏ သမိုင်းမှတ်တိုင်ကို ရေးထိုးနိုင်မည် ဖြစ်ပေသည်။ 

မင်းဗညား

#theyangontimes

Rate this item
(0 votes)
back to top