HIGHLIGHT NEWS
Main menu

Editorials [-- အယ်ဒီတာ့အာဘော် --]

အင်န်အယ်လ်ဒီ အစိုးရသစ်၏ ရလဒ်ကို စောင့်ကြည့်ခြင်း

အင်န်အယ်လ်ဒီ အစိုးရသစ်၏ ရလဒ်ကို စောင့်ကြည့်ခြင်း

မြန်မာနိုင်ငံတွင် အတိုက်အခံပါတီကြီးတစ်ခုဖြစ်သည့် အမျိုးသားဒီမိုကရေစီအဖွဲ့ချုပ်(NLD)အစိုးရသည် ၂ဝ၁၆ ခုနှစ် ဧပြီလတွင် အရပ်သားအစိုးရအဖြစ် ပီပီပြင်ပြင်ထွက်ပေါ်လာသည်။ NLD ပါတီသည် ၁၉၈၈ ခုနှစ်တွင် ဒီမိုကရေစီအရေးတော်ပုံကြီး ဆင်နွှဲပြီးနောက် ပေါ်ထွန်းလာသည့် ပါတီကြီးတစ်ရပ်ဖြစ်ပြီး မကြာသေးမီကာလက နှစ် ၃ဝ ပြည့် ပုလဲရတုသို့ တိုင်ခဲ့ပြီဖြစ်သည်။ အစိုးရမဖြစ်မီ အတိုက်အခံပါတီကြီးတစ်ခုအဖြစ် ပြည်သူလူထုနှင့်အတူ ခက်ခဲပင်ပန်းဆင်းရဲကြီးစွာ ရုန်းကန်လှုပ်ရှားဖြတ်သန်းခဲ့ရသည်။ ပါတီဝင်များ၏ အသက်သွေးချွေးများကို များစွာပေးဆပ်ခဲ့ရသည်။

ယနေ့ အမျိုးသားဒီမိုကရေစီအဖွဲ့ချုပ် NLD ပါတီမှာ ပြည်သူလူထု၏ ရွေးကောက်တင်မြှောက်မှုကြောင့် အရပ်သားအစိုးရစစ်စစ်ဖြင့် ပေါ်ထွန်းလာခဲ့သည်မှာ အစိုးရသက်တမ်းတစ်ခု၏ ထက်ဝက်ကျော်ကာလသို့ပင် ရောက်ရှိနေပြီဖြစ်သည်။ NLD အစိုးရသစ်အပေါ် ပြည်သူလူထု၏ ယုံကြည်ကိုးစားမှု၊ မျှော်လင့်မှုတို့ဖြင့် အစိုးရ၏လုပ်ငန်းများကို စဉ်ဆက်မပြတ် လေ့လာသုံးသပ် စောင့်ကြည့်လျက်ရှိသည်။ လက်ရှိအခြေအနေအရ အစိုးရသစ်အပေါ် ပြည်သူလူထုက အားမလိုအားမရဖြစ်နေသည်။ ယင်းအတွက် အစိုးရ၏လုပ်ငန်း အချို့အပေါ် ထောက်ခံမည့်အစား ဝေဖန်ပြစ်တင်မှုများနှင့် ကြုံတွေ့ရလျက်ရှိသည်။


သို့တိုင် လူထုခေါင်းဆောင်၊ အမျိုးသားဒီမိုကရေစီအဖွဲ့ချုပ်ပါတီဥက္ကဋ္ဌ၊ လက်ရှိနိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ပြည်သူလူထုက ချစ်ခင်နေဆဲ၊ ယုံကြည်အားထားနေဆဲ ဖြစ်သည်။ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အသက်အရွယ်နှင့် ဆောင်ရွက်နေရသည့် တာဝန်များ ဆောင်ရွက်မှုအပေါ် ကြင်နာသနားကရုဏာ ဖြစ်နေကြဆဲ ဖြစ်သည်။ ဒေါ်အောင်ဆန်းစုကြည်အနေဖြင့် ဖွဲ့စည်းပုံအခြေခံဥပဒေအရ ပါတီလုပ်ငန်းတာဝန်များကို ထမ်းဆောင်ခြင်းမပြုသော်လည်း နိုင်ငံတော်၏အတိုင်ပင်ခံပုဂ္ဂိုလ်တာဝန်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီးအဖြစ် အခြားအခြားသော လုပ်ငန်းကော်မတီများစွာ၏ တာဝန်များကို ထမ်းဆောင်နေရသည်မှာ အရွယ်နှင့်မမျှ ပင်ပန်းလှသည်။


NLD ပါတီသည် အစိုးရတစ်ရပ် ဖွဲ့စည်းတည်ဆောက်စဉ်ကာလကပင် ယခင်အစိုးရလက်ထက် ဝန်ကြီးဌာနအရေအတွက်ကို လျှော့ချ၍ ဝန်ကြီးဌာန ၂၁ ခုသာထားရှိပြီး အစိုးရယန္တရားကို စတင်လည်ပတ်ခဲ့သည်။ ယင်းဝန်ကြီးဌာနများတွင် ပြည်ထောင်စုဝန်ကြီးများ ခန့် ထားခဲ့သော်လည်း ယခုအခါ အစိုးရယန္တရား ပိုမိုကောင်းမွန်စွာလည်ပတ်နိုင်ရေးအတွက် ဒုတိယဝန်ကြီး ၁၇ ဦး ဝန်ကြီးဌာန ၂၄ ခုအတွက် ပြည်ထောင်စုဝန်ကြီး ၂၃ ဦးဖြင့် အင်အားဖြည့်၍ အစိုးရယန္တရားကို ကောင်းမွန်စွာလည်ပတ်စေခဲ့သည်။ သို့သော် နိုင်ငံ တော်၏ စီးပွားရေးမှာ ဖွံ့ဖြိုးတိုးတက်လာခြင်းမရှိဘဲ အမြင်အားဖြင့် ကျဆင်းနေသည်။ နိုင်ငံတော်၏ ဘတ်ဂျက်လိုငွေပြမှုနှင့် ကြုံတွေ့နေရဆဲဖြစ်သည်။ ထို့အတူ ပို့ကုန်ဝင်ငွေ ကျဆင်းလျက် ဒေါ်လာဈေးတက်မှု၊ မြန်မာကျပ်ငွေ တန်ဖိုးကျဆင်းမှုတို့နှင့် ကြုံတွေ့နေရသည်။


အစိုးရသစ်လက်ထက်တွင် နိုင်ငံခြားရင်းနှီးမြှုပ်နှံမှုကို မျှော်လင့်ချက်ကြီးမားစွာ ထားရှိခဲ့သော်လည်း စီးပွားရေးမူဝါဒနှင့် အခြေခံအဆောက်အအုံ လိုအပ်ချက်များကြောင့် ထင်သလောက် ခရီးမပေါက်ဘဲ ရှိနေသည်။ ပထမဦးဆုံး သမ္မတဖြစ်ခဲ့သည့် ဦးထင်ကျော် နုတ်ထွက်ခဲ့သဖြင့် လက်ရှိသမ္မတအဖြစ် ဦးဝင်းမြင့်အား ရွေးချယ်တင်မြှောက်ထားသည်။ ပြည် ထောင်စုဝန်ကြီးအချို့နှင့် တိုင်းဒေသကြီးဝန်ကြီးချုပ်အချို့တို့အား နုတ်ထွက်ခွင့်ပြုခဲ့သည်။ ပြည်ထောင်စုအစိုးရနှင့် ပြည်နယ်နှင့် တိုင်းဒေသကြီး အစိုးရအဖွဲ့အစည်းများ၏ ယန္တရားများကို အရှိန်မြှင့်၍ ဆောင်ရွက်လျက်ရှိသည်။


သို့သော် အစိုးရသစ်အား ပြည်သူလူထု မျှော်လင့်သည့်၊ အားထားသည့်ရလဒ်ကို အကောင်အထည်ဖော် ဆောင်ရွက်နိုင်ခြင်းမရှိသေးသည်ကို မြင်တွေ့နေရသည်။ ယင်းအတွက် အစိုးရသစ်အနေဖြင့် ပြည်သူ့အားကို ရယူလိုသော်လည်း အမှန်တကယ် အသုံးချနိုင်မှုစွမ်း အားနည်းသဖြင့် ပြည်သူလူထုတစ်ရပ်လုံးက NLD  အစိုးရသစ်၏ အောင်မြင်မှုရလဒ်များကို ၂ဝ၂ဝ ပြည့်နှစ် ရွေးကောက်ပွဲမတိုင်မီအထိ စောင့်ကြည့်လေ့လာလျက်ရှိသည်ကို ရန်ကုန်တိုင်းမ်ဂျာနယ်မှ အသိပေးရေးသားအပ်ပေသည်။


အယ်ဒီတာ

#theyangontimes

Last modified onThursday, 11 October 2018 12:04
Rate this item
(0 votes)
back to top