လော့စ်အိန်ဂျလိစ်၊ ဇွန် ၉
မင်းသား အီဒရစ်အယ်ဘာက အချစ်ဟာသဇာတ်မြူးရုပ်ရှင်တွင် သရုပ်ဆောင်ချင်ကြောင်း ပြောဆိုခဲ့သည်။ အသက် (၄၉)နှစ်အရွယ် မင်းသားသည် ရိုမန်တစ်အနည်းငယ်ဆန်သော ရုပ်ရှင် များတွင် ပါဝင်သရုပ်ဆောင်ခဲ့ဖူးသော်လည်း အချစ်ဇာတ်လမ်းကို အဓိကထားသည့် ပေါ့ပေါ့ပါးပါး ရုပ်ရှင်တွင် ပါဝင်လိုကြောင်း ပြောဆိုခဲ့ခြင်းဖြစ်သည်။
Newsweek မဂ္ဂဇင်းနှင့်ပြုလုပ်ခဲ့သော အင်တာဗျူးတစ်ခုတွင် မင်းသားက ”အချစ်ဟာသဇာတ်မြူးရုပ်ရှင် တစ်ခုရိုက်ချင်ပါတယ်။ အဲဒါမျိုး မရိုက်ဖူးသေးပါဘူး။ ဒီ addy’s Little Girls’ ရုပ်ရှင်တော့ ရိုက်ခဲ့ဖူးပါတယ်။ အချစ်အကြောင်း နည်းနည်းလေးတော့ပါတယ်။ ဒါပေမဲ့ ကျွန်တော်သရုပ်ဆောင်ချင်တဲ့ အချစ်ဟာသဇာတ်မြူး ရုပ်ရှင်အစစ်ကြီးတော့ မဟုတ်ဘူး။ အဲ့ဒီလိုလုပ်ဖို့ ကျွန်တော့်မှာ အခွင့်အရေး မရခဲ့ဘူး”ဟု ဆိုသည်။
¤င်းကြိုက်နှစ်သက်သည့် ရုပ်ရှင်ဇာတ်လမ်းအမျိုး အစားကို မိတ်ဆက်ပေးခဲ့သည့်သူ မရှိခဲ့သော်လည်း အချစ်နှင့်နှလုံးသားအကြောင်းပါဝင်သည့် ဇာတ်ညွှန်းကို ရှာဖွေချင်ပြီး အချစ်ဟာသဇာတ်မြူး ရုပ်ရှင်ကသာ ၎င်းင်းကို ဆွဲဆောင်နေသည်ဟုဆိုသည်။ ယင်းအချစ်ရုပ်ရှင်တွင် တွဲဖက်သရုပ်ဆောင်ချင်သည့် မင်းသမီးအကြောင်းမေးမြန်းရာ ၎င်းင်းက ‘ဟင့်အင်း။ ဘယ်သူ့ကိုမှ ရွေးမထားဘူး။ မင်းသမီး တစ်ယောက်အနေနဲ့ဆိုရင်တော့ အခုကျွန်တော်နာမည်တွေကို မစဉ်းစားရသေးဘူး။ အဲ့ဒီလိုမျိုးရုပ်ရှင်ဖြစ်လာဖို့သာ ကျွန်တော် စဉ်းစားနေပါတယ်”ဟု ဆိုသည်။ ထူးခြားသည့် ဇာတ်ရုပ်တစ်ခုတွင် သရုပ်ဆောင်ခဲ့ဖူးခြင်းမရှိဘဲ ရှုပ်ထွေးသည့်ဇာတ်ကောင်များတွင် သရုပ် ဆောင်ရသည်ကို နှစ်ခြိုက်ကြောင်း ၎င်းင်းက ပြောဆိုခဲ့သည်။
Ref:asiaone
#democracytoday
Discussion about this post