လန်ဒန်၊ ဧပြီ ၃
One Direction အဖွဲ့ဝင်ဟောင်း အဆိုတော် လီယမ်ပိန်းက မိမိ စင်ပေါ်ရောက်ပါက ပရိသတ်ကို ကြောက်ရွံ့နေဆဲဖြစ်ကြောင်း ဖွင့်ဟပြောကြားလိုက်သည်ဟု ဧပြီ ၃ ရက် contactmusic သတင်းကဆိုသည်။ လီယမ်ပိန်းသည် ကမ္ဘာတစ်ဝန်းတွင် ပရိသတ် သောင်းနှင့်ချီ သော ပွဲကြီးများ၌ သီဆိုခဲ့ဖူးပြီးဖြစ်သော်လည်း စင်ပေါ်တွင် ဒူးတုန် နေဆဲဖြစ်သည်ဟု ပြောဆိုလိုက်ခြင်းမှာ ထူးဆန်းလှပေသည်။ သို့ သော် မိမိနှစ်သက်သောအရာကို လုပ်ရခြင်းဖြစ်သဖြင့် စင်ပေါ်တွင် ဖျော်ဖြေရသည်ကို ပျော်ရွှင်သည်ဟု လီယမ်ပိန်းက ပြောသည်။
”ကျွန်တော် စင်ပေါ်မှာဆိုရင် ဒူးတုန်နေတုန်းပါပဲ။ 1D အဖွဲ့ နဲ့အတူ ဖျော်ဖြေပွဲတွေလုပ်ခဲ့တယ်။ ဒါပေမဲ့ အစပိုင်းမှာဆို နည်း နည်းကြောက်သလိုလို ဖြစ်နေတုန်းပဲ”ဟု လီယမ်ပိန်းကပြောသည်။ ”ဖျော်ဖြေပွဲတစ်ခုမှာ သီချင်း ၂၂ ပုဒ်လောက် ဆိုရတယ်။ ဒီသီချင်းတွေပဲ ထပ်ခါထပ်ခါဆိုနေရတာ။ ဒီတော့ နည်းနည်းငြီး ငွေ့သလို ဖြစ်လာတယ်။ တခြားအဆိုတော်တွေလည်း ဒီလိုပဲဖြစ် မယ်ထင်ပါတယ်။ ဒါပေမဲ့ ကျွန်တော်မြတ်နိုးတဲ့အလုပ် လုပ်နေရ တာဖြစ်တဲ့အတွက် ပျော်ပါတယ်”ဟု လီယမ်ပိန်းက ပြောသည်။
လီယမ်ပိန်းသည် ယခုအခါ အသက်(၂၄)နှစ်ရှိပြီဖြစ်သည်။ ချယ်ရီတွီဒီနှင့် ၁၂ လသားအရွယ် သားကလေးဘဲရ်အား မွေးဖွားထားသည်။ 1D အဖွဲ့ ပြိုကွဲပြီးနောက် တစ်ကိုယ်တော် လျှောက်လှမ်းသည့်အခါ မည်သည့်ဂီတအမျိုးအစား ရွေးချယ်ရမည်ကို မဆုံးဖြတ်ရသေးဟုလည်း ပြောသည်။ ထို့အပြင် လီယမ်ပိန်းက ”ကျွန်တော် နှစ်နဲ့ချီပြီး လက်တွဲခဲ့တဲ့ သီချင်းရေးဆရာရှိတယ်။ သူက နိုင်းအောရဲ့အကြိုက်ကိုလည်းသိတယ်။ ဟယ်ရီရဲ့အကြိုက်ကိုလည်း သိတယ်။ ကျွန်တော့်ရဲ့အကြိုက်ကိုတော့ သူမသိဘူးပြောတယ်”ဟု ဆိုသည်။
Ref: contactmusic
#democracytoday
Discussion about this post