နယူးယောက်၊ ဧပြီ ၂၇
Mission Impossible 6 ရုပ်ရှင်မှာ မိမိရိုက်ကူးခဲ့သမျှ ဇာတ်ကားများထဲတွင် အခက်ခဲဆုံး ဇာတ်ကားဖြစ်သည်ဟု မင်းသားကြီးတွမ်ခရုဇ်က ဧပြီ ၂၇ ရက် E! News သတင်းဌာနနှင့် အင်တာဗျူးတွင် ပြောသည်။
Mission Impossible Fallout ဟု အမည်ပေးထားသော အဆိုပါ ရုပ်ရှင်ရိုက်ကူးရာတွင် တွမ်ခရုဇ်သည် ခြေချင်းဝတ်ကျိုးသည်အထိပင် ဒဏ်ရာရခဲ့သည်။ သို့သော် ရိုက်ကူးရေးအဖွဲ့ဝင်အားလုံးမှာ ကိုယ့်အပိုင်းနှင့် ကိုယ် ကြိုးစားကြသဖြင့် မိမိခြေထောက်ကျိုးခဲ့သော်လည်း ကျေနပ်သည် ဟု အသက် (၅၅)နှစ်ရှိပြီဖြစ်သော တွမ်ခရုဇ်က ပြောသည်။
”ကျွန်တော်လေးစားတဲ့သူတွေနဲ့ပဲ ကျွန်တော် အလုပ်အတူတွဲလုပ် ပါတယ်။ ပျော်ပျော်ရွှင်ရွှင် ကြိုးကြိုးစားစား အလုပ်လုပ်တဲ့သူတွေနဲ့ပဲ ကျွန်တော်တွဲလုပ်ချင်တယ်။ Mission Impossible ရုပ်ရှင်တွေ ရိုက်ရ တာ မလွယ်လှပါဘူး။ အခုတစ်ကားက အခက်ခဲဆုံးပါ”ဟု တွမ်ခရုဇ်က ပြောသည်။ တွဲဖက်သရုပ်ဆောင် များ ဖြစ်ကြသော ဟင်နရီကာဗီးလ်နှင့် အန်ဂျလာဘေ့စက်တို့မှာ ထူးချွန်ကြ သည်ဟုလည်း တွမ်ခရုဇ်က ချီးကျူးသည်။
Mission Impossible သည် ၁၉၆၆ ခုနှစ်မှ ၁၉၇၃ ခုနှစ်အတွင်း ပြသခဲ့သော စစ်အေးခေတ်ကာလနောက်ခံ ရုပ်သံ ဇာတ်လမ်းတွဲပြီး ၁၉၉၆ ခုနှစ်တွင် ရုပ်ရှင်အဖြစ် ပြောင်းလဲရိုက် ကူးခဲ့ရာ အောင်မြင်ခဲ့ခြင်းဖြစ်သည်။ ပထမဆုံးရုပ်ရှင်တွင် တွမ်ခရုဇ် သည် ပရိုဂျူဆာအဖြစ် တာဝန်ယူခဲ့သည်။
Ref:E! News
#democracytoday
Discussion about this post