ခြေနှစ်ဖက် ဆုံးရှုံးလိုက်ရသော်လည်း ကမ္ဘာဆုံးအောင် လျှောက်မည့်သူ Stronger ရုပ်ရှင်

ဒါရိုက်တာ – ဒေးဗစ် ဂေါ်ဒန် ဂရင်း
ဇာတ်ညွှန်း – ဂျွန် ပိုလိုနို၊ ဂျက်ဖ် ဘောင်မန်း
သရုပ်ဆောင် – ဂျိတ်ခ် ဂိုင်လန်ဟားလ်၊ တာတီနာ မာစ်လန်နီ၊ မီရန်ဒါ ရစ်ချက်ဆန်
ပြသချိန် – ၁၁၆ မိနစ်
နိုင်ငံ – အမေရိကန်

ယခုသီတင်းပတ်မှစတင်ကာ နိုင်ငံတကာရှိရုပ်ရှင်ရုံများတွင် ရုံတင်ပြသမည့် အတ္ထုပ္ပတ္တိ၊ ဒရမ်မာ ရုပ်ရှင်ဖြစ်သည်။ ၂၀၁၃ ခုနှစ်၊ ဧပြီ ၁၅ ရက်၊ အမေရိကန်နိုင်ငံ၊ ဘော်စတွန်မြို့တွင်ပြုလုပ်သော မာရသွန် ပြိုင်ပွဲတစ်ခု၌ ဗုံးနှစ်လုံးပေါက်ကွဲခဲ့ပြီးနောက် လူ ၃ ဦးသေဆုံးခဲ့ပြီး လူပေါင်းများစွာ ဒဏ်ရာရရှိခဲ့သည့် ဖြစ်ရပ်ဆိုးကို နောက်ခံထား ခြယ်မှုန်းထားသည့် ရုပ်ရှင်ဖြစ်သည်။

စက်တင်ဘာ ၈ ရက်တွင် ပြုလုပ်ခဲ့သည့် တိုရန်တိုနိုင်ငံတကာ ရုပ်ရှင်ပွဲတော်တွင်လည်း ပွဲဦးထွက်ပြသခဲ့ပြီးဖြစ်သည်။ မာရသွန်ပြိုင်ပွဲတွင် ဗုံးပေါက်ကွဲမှု ကြောင့် ခြေထောက်နှစ်ဖက် ဆုံးရှုံးလိုက်ရသော ဂျက်ဖ် ဘူမန်းအမည်ရှိ အမျိုးသားတစ်ဦး၏ ဒုက္ခိတအဖြစ် ရုန်းကန်ရသည့်ဘဝအခြေအနေနှင့် ဖြစ်ရပ်ဆိုးကြောင့် ဘဝတစ်ခုလုံးလဲပြိုခဲ့ခြင်းမရှိဘဲ အားကြိုးမာန်တက် ကြိုးစားခဲ့သဖြင့် ကမ္ဘာတစ်ဝန်းမှ လူအများ၏ ချီးကျူးမှု ရရှိခဲ့ပုံကိုစိတ်ဝင်စားဖွယ် ရိုက်ကူးထားသည်။

၂၀၁၃ ခုနှစ်၊ ဧပြီ ၁၅ ရက်တွင် ပြုလုပ်ခဲ့သော ဘော်စတွန်မာရသွန်ပြိုင်ပွဲတစ်ခုအတွင်း ဗုံးနှစ်လုံး ပေါက်ကွဲခဲ့ပြီးနောက် ဂျက်ဖ် ဘူမန်းဆိုသည့်အမျိုးသားမှာ ၄င်း၏ ခြေထောက်နှစ်ဖက်ကို ဆုံးရှုံးလိုက်ရသည်။ ဆေးရုံတွင် သတိမေ့နေခဲ့ရာမှာ သတိပြန်လည်လာသောအခါ ဂျက်ဖ်သည် ဗုံးခွဲခဲ့သူဟု သံသယရှိသူတစ်ဦးကို ဖော်ထုတ်ရာတွင် ကူညီပေးနိုင်ခဲ့သော်လည်း ဘဝအတွက် ခက်ခဲသည့်တိုက်ပွဲမှာ အစသာလျှင် ဖြစ်ခဲ့သည်။ မိသားစုနှင့် ချစ်သူဖြစ်သူတို့၏ အားပေးကူညီမှုဖြင့် ဘူမန်းသည် ရုပ်ပိုင်းဆိုင်ရာနှင့် စိတ်ပိုင်းဆိုင်ရာ ပြန်လည် ဖွံ့ဖြိုးရေး ခရီးကြမ်းတစ်ခုကို သူရဲကောင်းဆန်စွာ လျှောက်လမ်းခဲ့ပုံကို ကြည့်ရှုကြရမည်။

Ref:Wiki
#Democracytoday