RelatedPosts
ညောင်ဦး၊ မေ ၁
မြန်မာနိုင်ငံ၏ အညာ ဒေသဟုခေါ်ဆိုသော မန္တလေးတိုင်းဒေသ ကြီး ညောင်ဦးဒေသတွင် ထန်းပင်စိုက်သူ နည်းပါးလာသည့်အပြင် သစ်ရှားပါးနေသော ကြောင့် ထန်းပင်များကိုခုတ်လှဲ၍ နေအိမ် ဆောက်လုပ်နေကြရကြောင်း ဒေသခံများ ထံမှသိရသည်။ ထန်းပင်သည် မြန်မာနိုင်ငံမိုးခေါင်ရေ ရှားရပ်ဝန်းဖြစ်သောဒေသများတွင် အများ အပြားဖြစ်ထွန်းအောင်မြင်ပြီး မြန်မာနိုင်ငံ မြေလတ်ပိုင်းဒေသနှင့် ပူပြင်းခြောက်သွေ့ သောအရပ်များ၌ အများအပြားပေါက် ရောက်ကာ ထန်းပင်တစ်ပင်၏သက်တမ်းမှာ နှစ်ပေါင်း ၁၅ဝ မှ ၂ဝဝ နှစ်အထိ ရှိသည်ဟု သိရသည်။
”ကျွန်တော်တို့ဒေသမှာ ဒီကနေ့လက်ရှိ အနေအထားအရ သစ်မာသားဈေးကတစ် တန်ကို ငွေကျပ် ၁၂ သိန်းဈေးရှိတယ်။ အဲဒီ တော့ ကျွန်တော်တို့က သစ်သားနဲ့ရောပြီး ထန်းသားကိုသုံးရတော့တာပဲ။ သစ်မာသား လေးလက်မ၊ နှစ်လက်မ ၁၈ ပေတစ်ချောင်း ကို ကျပ် ၂၄ဝဝဝ ပေးဝယ်ရတယ်။ ထန်းသားတစ်ချောင်းဆို ကျပ် ၅ဝဝဝ၊ ကျပ် ၆ဝဝဝ လောက်ပဲပေးဝယ်ရတယ်ဆိုတော့ အများကြီး ငွေကုန်သက်သာတယ်။ အိမ်ကို ဒိုင်း၊ မြား၊ တလိုင်း၊ ယင်းမာအဖြစ် အသုံးပြုသူများ လာတယ်။ ဒီအပေါ်မှာ သွပ်မိုးကြတာပါ”ဟု ညောင်ဦးမြို့နယ် ရွာသာအေးကျေးရွာမှ ကိုဝင်းမြိုင်ကပြောသည်။
အဆိုပါဒေသ၌ ထန်းလွန်ဟု ခေါ်သော ထန်းပင်အမြင့်များကို ဒေသနေပြည်သူအချင်း ချင်းအိမ်ဆောက်လုပ်ရန် ရောင်းဝယ်ကြပြီး ထန်းပင်တစ်ပင်လျှင် ငွေကျပ် ၂ဝဝဝဝ ဖြင့် ထန်းပိုင်ရှင်ကရောင်းကာ ထန်းပင်မှလေး လက်မ၊ နှစ်လက်မ၊ ၁၈ ပေမှ ပေ ၂ဝ ငါး ချောင်းရရှိရန်အတွက် ထန်းပင်ခွဲခကို ငွေ ကျပ် ၂၅ဝဝဝ ပေးရသည်။
”ဒီအရပ်ဒေသမှာ ခုချိန်ထိ ထန်းပင်ကို အခြားနယ်က လာဝယ်တာမတွေ့ဖူးသေးပါ ဘူး။ လွန်အောင်ကျွံအောင်ခုတ်လှဲလာမယ်၊ အခြားဒေသတွေကိုရောင်းမယ်၊ အခြားဒေသက ဈေးကောင်းပေးလို့အရောင်းအဝယ် လုပ်လာမယ်ဆိုရင်တော့ ကျွန်တော်တို့ကတား မှာပါ”ဟု ညောင်ဦးမြို့နယ် သစ်တောဦးစီး ဌာနမှ တောခေါင်းတစ်ဦးကပြောကြားသည်။ ယခုခုတ်လှဲနေသော အပင်များမှာ နှစ် ၃ဝ၊ ၄ဝ ခန့်က စိုက်ပျိုးခဲ့သောအပင်များ ဖြစ်ပြီး ထန်းပင်များမှာ နှစ်တိုကာလအတွင်း အကျိုးခံစားခွင့်မရသောကြောင့် ထန်းပင် စိုက်သူမရှိသလောက် ရှားပါးလာနေကြောင်း သိရသည်။
KH
#democracytoday
Discussion about this post