ဦးနု၏ မွေးနေ့ အလှူတော်အဖြစ် ချမ်းမြေ့ရိပ်သာရှိ သံဃာတော်များ၊ ယောဂီများအား နေ့ဆွမ်း ဆက်ကပ?

RelatedPosts

အခြေခံပညာအထက်တန်းအဆင့်ပြီးမြောက်ကြောင်း လက်မှတ်များကို စံသတ်မှတ်ချက်ကိုက်ညီသူများကိုသာ ထုတ်ပေးမည်

August 30, 2019

ဒါရိုက်တာ မင်းထင်ကိုကိုကြီးအား နိုင်ငံတော်အကြည်ညိုပျက်စေမှုဖြင့်အလုပ်နှင့်ထောင်ဒဏ်တစ်နှစ် ချမှတ်

August 30, 2019

ရန်ကုန်တိုင်းဒေသကြီးအတွက် ရေးဆွဲထားသည့် မြေပုံကို မြို့တော်စည်ပင်သာယာရေး ကော်မတီထံလွှဲအပ်ပေးမည်

August 30, 2019

တရုတ်-မြန်မာနှစ်နိုင်ငံနယ်စပ်ကုန်သွယ်မှု မြန်မာကုန်သည်၊ တောင်သူများထိခိုက်နစ်နာမှုမရှိစေရန် နယ်စပ်ကုန်စည်ဒိုင်များကို နိုင်ငံအတွင်းဘက်သို့ ပြောင်းရွှေ့ရမည်ဟုဆို

August 28, 2019

ရန်ကုန်၊ မေ ၂၉

မေလ ၂၉ ရက် (နယုန်လပြည့်နေ့) တွင် ကျရောက်သည့် စာရေးဆရာကြီး၊ ဝန်ကြီးချုပ်ဟောင်းဦးနု၏ (၁၁၁)နှစ်ပြည့် မွေးနေ့အထိမ်းအမှတ်အဖြစ် ချမ်း မြေ့ရိပ်သာကျောင်းတိုက်ရှိ သံဃာ တော်များ၊ ယောဂီတို့အား နေ့ဆွမ်း ဆက်ကပ်ခြင်းအပြင် စာရေးဆရာ မကြီးတစ်ဦးအား ကျန်းမာရေးအလှူတစ်ခုလှူဒါန်းနိုင်ခဲ့ကြောင်း သိရသည်။

အဆိုပါ လှူဒါန်းမှုကို ဦးနု၏ ကျန်ရစ်သူမိသားစုဝင်များနှင့် ဦးနုထာဝရရန်ပုံငွေအဖွဲ့တို့က ကြီးမှူး၍ ဦးနုရေးသားခဲ့သော စာအုပ်များမှ ရရှိလာသည့် စာမူခများဖြင့် လှူဒါန်း ခြင်းဖြစ်သည်။ ”ဒီနေ့ကတော့ ဦးနုရဲ့မြန်မာ လိုမွေးနေ့ဖြစ်ပါတယ်။ ဒီနေ့မှာ ကုသိုလ်နှစ်ခုပြုလုပ်ပါတယ်။ တစ်ခုကသူလှူဒါန်းချင်တဲ့ ချမ်းမြေ့ရိပ် သာကျောင်းမှ သံဃာတော်၊ သီလရှင်၊ အမျိုးသား၊ အမျိုးသမီးယောဂီ သူတော်စင်တွေအတွက် နေ့ဆွမ်းကပ်လှူနိုင်ခဲ့ပါတယ်။ နောက်တစ်ခု ကျန်းမာရေးအလှူအဖြစ်ဖြင့် ဒီနှစ်မှာဆေးရုံတက်ခဲ့ရတဲ့ စာရေးဆရာမကြီး ဒေါ်ခင်ဆွေဦးအတွက် ကျန်းမာရေးအလှူ ကျပ်သုံးသိန်းလှူဒါန်း ဖြစ်ခဲ့ပြီးဖြစ်ပါတယ်။ ဦးနုထာဝရ ရန်ပုံငွေအဖွဲ့က ဦးနုရဲ့စာအုပ်တွေ ရောင်းရတဲ့စာမူခတွေနဲ့ ဒီလိုစာရေး ဆရာ၊ ဆရာမတွေ၊ သီချင်းရေး ဆရာ၊ ပန်းချီဆရာအနုပညာရှင် တွေကို ထောက်ပံ့လှူဒါန်းပေးတာ ဖြစ်ပါတယ်။ ရှေ့ဆက်ပြီးတော့လည်းလှူဒါန်းသွားဖို့ရှိပါတယ်”ဟု ဦးနုထာဝရရန်ပုံငွေအဖွဲ့၏အတွင်း ရေးမှူး စာရေးဆရာမောင်သွေး သစ်က ပြောသည်။

ဦးနုရေးသားခဲ့သည့် စာအုပ်များထဲတွင်စာရေးဆရာ Dale Carnegie ၏ How to Win Friends& Influence People စာအုပ်ကို ”မိတ္တဗလဋီကာ”ခေါင်းစဉ် ဖြင့် ဘာသာပြန်ရေးသားခဲ့ရာ ၁၉- ၃၈ ခုနှစ်မှ ယနေ့ချိန်အထိ စာအုပ် ပေါင်းလေးသိန်းနီးပါးခန့် ရောင်းချရကြောင်းနှင့် ရရှိခဲ့သည့် စာမူခများကိုစာရေးဆရာ၊ ဆရာမများ အနုပညာရှင်ပေါင်း ၁ဝဝ ခန့်ကို ကျန်းမာရေးအလှူအဖြစ် ထောက်ပံ့ကြေးများပေးအပ်ခဲ့ကြောင်း သိရသည်။

ဦးနု၏သမီးဒေါ်သန်းသန်းနုကလည်း”ဒီနေ့ကတော့အဖေ့ရဲ့ မွေးနေ့နယုန်လပြည့်နေ့ဆိုတော့ အဖေ့ရဲ့ မြန်မာလိုမွေးနေ့ပေါ့။ ဟိုနေ့က လုပ်သွားတာကတော့ အင်္ဂလိပ်လို မွေးနေ့ပေါ့။ ဒီနှစ်ကတော့ မေလတစ်လတည်းမှာကျတယ်။ ဖေဖေကသက်ရှိထင်ရှားရှိ ဦးမယ်ဆိုရင် (၁၁၁) နှစ်နှစ်ပတ်လည်မွေးနေ့ပေါ့။ စာပေထောက်ပံ့ ကြေးပေးတာနဲ့ပတ်သက်လို့ဖေဖေဆုံးပြီး နောက်စာရေးဆရာမကြီး ဒေါ်ခင်နှင်းယုကစပြီးတော့ ကျွန်မအစ်မကြီး ဒေါ်စန်းစန်းနုနဲ့ပေါင်းပြီး ကျင်းပခဲ့တာ ဖြစ်ပါတယ်”ဟု ပြောသည်။ ဦးနု၏(၁၁၁)နှစ်ပြည့်မွေးနေ့ပွဲသို့ အမေရိကန်နိုင်ငံတွင် ရောက်ရှိနေသည့် သားဖြစ်သူမောင်အောင်မှ ဖခင်ကိုမြတ်နိုးသောအားဖြင့် သဝဏ်လွှာ ပေးပို့ခဲ့ကြောင်း သိရသည်။ မွေးနေ့အခမ်းအနားတွင် ဦးနု ပြခန်းနှင့် ဦးနုစာအုပ်များ ထုတ်ဝေရန်အတွက် ထွန်းဖောင်ဒေးရှင်း၏ ဥက္ကဋ္ဌဦးသိန်းထွန်းက ကျပ်သိန်း ၅ဝ လှူဒါန်းခဲ့သည်။ 

TTHL, YMP

#democracytoday