HIGHLIGHT NEWS
Main menu

Life [-- လူမှုဘဝ ကဏ္ဍ --]

နိုင်ငံတော်သမ္မတ ခရီးစဉ်တွင် တိုင်တန်းခဲ့သည့် လက်ပံတောင်းဒေသ၌ မြေ၊ ရေ၊ လေ ပျက်စီးမှုကိစ္စကို စစ်ကိုင်းတိုင်းဒေသကြီး ပတ်ဝန်းကျင် ထိန်းသိမ်းရေးဌာန ကွင်းဆင်းစစ်ဆေး  

နိုင်ငံတော်သမ္မတ ခရီးစဉ်တွင် တိုင်တန်းခဲ့သည့် လက်ပံတောင်းဒေသ၌ မြေ၊ ရေ၊ လေ ပျက်စီးမှုကိစ္စကို  စစ်ကိုင်းတိုင်းဒေသကြီး ပတ်ဝန်းကျင် ထိန်းသိမ်းရေးဌာန ကွင်းဆင်းစစ်ဆေး   

ဆားလင်းကြီး၊ စက်တင်ဘာ ၁၃

စစ်ကိုင်းတိုင်းဒေသကြီး ဆားလင်း ကြီးမြို့နယ်ရှိ လက်ပံတောင်းကြေး နီစီမံကိန်းကြောင့် ပတ်ဝန်းကျင် ကျေးရွာများတွင် ရေထု၊ လေထု၊ မြေ ထု ပျက်စီးမှုများရှိနေသည်ဟုဆို ကာ ဒေသခံအချို့မှ နိုင်ငံတော် သမ္မတဦးဝင်းမြင့်၏ မုံရွာခရီးစဉ် တွင် စာခုနစ်စောင် ပေးအပ်တိုင် ကြားခဲ့မှုကို စစ်ကိုင်းတိုင်းဒေသကြီး သဘာဝပတ်ဝန်းကျင်ဦးစီးဌာနမှ ဦးစီးမှူးဦးဆောင်သောအဖွဲ့သည် ကွင်းဆင်းစစ်ဆေးမှုများပြုလုပ်ခဲ့ ကြောင်း သိရသည်။

ယခုစစ်ဆေးမှုတွင် ဆားလင်း ကြီးမြို့နယ်မှ တိုင်းဒေသကြီးလွှတ် တော်ကိုယ်စားလှယ် ဒေါက်တာ သိန်းနိုင်၊ တိုင်းဒေသကြီးသတ္တုတွင်း ဦးစီးဌာနမှ ကိုယ်စားလှယ်၊ ယင်း မာပင်ခရိုင်အုပ်ချုပ်ရေးမှူး၊ ခရိုင် ရဲမှူးကြီး၊ ခရိုင်မြေစာရင်း၊ ကြေးနီ စီမံကိန်းမှ ဦးပိုင်ကုမ္ပဏီအထွေထွေ မန်နေဂျာ၊ မြန်မာ-ဝမ်ပေါင်ကုမ္ပဏီ မှ သဘာဝပတ်ဝန်းကျင်ထိန်းသိမ်း ရေးဌာနတာဝန်ခံနှင့် တိုင်ကြားခဲ့ သောဒေသခံများသည် စက်တင် ဘာ ၁ဝ ရက်နှင့် ၁၁ ရက်များတွင် လှည့်လည်စစ်ဆေးခဲ့ခြင်းဖြစ်သည်။

 

လက်ပံတောင်းဒေသခံများ နိုင်ငံတော်သမ္မတထံတိုင်ကြားမှုတွင် မြန်မာ-ဝမ်ပေါင်ကုမ္ပဏီ ကျောက် ခွဲစက်မှကျောက်များ နေ့ညမပြတ် ခွဲနေ၍ ထိတ်လန့်နေရမှု၊ ကျောက် မှုန်အမွှားများ လေနှင့်အတူပါလာ ပြီး စီမံကိန်းအနီး ဆည်းတည်းရွာ ဟောင်းသို့ကျရောက်မှု၊ ကုမ္ပဏီမှ အက်စစ်ပါသည့်စွန့်ပစ်ရေများ မြစ် ရေနှင့်အတူစွန့်ထုတ်သဖြင့် စိုက် ခင်းရေလွှမ်းကာ သီးနှံအထွက်လျော့ ကျမှု၊ တောင်ပလူကျော်ရွာအနီး နှစ်ရာကျော်သက်တမ်းရှိ သစ်ပင် များ ခြောက်သွေ့သေဆုံးမှု၊ စီမံ ကိန်းရှိ ကြက်မွေးမြူရေးခြံမှ အနံ့ ဆိုးများထွက်မှု၊ အက်စစ်မှုန်များ ပျံ့နှံမှုတို့ပါဝင်သည်။


''အဲဒီမှာက ပတ်ဝန်းကျင်ဆိုင် ရာပြဿနာတွေထက် မြေယာ ပြဿနာက အဓိကပဲ။ အဲဒါကို မ ဖြေရှင်းနိုင်သရွေ့ ဖြစ်နေဦးမှာ။ ရေ ထု၊ မြေထု၊ လေထုကို စောင့်ကြည့် တိုင်းတာမှု ပိုကောင်းအောင်လုပ် ရမယ်။ ရေထွက်ပေါက်တွေကို ဒေ သခံတွေလိုက်ပြခိုင်းတော့ ပြွန်တွေ နဲ့တိုက်ရိုက်ထုတ်တာမတွေ့ရဘူး။ စီမံကိန်းမှာ ကြီးကြီးမားမား ရေဆိုး ထုတ်တာမတွေ့ရဘူး။ အကုန် Recycle လုပ်ထားတာတွေ့တယ်'' ဟု စစ်ဆေးရေးအဖွဲ့ခေါင်းဆောင် တိုင်းဒေသကြီး သဘာဝပတ်ဝန်း ကျင် ထိန်းသိမ်းရေး ဦးစီးဌာနမှ ဦးစီးမှူး ဦးသိန်းဌေးက ပြော ကြားသည်။


ဆည်းတည်းရွာဟောင်းသည် ကြေးနီစီမံကိန်းနှင့်မလွတ်ကင်း၍ ရွှေ့ရမည့်ကျေးရွာစာရင်းတွင် ပါဝင် သော်လည်း အိမ်ခြေ ၂ဝ ကျော်မှာ ရွှေ့ပြောင်းရန်ကျန်နေသေး၍ ကုမ္ပဏီဘက်မှလည်း စွန့်ပစ်မြေ များ စုပုံခြင်း၊ ဆဲလ်လိုင်းများ တည် ဆောက်မလုပ်နိုင်သေးဟု စစ်ဆေး ရေးအဖွဲ့ထံပြောကြားခဲ့သည်ဟု သိ ရသည်။ တိုင်ကြားစာပါ လမ်းဘေး သစ်ပင်များ ခြောက်သွေ့ခြင်းတွင် အပင် ၁၂ ပင်သည် ရေကန်စိမ့် စမ်းစွဲခြင်းကြောင့်ဖြစ်ပြီး ကုမ္ပဏီ မှ မြေအောက်ရေကို ထိန်းချုပ်ရန် လိုအပ်နေသည်ဟု ဆိုသည်။ ''အဲဒီဒေသကရွာတွေရဲ့ သောက်သုံးရေနမူနာတော့ ဓာတ် ခွဲစစ်ဖို့ယူလာတယ်။ PH အဆင့် ကကောင်းတော့ စိုးရိမ်ဖွယ်ရာမ ရှိဘူး။ တခြားသတ္တုဓာတ်တွေပဲ စစ်ရမှာ''ဟု ဦးသိန်းဌေးက ပြော ကြားသည်။


ချင်းတွင်မြစ်ရေမဝင်ရန် ကြေး နီစီမံကိန်းမှ အုတ်တံတိုင်းများ ကာရံထားသဖြင့် မြစ်ရေတက်ချိန် တွင် သဘာဝအတိုင်းရေများတောင် ခြေအထိ ပျံ့နှံ့စွာမစီးဆင်းနိုင်၍ ဒေသခံရွာများမှာ ရေမြုပ်မှုခံနေရ သည်ဟု သိရသည်။ ''လာစစ်မယ်ဆိုရင် လုပ်တာ တွေရပ်ထားတာကိုက ပွင့်လင်းမြင် သာမှုမရှိတာဘဲ။ လုပ်ငန်းမလည် ပတ်တော့ လေထုကိုတိုင်းလို့မရ ဘူး။ ကုမ္ပဏီထဲကို စစ်ဆေးရေး အဖွဲ့သွားရင် နစ်နာတဲ့ဒေသခံ တွေလည်း လိုက်ချင်ပါတယ်ပြော တာ။ ဝင်ခွင့်မပေးဘူး။ စစ်ဆေး ရေးအဖွဲ့ရဲ့ အစီရင်ခံစာကိုလည်း ဒေသခံတွေဆီကို ချပြသင့်တယ်''ဟု လက်ပံတောင်းဒေသ တုံတော ကျောင်းရွာမှ မစန်းနွဲ့က ပြော သည်။ တိုင်စာစစ်ဆေးရေးအဖွဲ့၏ တွေ့ရှိချက်များအစီရင်ခံစာကို သ ဘာဝပတ်ဝန်းကျင်ထိန်းသိမ်းရေး ဝန်ကြီးဌာနနှင့် တိုင်းဒေသကြီး အစိုးရအဖွဲ့ထံ တင်ပြသွားမည်ဖြစ် သည်။ 

KTS

#democracytoday

Rate this item
(0 votes)
back to top