RelatedPosts
ရန်ကုန်
နိုင်ငံတစ်ခုလုံး၏ ဖွံ့ဖြိုးတိုးတက်မှုကို ရည်ရွယ်၍ တိုင်းဒေသကြီး၊ ပြည်နယ်၊ ခရိုင်၊ မြို့နယ်အလိုက် အလုပ်သမားရေးရာအဖွဲ့များ ဖွဲ့စည်းရန် ညွှန်ကြားထားခြင်းဖြစ်ကြောင်းအမျိုးသားဒီမိုကရေစီအဖွဲ့ချုပ်၏ ဗဟိုအလုပ်သမားရေးရာအဖွဲ့မှသိရ သည်။ အဖွဲ့ဝင် ၁ဝဦး ပါဝင်သည့် ဗဟိုအလုပ်သမားရေးရာအဖွဲ့ကို ဧပြီ ၂၃ ရက်တွင် ပြင်ဆင်ဖွဲ့စည်းခဲ့ခြင်းဖြစ်ကြောင်း သိရသည်။
”နိုင်ငံရေးပါတီတစ်ခုမှာ အလုပ်သမားတို့၊ လယ်သမားတို့ ဌာနဆိုင်ရာတွေက ရှိရမှာလေ။ ၂ဝ၁၅ ပြီးတဲ့အချိန်မှာတော့ ကျွန်မတို့ လွှတ်တော်ရော၊ အစိုးရရော၊ ပါတီရော တာဝန်တွေများနေတော့ချက်ချင်းမဖွဲ့နိုင်တဲ့ အခါကျတော့ နည်းနည်းနောက်ကျတာပေါ့။ နောက်ကျနေတော့ ပြန်လည်ဖွဲ့စည်းတာပါ။ အလုပ်သမား၊ အလုပ်ရှင်တွေ ပြေလည်မျှတ ပြီးတော့ တကယ်စီးပွားရေး ဖွံ့ဖြိုးတိုးတက်ပြီး နိုင်ငံတစ်ခုလုံးရဲ့ တိုးတက်ဖွံ့ဖြိုးမှုအတွက်ပဲ ရည်ရွယ်ပါတယ်။ ဘာဖြစ်လို့လဲဆိုတော့ ဥပ ဒေတွေ မခိုင်မာတာတွေရှိတယ်။ ၂ဝ၁ဝ နောက်ပိုင်းမှာ ပြန်လည်ရေးဆွဲထားတဲ့ ဥပဒေ တွေ အဲဒီဥပဒေတွေ ပြင်ဆင်တာတို့၊ ပြန်လည် ဖြည့်စွက်တာတို့လည်း လွှတ်တော်နှစ်ရပ်ကို တိုက်တွန်းမှာပေါ့။ အဲ့ဒီ့ရည်ရွယ်ချက်တွေ တော့ ပါပါတယ်”ဟု ဗဟိုအလုပ်သမားရေးရာ အဖွဲ့အတွင်းရေးမှူး ဒေါ်အိရွှေစင်ညွန့်က ပြောသည်။
အဆိုပါအဖွဲ့များအနေနှင့် အလုပ်သမားများရေးရာ ကိစ္စအရပ်ရပ်ကို အကြံပြုခြင်း၊ ပဋိပက္ခများကို ညှိနှိုင်းဖြေရှင်းပေးခြင်း၊ တည်ဆဲ အလုပ်သမားရေးရာဥပဒေများကို သုံးသပ်ပြီး သက်ဆိုင်ရာဝန်ကြီးဌာနသို့ အကြံပြုခြင်းတို့ကို ဆောင်ရွက်ပေးသွားမည်ဖြစ်ကြောင်းသိရသည်။ ”အဖွဲ့ဝင်တွေအနေနဲ့ အလုပ်သမားအ ရေးကို တကယ်ပဲ စိတ်ဝင်စားမယ်။ အလုပ်သမား စံချိန်စံညွှန်းတွေကို နားလည်သဘော ပေါက်မယ်။ ပြည်သူလူထုကို အလုပ်သမား အခွင့်အရေးဆိုင်ရာတွေကို ဆွေးနွေးပြော ကြားနိုင်မယ်ပေါ့။ အလုပ်သမားရေး စိတ်ဝင်စားတဲ့သူတွေကို ရွေးချယ်တာပေါ့။ ညှိနှိုင်း ဆွေးနွေးမှုတွေ ပြုလုပ်ပေးတာပါ။ အလုပ်ရှင်ဘက်ကပဲ ဖြစ်ဖြစ်၊ အလုပ်သမားဘက်ကပဲ ဖြစ်ဖြစ်၊ ညှိနှိုင်းဆောင်ရွက်ပေးတဲ့ဟာမျိုး၊ ဒါမှ သူတို့အချင်းချင်း မပြေလည်ဘူးဆိုရင်တော့ သက်ဆိုင်ရာ အငြင်းပွားမှု ဖြေရှင်းရေးဆီကို သွားခိုင်းတာပေါ့”ဟု ၎င်းကဆိုသည်။ တိုင်းဒေသကြီး၊ ပြည်နယ်၊ ခရိုင်၊ မြို့နယ်အလိုက် ဖွဲ့စည်းမည့် အလုပ်သမားရေးရာ အဖွဲ့တွင် အဖွဲ့ဝင်ငါးဦးထက်မလျော့ဘဲ ကိုးဦးထက်မပိုသည့် လူအရေအတွက်ဖြင့် ဖွဲ့စည်း ရမည်ဖြစ်ပြီး ဖြစ်နိုင်ပါက ဥပဒေပညာရှင်တစ်ဦး အဆင့်တိုင်းတွင် ပါဝင်ရမည်ဖြစ် ကြောင်းသိရသည်။
အာကာထက်
#theyangontimes
Discussion about this post