RelatedPosts
ရန်ကုန် ၊ ဇွန် ၁၅
ရန်ကုန်တိုင်းအတွင်း ပြည်သူချင်းအငြင်းပွားမှုများတွင် ဥပဒေမဲ့လူမိုက်ဆန်ဆန် တရားမဝင်ဖြေရှင်းပေးနေသည့် အဖွဲ့အစည်းများကို အရေးယူမည် ဖြစ်ကြောင်း လုံခြုံရေးနှင့် နယ်စပ် ဒေသရေးရာဝန်ကြီး ဗိုလ်မှူးကြီး အောင်စိုးမိုးက ပြောသည်။
ဇွန် ၁၅ ရက် ရန်ကုန်တိုင်း လွှတ်တော်တွင် မြောက်ဥက္ကလာပ မြို့နယ်မဲဆန္ဒနယ်အမှတ်(၂)မှ လွှတ်တော်ကိုယ်စားလှယ် ဦးမြင့်လွင်က ”ရန်ကုန်တိုင်းဒေသကြီးအတွင်း ပြည်သူအချင်းချင်းဖြစ်ပွားသော အငြင်းပွားမှုများတွင် အုပ်ချုပ်မှု၊ စီမံခန့်ခွဲမှုတာဝန်ရှိ သော အစိုးရအဖွဲ့အစည်းများ၏ တာဝန်ကိုဆန့်ကျင်၍ ဥပဒေမဲ့ လူမိုက်ဆန်ဆန် တရားမဝင်ဖြေရှင်း ပေးနေသော အဖွဲ့အစည်းများအား မည်ကဲ့သို့ အရေးယူဆောင်ရွက် ပေးမည်”ကို သိလိုကြောင်းမေးခွန်းနှင့်စပ်လျဉ်း၍ ဝန်ကြီးဗိုလ်မှူးကြီး အောင်စိုးမိုးက အထက်ပါအတိုင်း ထည့်သွင်းဖြေကြားခဲ့ခြင်းဖြစ်သည်။
ပြည်သူအချင်းချင်းဖြစ်ပွား သော အငြင်းပွားမှုများနှင့်စပ်လျဉ်း၍ အကူအညီတောင်းခံသည့်ပုဂ္ဂိုလ်၊ အဖွဲ့အစည်းများအနေနှင့် ဥပဒေနှင့် မညီညွတ်သောကိစ္စများကိုဆောင်ရွက်ရန် အကူအညီတောင်းခံမှု မပြုသင့်သကဲ့သို့ ပြည်သူ့စေတ နာ့ဝန်ထမ်းများအနေဖြင့်လည်း ဥပဒေနှင့်ညီညွတ်သော ကိစ္စရပ်များကိုသာ ကူညီရမည်ဖြစ်ကြောင်း မိမိတို့လုပ်ပိုင်ခွင့်အာဏာမရှိသည့်ကိစ္စရပ်များကို သက်ဆိုင်ရာအုပ်ချုပ်ရေး အဖွဲ့အစည်းများ၊ ဌာနဆိုင်ရာများကိုသာ တင်ပြဆောင်ရွက်ရမည်ဖြစ် ကြောင်း ၎င်းက ပြောသည်။
”မြေယာအငြင်းပွားမှုတွေအပေါ်မှာ အခြေခံပြီးတော့ ဖြစ် ပေါ်လာတဲ့ ပြဿနာရပ်များမှာ ဥပဒေနဲ့မညီဘဲ ဆောင်ရွက်လာရင် ပြစ်မှုကျူးလွန်တဲ့ မည်သူ့ကိုမဆို အရေးယူဆောင်ရွက်သွားမှာ ဖြစ် ပြီးတော့ ဥပဒေနဲ့အညီ နည်းလမ်း တကျထိန်းချုပ်ဆောင်ရွက်သွားရမှာ ဖြစ်ပါတယ်။ လူမိုက်ဆန်ဆန်အုပ်စုဖွဲ့ ဆောင်ရွက်မှုများသည် အများပြည်သူလုံခြုံမှုဘဝကို ထိခိုက်စေပြီး အဖွဲ့အစည်းများ အုပ်ချုပ်ရေးအဖွဲ့အစည်းများရဲ့ တပ်ဖွဲ့ ဝင်များနဲ့အတူ ပူးပေါင်းအရေးယူ ဆောင်ရွက်သွားမယ်”ဟု ၎င်းက ဆက်လက်ပြောသည်။
ရန်ကုန်တိုင်းဒေသကြီးအတွင်းမှာ ပြည်သူအချင်းချင်းဖြစ်ပွားနေသော အငြင်းပွားမှုအမျိုး မျိုးရှိနေပြီး ယင်းတို့မှာ မြေယာအငြင်းပွားမှု၊ အိမ်ရာအငြင်းပွားမှု၊ ငွေချေးငှားရာမှ အငြင်းပွားမှုနှင့် လူမှုရေးဆိုင်ရာ အငြင်းပွားမှုများရှိနေရာ ထိုအငြင်းပွားမှုများကို သက်ဆိုင်ရာအစိုးရအဖွဲ့အစည်းများက ဖြေရှင်းဆောင်ရွက် ရမည်ဖြစ်သော်လည်း အချို့က ပြင်ပမှလူမှုရေး အကူအညီပေးနေသည့် အဖွဲ့အစည်းများကို ငှားရမ်း ဖြေရှင်းနေကြောင်း လွှတ်တော်ကိုယ်စားလှယ် ဦးမြင့်လွင်ကပြောသည်။
ရန်ကုန်တိုင်းဒေသကြီးအတွင်း အုပ်စုဖွဲ့ကာ လူမိုက်ဆန်ဆန်အနိုင်ကျင့် ဗိုလ်ကျမှုများကို ၂ဝ၁၄ ခုနှစ်တွင် လှိုင်းလုံးစီမံချက်၊ ၂ဝ၁၅ ခုနှစ်တွင် ဝရဇိန်စီမံချက်၊ ၂ဝ၁၆ ခုနှစ်တွင် ကျားနက်စီမံချက်၊ ၂ဝ၁၇ ခုနှစ်တွင် စွန်ရဲစီမံချက်နှင့် ၂ဝ၁၈ ခုနှစ်တွင် လင်းယုန်စီမံချက်များ ချမှတ်ကာ ဆောင်ရွက် နေကြောင်းသိရသည်။
TTMT
#democracytoday
Discussion about this post