RelatedPosts
ရန်ကုန်၊ ဇူလိုင် ၃၁
ဒေးဒရဲမြို့နယ်အတွင်း ငါးဖမ်းပိုက်ပျောက်ဆုံးမှုကိုစစ်ဆေးစဉ် သံသယရှိသူ သေဆုံးခဲ့မှုအပေါ် တာဝန်ရှိရဲဝန် ထမ်းများအား ထိရောက်စွာအရေးယူပေးရန် ပြည်ထဲရေးဝန်ကြီးဌာနသို့ မြန်မာနိုင်ငံအမျိုးသားလူ့အခွင့် အရေးကော်မရှင်မှ အကြံပြုစာ ပေးပို့လိုက်သည်။ ”ပို့ပြီးပါပြီ။ ဝန်ကြီးဌာနဘက်ကလည်း အရေးယူဆောင်ရွက်မှု တွေ လုပ်နေပါပြီ” ဟု ကော်မရှင် ပြောခွင့်ရ ဦးယုလွင်အောင်က ဇူလိုင် ၃၁ ရက်တွင် ပြာသည်။
ယင်းအပြင် ဒေးဒရဲမြို့မရဲ စခန်းမှူးသည်လည်း အရက်ကိုစွဲ လမ်းစွာ သောက်သုံးသူဖြစ်သည့်အတွက် မြို့မစခန်းမှူးအဖြစ် တာဝန်ပေးအပ်ခြင်းမှာ မသင့်လျော်သလို ယင်း ဖြစ်စဉ်နှင့်ပတ်သက်၍လည်း တာဝန်ရှိသူတစ်ဦးဖြစ်သည့်အတွက် ထိရောက်စွာအရေးယူပေးရန် ယင်းအကြံပြုစာတွင် ပါဝင်ကြောင်း ဦးယုလွင်အောင်ကပြောသည်။ ဧရာဝတီတိုင်းဒေသကြီး ဒေးဒရဲမြို့နယ် ညောင်ပင်ကျေးရွာနေ ကိုဇော်မင်းထွန်းကို ငါးဖမ်းပိုက် ပျောက်ဆုံးမှုအတွက် ဒေးဒရဲမြို့မ ရဲစခန်းက ခေါ်ယူစစ်ဆေးစဉ် သေဆုံးခဲ့ခြင်းဖြစ်ပြီး သေဆုံးသူ၏ အစ်မဖြစ်သူက တိုင်တန်းသဖြင့် လူ့အခွင့်အရေးကော်မရှင်အတွင်း ရေးမှူး ဦးဘုန်းကြွယ်ဦးဆောင်သည့် စုံစမ်းစစ်ဆေးရေးအဖွဲ့ သည် ဇူလိုင် ၂၃ ရက်နှင့် ၂၄ ရက် တို့က သွားရောက်စစ်ဆေးခဲ့ ကြောင်းသိရသည်။
သေဆုံးသူ၏အစ်မ၊ ဇနီးနှင့် မြို့နယ်ဆရာဝန်ကြီးအပါအဝင် အခြားသက်သေများ၊ ဒေးဒရဲမြို့မ ရဲစခန်းမှတာဝန်ရှိ ရဲအရာရှိများနှင့် တပ်ဖွဲ့ဝင်များ၊ စုစုပေါင်း ၁၆ ဦးတို့ကို စစ်ဆေးခဲ့ပြီး တွေ့ရှိချက်အပေါ်အခြေခံကာ ပြည်ထဲရေး ဝန်ကြီးဌာနထံ အကြံပြုစာပေးပို့ ခြင်းဖြစ်ကြောင်း သိရသည်။ ယင်းအကြံပြုစာတွင် အဓိက စစ်ဆေးခဲ့သူ ဒုရဲအုပ်ကျော်ဌေးလွင်နှင့် ပါဝင်ပတ်သက်သူ ရဲတပ် ဖွဲ့ဝင်များကို ထိရောက်စွာအရေး ယူပေးရန်၊ ရဲစခန်းတွင် အဓိကတာဝန်ရှိသော မြို့မစခန်းမှူးကို ထိ ရောက်စွာအရေးယူပေးရန်၊ ကျန်ရဲတပ်ဖွဲ့ဝင်များအားလုံး စိတ်ဓာတ်ပျက်ပြားခြင်းမရှိစေရေးအတွက် စုပေါင်းအရေးယူခြင်းကို သတိပြု ဆောင်ရွက်ရန်၊ မြန်မာနိုင်ငံရဲတပ် ဖွဲ့အတွင်း ရဲစခန်းများတွင် တရားခံ သေဆုံး/ဒဏ်ရာရမှုဖြစ်စဉ်များ မကြာခဏဖြစ်ပွားနေသဖြင့် မြန်မာနိုင်ငံရဲတပ်ဖွဲ့ဌာနချုပ်အနေ ဖြင့် ဖြစ်စဉ်များကို ပြန်လည်သုံးသပ်ပြီး ပြည်သူယုံကြည်ကိုးစားမှု ပိုမိုရရှိစေရေးအတွက် ရဲလုပ်ငန်းစဉ်နှင့်အညီ စနစ်တကျဆောင်ရွက်ရန် ကွပ်ကဲကြပ်မတ်မှုအဆင့် ဆင့်ကို တိုးမြှင့်ဆောင်ရွက်သင့် ကြောင်း စသည့်အကြံပြုချက်များ ပါဝင်သည်။
HWA
#democracytoday
Discussion about this post