RelatedPosts
ရန်ကုန်၊ နိုဝင်ဘာ ၂၅
မဟာသန္တိသုခကျောင်းကို ထိန်းသိမ်းစောင့်ရှောက်မည့်သူ မရှိမချင်း လုံခြုံရေးချထားပေးရန် ဝန်ကြီးချုပ်ထံတင်ပြမည်ဖြစ်ကြောင်း တာမွေမြို့နယ် အမှတ်(၁)တိုင်းဒေသကြီး လွှတ်တော်ကိုယ်စားလှယ် ဦးလှသိန်းကပြောသည်။ နိုဝင်ဘာ ၂၅ ရက် မဟာသန္တိသုခကျောင်းတော်ကြီးနှင့်ကပ်လျက်ရှိ သာသနာ့ဇေယျ မင်္ဂလာပရိယတ္တိစာသင်တိုက်တွင်ပြုလုပ်သည့် ကျောင်းတိုက်လုံခြုံရေးဆိုင်ရာ သတင်းစာ ရှင်းလင်းပွဲတွင် ၎င်းက ပြောကြားခဲ့ခြင်းဖြစ်သည်။
မဟာသန္တိသုခကျောင်းတော်ကြီးကို ပိုင်ဆိုင်မှုပြဿနာမပြီးသေးမီ သာသနာ့ဇေယျ မင်္ဂလာပရိယတ္တိစာသင်တိုက်(သုံးထပ်ကျောင်း)ဆရာတော်ကြီးမှ ယာယီစောင့်ရှောက်နိုင်ရန်အတွက် တပည့်ဒကာ၊ ဒကာမများက သက်ဆိုင်ရာကိုတင်ပြမည်ဖြစ်ကြောင်း သတင်းစာရှင်းလင်းပွဲ၌ ဒကာ၊ ဒကာမတို့က ပြောသည်။
မဟာသန္တိသုခကျောင်းတော်ကြီးပိတ်ထားရသည့်အတွက် ကျောင်းတိုက်ပစ္စည်းများ မကြာခဏအခိုးယူခံရကြောင်း၊ ယင်းအတွက် သက်ဆိုင်ရာသို့ တပည့်ဒကာများမှတင်ပြ ခဲ့သော်လည်း ဖြေရှင်း ဆောင်ရွက်နိုင်မှုမရှိခြင်းနှင့် ထိန်းသိမ်းစောင့်ရှောက်မှသာ ယင်း ပြဿနာပြေလည်မည်ဖြစ်သောကြောင့် ယခုကဲ့သို့စီစဉ်ရခြင်းဖြစ်ကြောင်း ၎င်းကပြောသည်။
”မဟာသန္တိသုခကျောင်း တော်ကြီးရဲ့လုံခြုံရေး အခြေအနေ ဆိုးရွားနေတာဟာ တိုင်းဒေသကြီး ဝန်ကြီးချုပ်၏ လမ်းညွှန်ချက်အား သက်ဆိုင်ရာက မလိုက်နာသည့် အတွက်ကြောင့်ဖြစ်ပါတယ်။ ထိန်းသိမ်းစောင့်ရှောက်မဲ့သူမရှိမချင်းလုံခြုံရေးသေချာချပြီးစောင့်ရှောက် ပေးနိုင်ဖို့ ဝန်ကြီးချုပ်ကို ထပ်တင်ပြသွားမှာပါ”ဟု တိုင်းလွှတ်တော်ကိုယ် စားလှယ်ဦးလှသိန်းက ပြောသည်။
ယခင်က မဟာသန္တိသုခ ကျောင်းတော်ကြီးကို လုံခြုံမှုပေးနိုင်ရန် ဝန်ကြီးချုပ်ထံတင်ပြခဲ့မှု ကြောင့် မြန်မာနိုင်ငံရဲတပ်ဖွဲ့မှလှည့် ကင်းဆောင်ရွက်ပေးရန် ဝန်ကြီးချုပ်က လမ်းညွှန်ခဲ့ကြောင်း၊ သို့ရာတွင် နှစ်ကာလကြာရှည်လာသည်နှင့်အမျှ ကျောင်းတိုက်အတွင်းပစ္စည်းများအခိုးယူခံရခြင်းများ မကြာ ခဏဖြစ်ပေါ်လာကြောင်း ၎င်းက ပြောသည်။
သာသနာ့ဇေယျမင်္ဂလာပရိ ယတ္တိစာသင်တိုက်(သုံးထပ်ကျောင်း) ပဓာနဆရာတော်ဘဒ္ဒန္တပညိန္ဒက ”မဟာသန္တိသုခ ကျောင်းတော်ကြီး ၏အခြေအနေမှာ ခိုကိုးရာမဲ့နေ သည့်ပုံစံဖြစ်နေပါတယ်၊ အခုလို ဖြစ်နေတာမြင်ရတာ ဘုန်းကြီးတို့ အနေနဲ့ စိတ်မချမ်းမသာဖြစ်မိပါတယ်။ အရင်တုန်းကလို စည်စည် ကားကားနဲ့သာသနာပြုလုပ်ငန်း တွေဆောင်ရွက်နေတာပဲ မြင်လိုပါ တယ်”ဟု ဆရာတော်က မိန့်သည်။ ပီနန်ဆရာတော်နှင့် နိုင်ငံတော် သံဃမဟာနာယကတို့အကြား မဟာသန္တိသုခကျောင်း ပိုင်ဆိုင် ခြင်းအငြင်းပွားမှုဖြစ်ပေါ်ခဲ့ပြီး ၂ဝ၁၄ ခုနှစ် သြဂုတ်လ ၁ဝ ရက်နေ့ ည ၁၁ နာရီကျော်ခန့်တွင် သာသနာရေးဦးစီးဌာနက ကျောင်း တိုက်အား ချိတ်ပိတ်ခဲ့သည်။ တာမွေမြို့နယ် လွှတ်တော်ကိုယ်စားလှယ် ဦးတိုးဝင်းကလည်း မဟာသန္တိသုခကျောင်းတော်ကြီး ပြဿနာပြေလည်ရေးအတွက် ကြိုးပမ်းဆောင်ရွက်သွားမည် ဖြစ်ကြောင်းပြောသည်။
မဟာသန္တိသုခကျောင်း ပိုင်ဆိုင်ခြင်းအငြင်းပွားမှုကြောင့် ၂ဝ၁၄ ခုနှစ် သြဂုတ်လ ၁ဝ ရက်နေ့ ည ၁၁ နာရီကျော်ခန့်က သာသနာ ရေးဦးစီးဌာနနှင့် မြန်မာနိုင်ငံရဲ တပ်ဖွဲ့တို့မှ ပူးပေါင်း၍ ရန်ကုန် တိုင်းဒေသကြီး၊ တာမွေမြို့နယ်၊ နတ်ချောင်းရပ်ကွက်ရှိ အဆိုကျောင်းတိုက်ကို အင်အားသုံးဝင်ရောက် ချိတ်ပိတ်ခဲ့ကာ ကျောင်းတိုက်အတွင်းသီတင်းသုံးနေသော လန်ဒန်ဆရာတော်ဦးဥတ္တရအပါအဝင် သံဃာငါးပါးကို သာသနာရေး ပြစ်မှုဆိုင်ရာ ဥပဒေပုဒ်မအပြင် သာသနာ ညှိုးနွမ်းစေမှု ပြစ်မှု ပုဒ်မ ၂ဝ/၉ဝ နှင့် ဖမ်းဆီးကာ လူဝတ်လဲစေပြီး တရားစွဲဆိုခဲ့ဖူးသည်။
NT
#democracytoday
Discussion about this post