RelatedPosts
မြိတ်၊ ဒီဇင်ဘာ ၂၁
တနင်္သာရီတိုင်းဒေသကြီး မြိတ်မြို့ ပင်လယ် ပြင်အတွင်းရှိ ကျွန်းများသို့ဧည့်သည်များ လည်ပတ်ရာတွင် အသုံးပြု သောဖိုက်ဘာစပီဘုတ်လှေများကို ထိုင်းနိုင်ငံမှတစ်ဆင့် ဝယ်ယူရာ၌ ဈေးကြီးမြင့်၍ စရိတ်စကကြီးမြင့်မှုများမှ သက်သာစေရန်အတွက် မြိတ်မြို့၌ ပထမဆုံးအကြိမ် ဖိုက်ဘာစပီဘုတ်လှေများကို စတင်ထုတ်လုပ်ခဲ့ရာ မကြာမီပြီးစီး၍ ရေချစမ်းသပ်မောင်းနှင်တော့မည် ဖြစ်ကြောင်း Mergui Dolphin ကုမ္ပဏီမှ မန်နေဂျင်းဒါရိုက်တာ ကိုသိန်းဇော်မင်းထံမှ သိရသည်။
ဖိုက်ဘာလှေများကို ထိုင်းနိုင်ငံမှတစ်ဆင့် ဝယ်ယူရာတွင် အများအားဖြင့် အဟောင်းကိုသာ ဝယ်ယူမှုများပြားကြောင်း ယခုနောက်ပိုင်းတွင် အသစ်ဝယ်ယူတင်သွင်းမှုရှိသော်လည်း အများအားဖြင့် ၈ဝ ရာခိုင်နှုန်းခန့်က အဟောင်းနှင့် Second များဖြစ်ပြီး ဈေးနှုန်း မှာပုံမှန်မရှိကြောင်း အသစ်ဝယ်ယူရာတွင် အမျိုးအစားအလိုက် အင်ဂျင်မပါဘဲ ၂၅ ယောက်စီး ၃၆ ပေအသစ်တစ်စင်းကို ဘတ် ၁၂ သိန်း၊ ၂၇/၂၈ ပေဆိုရင် ဘတ် ရှစ်/ကိုး သိန်းကြားဈေးရှိသည်။
”ကျွန်တော်တို့ ဟိုဘက်မှာ ပစ္စည်းတစ်ခုသွားဝယ်လို့ရှိရင် တန်တယ်၊ မတန်ဘူးဆိုတာ ဆုံးဖြတ်လို့မရဘူး။ သူတို့ခေါ်တဲ့ဈေးနဲ့ဝယ်ရတယ်။ လှေချည်းပဲသက်သက် ဝယ်လို့မရဘူး။ အင်ဂျင်အဟောင်းနဲ့ တွဲရောင်းတယ်။ အင်ဂျင်အဟောင်းနဲ့ဆို အဆင်မပြေဘူး။ အဲဒါလည်း တစ်ပိုင်းပေါ့။ သူတို့နိုင်ငံမှာ လုပ် နေတဲ့သူတွေက အများအားဖြင့် မြန်မာအလုပ်သမားတွေများပါတယ်။ အရည်အသွေးလည်းတူရ မယ်။ ဈေးလည်းချိုရမယ်။ ကိုယ့် ဒေသအကျိုးအတွက် ခရီးသွား လုပ်ငန်းဖွံ့ဖြိုးလာစေဖို့ အဲဒီရည် ရွယ်ချက်နဲ့ လုပ်တာပါ။ သစ်အစားထိုးစပီဘုတ်အစားအခြားရေ လုပ်ငန်းသုံးချောင်းထဲသွားတဲ့ဖိနပ် ပိုက်လှေလေးတွေကို ဈေးသက်သက်သာသာနဲ့ ဒေသခံတော်တော်များများသုံးနိုင်အောင်ဆိုတဲ့ရည် ရွယ်ချက်နဲ့လုပ်တာပါ။ လူတန်းစားမရွေး သုံးနိုင်တဲ့အခြေအနေရ အောင်သစ်အစားထိုး၊ ဒေသလို အပ်ချက်နဲ့စတင်လုပ်ကိုင်ခြင်းဖြစ် ပါတယ်။ စတင်လုပ်တဲ့အချိန်က တော့ ၇ဝ/၈ဝ ရာခိုင်နှုန်းလောက် ယိုးဒယားကို ယှဉ်နိုင်မှာမဟုတ်ပါဘူးလို့ ဝေဖန်ကြပါတယ်။ နောက်ပိုင်းအဆင်ပြေလာတာပေါ့”ဟု မန်နေဂျင်းဒါရိုက်တာ ကိုသိန်းဇော်မင်းက ပြောသည်။
ယခုအခါ မြိတ်မြို့တွင် ဖိုက်ဘာလှေစပီဘုတ်များကို ပထမဆုံးစတင်လုပ်ဆောင်နေပြီးဖြစ် သောကြောင့် ဒေသအတွင်း ခရီးသွားလုပ်ငန်းများအတွက် ပိုမိုအဆင်ပြေလာမည်ဖြစ်ကြောင်း သိ ရသည်။
MN
#democracytoay
Discussion about this post