HIGHLIGHT NEWS
Main menu

Regional News [-- ဒေသဆိုင်ရာ သတင်းများ --]

ခြောက်ဘီးယာဉ်နှင့် ချိတ်မိပြီး ကွန်ကရစ်တိုင်ခြောက်တိုင် အောက်ခြေမှကျိုး

လာရှိုး၊ မတ် ၁၆

ရှမ်းပြည်နယ် လားရှိုးမြို့၊ မြို့တော်ခန်းမရှေ့တွင် မတ် ၁၆ ရက် မွန်းလွဲ ၁ နာရီ ကျော်ခန့်က လမ်းဦးစီးဌာနဘက် ခြမ်းတွင်ရှိသော ဆက်သွယ်ရေးကြိုး များအား လမ်းဦးစီးဌာနမှ လမ်း ကြိတ်စက်တင်ဆောင်ကာ ထွက် လာသော ခြောက်ဘီးကုန်တင်ယာဉ် မှ ဝင်ရောက်ချိတ်မိသည့်အတွက် ဆက်သွယ်ရေးကြိုးများနှင့် ကြိုးများ သွယ်တန်းထားသည့် ကွန်ကရစ် တိုင်ခြောက်တိုင်အောက် ခြေမှစ ၍ ကျိုးကျခဲ့ပြီး သံသတ္တုဖြင့် ထောင် ထားသော ဆက်သွယ်ရေးတိုင် တစ် တိုင်သည်လည်း ခါးလယ်မှယိုင်လဲ ခဲ့၍ အင်တာနက်လိုင်းတချို့ ပြတ် တောက်ခဲ့ကြောင်း သိရသည်။

ဆက်လက်ဖတ်ရှုရန် ...

သထုံမြို့တွင် ရှေးဟောင်း အုတ်ခွက် ဘုရား ၂၄၅ ဆူနှင့် ကြေးဒင်္ဂါးတစ်ပြားကို တူးဖော်တွေ့ရှိ

သထုံ၊ မတ် ၁၅

မွန်ပြည်နယ်၊သထုံမြို့ သိမ်ကုန်းရပ်ကွက်အထက (၄)ကျောင်းဘေးရှိ မြန်မာနှစ်ခြင်း ခရစ်ယာန်အသင်းတော်ဝင်း အတွင်းတွင် မတ် ၁၃ ရက်၊ညနေပိုင်းက အသင်းတော်ထမင်းစားဆောင်အတွက် အုတ်မြစ်တူးရာမှရှေး ဟောင်းအုတ်ခွက်ဘုရား ၂၄၅ဆူနှင့်ကြေးဒင်္ဂါးတစ်ပြားကို တူးဖော် တွေ့ရှိခဲ့ကြောင်းသိရသည်။

ဆက်လက်ဖတ်ရှုရန် ...

စစ်ကိုင်းတိုင်း ဒေသကြီးတွင် ရွှေနှင့် ကြေးနီသတ္တု စမ်းသပ်ရှာဖွေရန် ကုမ္ပဏီသုံးခုမှ မြေဧကတစ်ထောင်ကျော် လျှောက်ထား

မုံရွာ၊ မတ် ၁၅

စစ်ကိုင်းတိုင်း ဒေသကြီးအတွင်း ရွှေနှင့် ကြေးနီသတ္တုရိုင်း စမ်းသပ်တိုင်းတာရေးနှင့် ဖြစ်မြောက်နိုင်စွမ်းလေ့လာ ရေးလုပ်ငန်းများဆောင်ရွက်ရန် မြေဧကတစ်ထောင်ကျော်ကို ကုမ္ပဏီသုံးခုမှ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနသို့ လျှောက်ထားကြောင်း စစ်ကိုင်းတိုင်းဒေသကြီး သတ္တုတွင်း ဦးစီးဌာန (မုံရွာ)မှ သိရသည်။ အဆိုပါလျှောက်ထားမှုအတွက် မြေစာရင်းပုံစံကူးယူခွင့်နှင့် သဘောထားမှတ်ချက်များ ပြန်ကြားပေးရန် တောင်းခံထားကြောင်း သိရသည်။

ဆက်လက်ဖတ်ရှုရန် ...

မြောင်းမြ အကျဉ်းထောင်တွင် အကျဉ်းသားအချင်းချင်း သတ်ဖြတ်မှုဖြစ်

ပုသိမ်၊ မတ် ၁၅

ဧရာဝတီတိုင်း ဒေသကြီး မြောင်းမြမြို့ မြောင်းမြ အကျဉ်းထောင်တွင် အကျဉ်းသားအချင်းချင်း လူသတ်မှုဖြစ်ပွားခဲ့ရာ အကျဉ်းသားတစ်ဦး သေဆုံးခဲ့ ကြောင်း တိုင်းဒေသကြီး ရဲတပ်ဖွဲ့မှူးရုံးမှ သိရသည်။ ဖြစ်စဉ်မှာ မြောင်းမြအကျဉ်း ထောင်၏ အမှတ်(၃)အိပ်ဆောင် အခန်း(၄)အတွင်း၌ မတ် ၁၄ရက် ညနေ ၅နာရီခန့်က တစ်ခန်းတည်းသားချင်းများဖြစ်ကြသော ပဲခူးခရိုင်တရားရုံးမှ ထောင်ဒဏ် ၁ဝ နှစ်ကျခံရ၍ ၂ဝ၁၅ခုနှစ် ဖေဖော်ဝါရီ ၁ဝရက်တွင် မြောင်းမြအကျဉ်း ထောင်သို့ရောက်ရှိလာသူ အကျဉ်းသား သိန်းအောင်(၅၈)နှစ် ရွှေဘုံသာကျေးရွာ ဒိုက်ဦးမြို့နယ် ပဲခူးတိုင်းနေသူသည် အိမ်မဲမြို့နယ် တရားရုံးမှ ထောင်ဒဏ် ၁၅နှစ် ကျခံလျက်ရှိသော အကျဉ်းသား ထွန်းထွန်းဦး(ခ)ဘွတ်ကလုံ(ခ)ချစ်ရအောင်(၂၂)နှစ် ပနာသိမ် ကျောင်းစုကျေးရွာ အိမ်မဲမြို့နေသူ အိပ်နေစဉ် ဆဲဆိုခဲ့သဖြင့် အကျဉ်းသားသိန်းအောင် (၅၈)နှစ်အား အသင့်ယူဆောင်လာ သော လက်လုပ်သံချွန်ဖြင့်ထိုးခြင်း ဖြစ်ကြောင်း တိုင်းရဲတပ်ဖွဲ့မှူးရုံးမှ ဒုတိယ ရဲမှုးကြီးထွန်းရွှေက ပြော ကြားသည်။

ဆက်လက်ဖတ်ရှုရန် ...

မုံရွာမြို့ရှိ ဂျပန် စစ်သင်္ချိုင်းဟောင်းသို့ ဂျပန်လူမျိုးများ လာရောက်လေ့လာ

မုံရွာ၊ မတ် ၁၄ 

စစ်ကိုင်းတိုင်း ဒေသကြီး မုံရွာမြို့ ဒေါနခြံရပ်ကွက် နယ်မြေ(၃) ဗေဒါလမ်း မြောက် ပိုင်းရှိ ဂျပန်စစ်သင်္ချိုင်းဟောင်းသို့ ဂျပန်လူမျိုးများ လာရောက်ကန် တော့မှု ပြန်များလာကြောင်း စကား ပြန်အ ဖြစ် လိုက်လံဆောင်ရွက် ပေးရသူ မြို့သစ်ရပ်ကွက် f Heisei Janpanese Language School မှ ဆရာဦးခင်မောင်ဆန်းက ပြော ကြားသည်။ အဆိုပါ သင်္ချိုင်းဟောင်းသည် ယခင်က အမှိုက်ပုံကြားတွင်ရောက် နေပြီး ယခုအခါ ဂျပန်ခရီးသွားများ အားဆွဲဆောင်နိုင်စေရန် စည်ပင် သာယာဌာနမှ ခြံစည်းရိုးခတ်၍ ပြုပြင်ရှင်းလင်း ဆောင်ရွက်ထား ခြင်းဖြစ်သည်။

ဆက်လက်ဖတ်ရှုရန် ...

မြန်မာ - ထိုင်းအမှတ်(၂) တံတားကြီး တည်ဆောက်မှု ရာနှုန်းပြည့်ပြီးစီးနေ၊ မတ် ၁၉ ရက်တွင် ဖွင့်လှစ်မည်

မြဝတီ၊ မတ် ၁၄ 

မြန်မာ-ထိုင်း နှစ်နိုင်ငံကို ဆက်သွယ်ထားသည့် မြန်မာ-ထိုင်း အမှတ်(၂)တံတား ကြီး တည်ဆောက်မှုမှာ ယခုအခါ ရာနှုန်းပြည့် ပြီးစီးနေပြီဖြစ်သည့်အတွက် မတ် ၁၉ ရက်တွင် ဖွင့်လှစ်သွားမည်ဖြစ်ကြောင်းသိရသည်။ အဆိုပါတံတားကြီးကို မတ် ၁၉ ရက်တွင် နိုင်ငံတော်အဆင့် အကြီးကဲများ လာရောက်ဖွင့်လှစ် မည်ဖြစ်သည့်အတွက် မတ် ၁၃ ရက် နံနက်ပိုင်းတွင် ကရင်ပြည် နယ်ဝန်ကြီးချုပ် ဒေါ်နန်းခင်ထွေး မြင့် လာရောက်ကြည့်ရှုပြီး လိုအပ်သည်များအား လမ်းညွှန်မှာကြားခဲ့သည်။

ဆက်လက်ဖတ်ရှုရန် ...

ပုသိမ်ကြီး၌ လျှပ်စစ်ဒယ်အိုးဖြင့် ဟင်းတည်ထားခဲ့ရာမှ အပူလွန်ကဲပြီး မီးလောင်မှုဖြစ်၊ နေအိမ် ၁၈ လုံးဆုံးရှုံး

ပုသိမ်ကြီး၊ မတ် ၁၄

မန္တလေးတိုင်းဒေသကြီး ပုသိမ်ကြီးမြို့နယ် သမ္မတောကျေးရွာရှိ နေအိမ်တစ်ခုတွင် မတ် ၁၄ရက် မွန်းလွဲ ၁၂နာရီ မိနစ် ၂ဝက နေအိမ်ဝါးထရံအနီး လျှပ်စစ်ဒယ်နီအိုး ဖြင့် ဆိတ်သားဟင်းတည်ထားခဲ့ရာမှ အပူလွန်ကဲပြီး မီးလောင်မှု ဖြစ်ပွားခဲ့ရာ နေအိမ် ၁၈လုံး မီး လောင်ကျွမ်းခဲ့ကြောင်း သိရသည်။ 

ဆက်လက်ဖတ်ရှုရန် ...

မန်းရွှေစက်တော် ဘုရားပွဲတော်အတွင်း အဝတ်အထည် အမှတ်တရ ပစ္စည်းအရောင်းဆိုင်မှ အရက်ဘီယာများ ဖမ်းမိ

မင်းဘူး၊ မတ် ၁၃

မကွေးတိုင်း ဒေသကြီး မင်းဘူးမြို့နယ် မန်းရွှေ စက်တော်ဘုရားပွဲကြီးတွင် အရက်ဘီယာရောင်းချခြင်းမပြုရန် တား မြစ်ချက်ထုတ်ပြန်ထားသော်လည်း ပျံကျဈေးတန်းရှိ အဝတ်အထည် အမှတ်တရပစ္စည်းအရောင်းဆိုင်မှ အရက်ဘီယာများ တွေ့ရှိဖမ်းဆီးရမိကြောင်း မန်းရွှေစက်တော် ဘုရားပွဲတော်ရဲကင်းစခန်းမှ သိရသည်။

ဆက်လက်ဖတ်ရှုရန် ...