စပါးကွင်းလယ်လူ အဲရစ်ဆင်က ဆွမ်ဆီးကို ၃-ဝဖြင့်အနိုင်ရခဲ့သော အက်ဖ်အေဖလားကွာတားပွဲစဉ်တွင် ခြေစွမ်းပြကစားနိုင်ခဲ့သော်လည်း မိမိ၏အကောင်းဆုံးခြေစွမ်းမဟုတ်သေးကြောင်း ဝင့်ကြွားပြောဆိုခဲ့သည်။ ဒိန်းမတ်လက်ရွေးစင်အဲရစ်ဆင်သည် အဆိုပါပွဲတွင် စပါးအတွက် နှစ်ဂိုးသွင်းယူပေးနိုင်ခဲ့ပြီး ခြေစွမ်းကောင်းပြသနိုင်သည့်အတွက် ကျေနပ် သော်လည်း အကောင်းဆုံးခြေစွမ်းမဟုတ်သေးဟုဆိုခဲ့ခြင်းဖြစ်သည်။
အဲရစ်ဆင်က ”ခြေစွမ်းပြနိုင်တဲ့အနေအထားကောင်းတစ်ခုမှာ ရှိနေတယ်ဆိုပေမယ့် ဒါကကျွန်တော့်ရဲ့အကောင်းဆုံးခြေစွမ်း မဟုတ်သေးပါဘူး။ လက်ရှိခြေစွမ်းအတွက် ဝမ်းမြောက်မိပေမယ့် ဒီထက်ပိုပြီးတိုးတက်လာဦးမယ်လို့ မျှော်လင့်ပါတယ်”ဟုဆိုခဲ့သည်။ ထို့အပြင် အဲရစ်ဆင်က ဆွမ်ဆီးကိုအနိုင်ရခဲ့သည့်အတွက် အက်ဖ်အေဖလားဆီမီးဖိုင်နယ်ကို ဝင်ဘာလေကွင်းတွင်ကစားရမည်ဖြစ်သည့်အတွက် စိတ်လှုပ်ရှားမိပြီး ပျော်ရွှင်စရာကောင်းသောပွဲဖြစ်လာမည်ဖြစ်ကြောင်း ပြောဆိုခဲ့သည်။
KKW
#democracytoday
Discussion about this post