ချဲလ်ဆီးနည်းပြကွန်တီက အသင်းအနေဖြင့် ပဲလေ့စ်ကို ရှုံးနိမ့်ခဲ့ရာတွင် ဒဏ်ရာပြဿနာများကအရေးပါခဲ့သော်လည်း နှစ်ပွဲဆက်အရှုံးကြောင့် အဖြေရှာရန်လိုအပ်နေပြီဖြစ်ကြောင်း ဝန်ခံခဲ့သည်။ ချဲလ်ဆီးသည် မန်စီးတီးကိုအရေးနိမ့်ခဲ့ပြီးနောက် ပဲလေ့စ်ကို ထပ်မံရှုံးနိမ့်ခဲ့သည့်အတွက် ပရီးမီးယားလိဂ်တွင် နှစ်ပွဲ ဆက်ရှုံးပွဲတွေ့ခဲ့ခြင်းဖြစ်ပြီး ယင်းမှာ ယမန်နှစ်ဧပြီလနောက် ပိုင်း ပထမဆုံးအကြိမ်လည်းဖြစ်သည်။
ကွန်တီက ”အသင်းအနေနဲ့ ဒီပွဲကိုအရေးပါတဲ့ကစားသမားသုံးဦးမပါဘဲကစားခဲ့ရတာဖြစ်လို့ အကြောင်းအရင်း တစ်ခုအဖြစ် ထည့်စဉ်းစားရမှာပါ။ ဒါပေမဲ့အခြေအနေအရပ်ရပ်ကို နားလည်သဘောပေါက်ပြီး အဖြေရှာဖို့လိုအပ်နေတာ အမှန်ပါပဲ။ လက်ရှိမှာ ကျွန်တော်သိမြင်ထားတဲ့အဖြေရှာခြင်းကတော့ ကိုယ့်အလုပ်ကိုလုပ်ကြဖို့ပဲဖြစ်ပါတယ်”ဟု ဆိုခဲ့သည်။ ချဲလ်ဆီးသည် ပဲလေ့စ်နှင့်ပွဲတွင် တိုက်စစ်မှူးမိုရာတာနှင့် ကွင်းလယ်လူကန်တီတို့မပါဘဲကစားခဲ့ရသလို တောင်ပံကစား သမားမိုဆက်စ်မှာလည်း ပထမပိုင်းတွင် ဒဏ်ရာကြောင့် လူစားလဲခြင်းခံခဲ့ရသည်။
KKW
#democracytoday
Discussion about this post