ဘရာဇီးအား ရှုံးနိမ့်ခဲ့သောပွဲတွင် ကွင်းလယ်ဒိုင်သည် ဘရာဇီးကစားသမားများအား မျက်နှာသာ ပေးခဲ့ကြောင်း မက္ကဆီကိုနည်းပြ အိုဆိုရီယိုက စွပ်စွဲပြောကြားလိုက်သည်။ အဆိုပါပွဲတွင် မက္ကဆီကိုအသင်းသည် ဘရာဇီးအား နေမာ၊ ဖာမီနိုတို့၏သွင်းဂိုးများဖြင့် နှစ်ဂိုး ပြတ်ရှုံးနိမ့်ကာ ကမ္ဘာ့ဖလားပြိုင်ပွဲ ရှုံးထွက်အဆင့်မှထွက်ခဲ့ရသည်။ ထိုသို့ပြိုင်ပွဲမှထွက်ခဲ့ရပြီးနောက် မက္ကဆီကိုနည်းပြအိုဆိုရီယိုက ကွင်းလယ်ဒိုင်ဂီယန်လူကာရော့ချီမှာ ဘရာဇီးအသင်းအား မျက်နှာပေး ကာကွယ်ခဲ့သည်ဟု ဝေဖန်စွပ်စွဲပြောခဲ့ခြင်းဖြစ်သည်။
အိုဆိုရီယိုက ”ကျွန်တော့်အ မြင်ပြောရရင် ဒိုင်လူကြီးတွေဟာ ဘရာဇီးအသင်းကို မျက်နှာသာပေးခဲ့ကြတယ်လို့ ထင်ပါတယ်။ ဘရာဇီး ကစားသမားတွေက ထိလိုက်တာနဲ့ အမြဲတမ်းပြစ်ဒဏ်ဘောရဖို့ကိုပဲ မျှော်လင့်နေကြတာပါ။ ဒိုင်လူကြီးက သူတို့ကို အမြဲတမ်းကာကွယ်ပေးခဲ့တယ်။ ဒိုင်လူကြီးက ဘရာဇီးအ သင်းဘက်ကနေ တော်တော်လေး ပါနေခဲ့တယ်လို့ထင်ပါတယ်”ဟု စွပ်စွဲ ပြောဆိုခဲ့သည်။ ထို့အပြင် အိုဆိုရီယိုက အဆိုပါ ပွဲတွင် ဘရာဇီးတိုက်စစ်မှူးနေမာ မကြာခဏလှဲချနေခဲ့ခြင်းကိုလည်း ဝေဖန်ပြောဆိုခဲ့သည်။
”ကစားသမားတစ်ယောက် ကြောင့် ကျွန်တော်တို့တွေ အချိန်တွေ ကုန်ခဲ့ရတာ အရမ်းရှက်ဖို့ကောင်းပါတယ်။ ဘောလုံးလောကမှာ အဲဒီလိုဖြစ်ရပ်တွေရှိနေတာကိုက ရှက်ဖို့ကောင်းနေပါတယ်။ ဒုတိယပိုင်းမှာ ကွင်းလယ်ဒိုင်က ပွဲကို မကြာခဏရပ်နေခဲ့လို့ ကျွန်တော်တို့အသင်း ကစားပုံ ပျောက်ဆုံးခဲ့ရခဲ့ပါတယ်။ အဲဒီလို အနေအထားမျိုးမှာ ကျွန်တော့် ကစားသမားတွေ ပိုပင်ပန်းခဲ့ကြတယ်” ဟု ပြောသွားခဲ့သည်။
ဘရာဇီးအသင်းသည် မက္ကဆီကိုအား အနိုင်ရရှိခဲ့ခြင်းကြောင့် ကွာတားဖိုင်နယ်အဆင့်သို့ တက် ရောက်နိုင်ခဲ့ပြီး ဘယ်လ်ဂျီယံအသင်းနှင့် ရင်ဆိုင်ရမည်ဖြစ်ရာ ဘရာဇီးအသင်းခေါင်းဆောင် သီယာဂိုဆေးဗားက တောင့်တင်းသည့်ဘယ်လ်ဂျီယံအသင်းကိုရင်ဆိုင်ရန် အကောင်းဆုံးပြင်ဆင်သွားမည်ဟုဆိုသည်။ သီယာဂိုဆေးဗားက ”ဘယ်လ်ဂျီယံဟာ ကြံ့ခိုင်မှုရော၊ နည်းစနည်းပိုင်းအရပါ ကောင်းမွန်တဲ့အသင်းဖြစ်ပါတယ်။ အဲဒီပွဲဟာ ပွဲကြီးပွဲကောင်းပါ။ ကျွန်တော်တို့ဘရာဇီးအသင်းက ဗိုလ်စွဲဖို့ရေပန်းစားနေပေမယ့် ပွဲတိုင်းကို အကောင်းဆုံးကစားနိုင်မှ မျှော်လင့်ထားသလိုဖြစ်လာမှာပါ”ဟု ပြောသွားခဲ့သည်။
KKW
#democracyotoday
Discussion about this post