ရန်ကုန်၊ အောက်တိုဘာ ၁၆
ရခိုင်အသင်းနှင့် တွေ့ဆုံရန် သေချာပြင်ဆင်ထားမှုကြောင့် အနိုင်ရရှိပြီး တန်းဆင်းဇုန်မှ လွတ်မြောက်ခဲ့ကြောင်း GFA အသင်းနည်းပြ ဦးသာကျော်မှဆိုသည်။ 2017 MNL Max Cement ပွဲစဉ်(၂ဝ)အဖြစ် GFA အသင်းနှင့် ရခိုင်ယူနိုက်တက်အသင်းတို့မှာ အောက်တိုဘာ ၁၄ ရက် ညနေ ၄ နာရီတွင် အောင်ဆန်းအားကစားကွင်း၌ယှဉ်ပြိုင်ကစားခဲ့ရာ GFA အသင်းမှ တိုက်စစ်မှူး အီမန်နူရယ်နှင့် Effa Kostka တို့၏သွင်းဂိုးများဖြင့် ရခိုင်ယူနိုက်တက်အသင်းကို လေးဂိုးပြတ်ဖြင့် အနိုင်ရရှိခဲ့သည်။
GFA အသင်းမှာ ယင်းပွဲအနိုင်ရရှိမှုကြောင့် အမှတ်ပေး ဇယားအဆင့် ၁၂ နေရာမှ အဆင့် ၁ဝ နေရာသို့ တက်ရောက်သွားခဲ့၍ တန်းဆင်းဇုန်အတွင်းမှ ရုန်းထွက်နိုင်ခဲ့ပြီး လက်ရှိအမှတ်ပေးဇယားတွင် ၃ ပွဲနိုင်၊ ၄ ပွဲသရေ၊ ၁၃ ပွဲရှုံး ရမှတ် ၁၃ မှတ်ရရှိထားသည်။ GFA အသင်းနည်းပြဦးသာကျော်က ”ရခိုင်နဲ့ပွဲမှာ ခံစစ်ကစားဖို့ ပြင်ဆင်လိုက်ရတယ်။ ကျန်တာတော့ အကုန်ပြင်ပြီးသားပါ။ အနိုင်ရရှိမှ တန်းကျန်မှာဖြစ်တဲ့အတွက် လေ့ကျင့်ရေးမှာ သေချာပြင်ဆင်မှုတွေပြုလုပ်ထားတယ်။ တိုက်စစ်မှူး အီမန်နူရယ်ရဲ့အားနည်းချက်တွေကိုလည်း အများကြီးပြင်ဆင်ထားခဲ့တယ်။ ရခိုင်နဲ့ပွဲမှာ ဂိုးအများကြီးသွင်းခဲ့တော့ ဆရာတစ်ဦးအနေနဲ့ စိတ်ချမ်းသာပါတယ်”ဟုဆိုခဲ့သည်။ ဆက်လက်ပြီး GFA အသင်းမှာ ယခုနှစ်မြန်မာနေရှင်နယ်လိဂ်လက်ကျန်ပွဲစဉ်နှစ်ပွဲကစားရန် ကျန်ရှိနေသေးရာ အောက်တိုဘာ ၂၁ ရက်တွင် ချင်းယူနိုက်တက်အသင်းနှင့်လည်းကောင်း၊ အောက်တိုဘာ ၂၉ ရက်တွင် မကွေးအက်ဖ်စီအသင်းနှင့် လည်းကောင်း တွေ့ဆုံရမည်ဖြစ်သည်။
LLH
#democracytoday
Discussion about this post