RelatedPosts
ဝါရှင်တန်၊ မတ် ၁ဝ
အမေရိကန်သမ္မတဒေါ်နယ် ထရန့်တောင်းဆိုထားသော စစ် ရေးပြပွဲအခမ်းအနားကို မြို့တော် ဝါရှင်တန်ဒီစီတွင်ကျင်းပမည်ဖြစ် သော်လည်း တင့်ကားများပါဝင် နိုင်မည်မဟုတ်ကြောင်း မတ် ၁ဝ ရက် AP သတင်းကဆိုသည်။ စစ်ရေးပြပွဲကို နိုဝင်ဘာ ၁၁ ရက်တွင် ကျရောက်မည့်စစ်မှုထမ်း ဟောင်းများနေ့တွင် ကျင်းပမည် ဖြစ်ကြောင်း၊ သို့သော်မြို့တော်ဝါ ရှင်တန်ဒီစီ၏ လမ်းများ၊ အဆောက် အအုံများမပျက်စီးစေရန် တင့်ကားများကို ထည့်သွင်းအသုံးပြုမည် မဟုတ်ကြောင်း ဘီးတပ်ယာဉ်များကိုသာ ထည့်သွင်းအသုံးပြုမည် ဖြစ်ကြောင်း ပင်တဂွန်စစ်ဌာနချုပ်၏အစီအစဉ်များအရ သိရသည်။
သို့သော်စစ်ရေးပြပွဲ၏ အဆုံးသတ်ပိုင်းတွင် လေကြောင်းအင်အားကို အကြီးအကျယ်ပြသသွားမည်ဟု အစီအစဉ်တွင် ရေးဆွဲထားသည်။ စစ်ရေးပြကွင်းအပေါ် မှနေ၍ လေယာဉ်အများအပြား ဖြတ်ကျော်ပျံသန်းမည်ဖြစ်သည်။ လေယာဉ်အဟောင်းများကိုလည်းထည့်သွင်းရန်စီစဉ်ထားသည်။ စစ်သားများသည် အိမ်ဖြူ တော်မှနေ၍ လွှတ်တော်အဆောက် အအုံထံသို့ချီတက်ကြမည်။ ထို့ နောက်နှစ်စဉ်ကျင်းပမြဲဖြစ်သော စစ်မှုထမ်းဟောင်းများနေ့ချီတက် လမ်းလျှောက်သူများနှင့် ပူးပေါင်းမည်ဖြစ်သည်။ မြောက်အမေရိကတိုက်ရှိ အမေရိကန်တပ်များကို ကြီးကြပ်ရသော မြောက်ပိုင်းတိုင်း စစ်ဌာနချုပ်သည် စစ်ရေးပြပွဲကို စီစဉ်မည်ဖြစ်သည်။
ထရန့်သည် ပြင်သစ်သမ္မတ မက်ခရွန်နှင့်တွေ့ဆုံရာ၌ ပြင်သစ် တပ်မတော်၏ စစ်ရေးပြပွဲကို ချီးကျူးပြောဆိုခဲ့သည်။ မိမိတို့လည်း ထိုသို့ကျင်းပလိုသည်ဟုပြောခဲ့သည်။ သို့သော်တင့်ကားများ မပါ ဝင်သော အမေရိကန်စစ်ရေးပြပွဲသည် ပြင်သစ်စစ်ရေးပြပွဲလောက် ကြည့်ကောင်းမည်မဟုတ်ပါ။ အမေရိကန်တွင် စစ်ရေးပြပွဲ ကျင်းပသည့် အစဉ်အလာမရှိပါ။ ယခုစစ်ရေးပြပွဲသည် ဒေါ်လာ ၁ဝ သန်းမှ သန်း ၃ဝ ကြားကုန်ကျနိုင်မည်ဟု ခန့်မှန်းထားသည်။
Ref:AP
#Democracytoday
Discussion about this post